நீண்ட நேரம் உட்கார்ந்திருப்பது உடல் ஆரோக்கியத்திற்கு மிகவும் ஆபத்தானது.. ஏன் தெரியுமா?

அதிக நேரம் உட்கார்ந்திருப்பது உங்கள் உடல் மற்றும் ஒட்டுமொத்த ஆரோக்கியத்தில் ஆபத்தான விளைவுகளை ஏற்படுத்துகிறது.

நம்மில் பெரும்பாலோர், குறிப்பாக அலுவலகங்களில் பணிபுரிபவர்கள், ஒவ்வொரு நாளும் 7-8 மணி நேரத்திற்கும் மேலாக உட்கார்ந்து கொண்டே தான் வேலை செய்கிறோம். அதிக நேரம் உட்கார்ந்து கொண்டே வேலை செய்வதால் முதுகுவலி மட்டுமே ஏற்படும் என்று நீங்கள் நினைத்தால் அது தவறு.. ஆம்.. அதிக நேரம் உட்கார்ந்திருப்பது உங்கள் உடல் மற்றும் ஒட்டுமொத்த ஆரோக்கியத்தில் ஆபத்தான, குறுகிய நீண்ட கால விளைவுகளை ஏற்படுத்துகிறது.

நிபுணர்களின் கூற்றுப்படி, உட்கார்ந்த வாழ்க்கை முறை உங்கள் ஆரோக்கியத்திற்கு மிகவும் ஆபத்தானது. நீங்கள் முதுகெலும்பு மற்றும் முதுகு தொடர்பான பிரச்சனைகளை அனுபவிப்பது மட்டுமல்லாமல், அதிக எடை, டைப்-2 நீரிழிவு நோய், இதய பிரச்சனைகள் மற்றும் மனச்சோர்வு மற்றும் பதட்டத்தை அனுபவிக்கும் வாய்ப்புகள் அதிகம் என்று நிபுணர்கள் தெரிவிக்கின்றனர்.

நீண்ட நேரம் உட்கார்ந்திருப்பது உங்கள் உடலை எவ்வாறு பாதிக்கிறது?

மனிதர்கள் நடமாடும்போதும், உடல் சுறுசுறுப்பாக இருக்கும்போதும் அவர்கள் ஆரோக்கியமாக இருப்பார்கள் என்று மருத்துவர்கள் தெரிவிக்கின்றனர். இதனால் உங்கள் குடல்களை ஒழுங்குபடுத்துவதைத் தவிர, உங்கள் இரதய அமைப்பு மிகவும் திறம்பட செயல்படும். இருப்பினும், மக்கள் நீண்ட நேரம் உட்கார்ந்து கொண்டிருக்கும் போது. தலை முதல் கால் வரை பல பிரச்சனைகளுக்கு ஆளாவது மிகவும் பொதுவானது.

நீண்ட நேரம் உட்கார்ந்திருப்பதால் ஏற்படும் பிரச்சனைகள்

எடை அதிகரிப்பு மற்றும் உடல் பருமன்

உங்கள் தசைகள் சுற்றி நகரும்போது லிப்போபுரோட்டீன் லிபேஸ் போன்ற மூலக்கூறுகளை வெளியிடுகிறது. இது நீங்கள் உண்ணும் கொழுப்புகள் மற்றும் சர்க்கரைகளை செயலாக்க உதவுகிறது. இருப்பினும், நீண்ட நேரம் ஒரே இடத்தில் உட்கார்ந்திருப்பது இந்த மூலக்கூறுகளின் வெளியீட்டைக் குறைக்கிறது. ஆய்வுகளின்படி, நீங்கள் அதிகம் அசையாமல் இருந்தால், மெட்டபாலிக் சிண்ட்ரோம் ஏற்படுவதற்கான அதிக ஆபத்தில் உள்ளீர்கள். எனவே அதிகமாக உட்காருவதால் ஏற்படும் ஆபத்துகளை எதிர்த்துப் போராட, குறைந்தபட்சம் ஒரு மணிநேரம் உடற்பயிற்சி செய்ய வேண்டும் என்று மருத்துவர்கள் பரிந்துரைக்கின்றனர்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

தசை வலி

அதிக நேரம் உட்கார்ந்திருப்பது உங்கள் கால் தசைகளை பாதிக்கிறது. இது உங்கள் கால்கள், இடுப்பு மற்றும் உங்கள் முதுகு போன்றவற்றை கடுமையாக பாதிக்கும் என்று நிபுணர்கள் கூறுகின்றனர், இது தீவிர வலி மற்றும் அசௌகரியத்தை ஏற்படுத்தும். உட்கார்ந்திருப்பது உங்கள் இடுப்பு நெகிழ்வுகளை குறைக்கிறது, மேலும் நீங்கள் அமர்ந்திருக்கும் நிலையும் உங்கள் முதுகில் காயத்தை ஏற்படுத்தும்,

குறிப்பாக உங்களுக்கு மோசமான தோரணையில் அமர்ந்தால் அல்லது சரியான நாற்காலியைப் பயன்படுத்தவில்லை என்றால் எலும்புகள் வலுவிழந்து எலும்பு முறிவு நோயை ஏற்படுத்தும். ஆய்வுகளின்படி, மோசமான தோரணை உங்கள் முதுகுத்தண்டில் உள்ள தட்டுகளை சுருக்கி, முன்கூட்டிய சிதைவுக்கு வழிவகுக்கும், இது பெரும் வலியை ஏற்படுத்தும். 

புற்றுநோய்

நீண்ட நேரம் உட்கார்ந்திருப்பது சில வகையான புற்றுநோய்களை உருவாக்கும் வாய்ப்புகளை அதிகரிக்கும் என்று பல ஆய்வுகள் கூறுகின்றன. நுரையீரல் புற்றுநோய், கருப்பை புற்றுநோய், பெருங்குடல் புற்றுநோய் ஏற்படும் வாய்ப்பு அதிகம் என்று நிபுணர்கள் எச்சரிக்கின்றனர்.

இதய பிரச்சனைகள்

அதிக நேரம் உட்காருவது உங்கள் வெளிப்புற உடல் அமைப்பை காயப்படுத்துவது மட்டுமின்றி உங்கள் இதயம் போன்ற உறுப்புகளின் செயல்பாட்டிலும் பெரும் தாக்கத்தை ஏற்படுத்துகிறது. 11 மணி நேரம் தொலைக்காட்சி பார்க்கும் ஆண்களை விட, வாரத்திற்கு 23 மணி நேரத்திற்கும் மேலாக தொலைக்காட்சி பார்க்கும் ஆண்களுக்கு இதய நோயால் இறப்பதற்கான ஆபத்து 64 சதவீதம் அதிகம் என்று ஆய்வில் கண்டறியப்பட்டுள்ளது. நிபுணர்களின் கூற்றுப்படி, அதிகமாக உட்கார்ந்திருப்பவர்களுக்கு மாரடைப்பு அல்லது பக்கவாதம் ஏற்படும் ஆபத்து 147 சதவீதம் அதிகம்.

நரம்பியல் பிரச்சினைகள்

உங்கள் கால்களில் சோர்வு, வீக்கம் மற்றும் வலி ஏற்படும் போது இரத்தம் மற்றும் திரவம் குவிவதை நீங்கள் அனுபவிக்கலாம். மோசமான சந்தர்ப்பங்களில், ஆழமான கால் நரம்பில் இரத்த உறைவு உருவாகும்போது ஆழமான நரம்பு பிரச்சனையை நீங்கள் உருவாக்கலாம், இது ஆபத்தானது. அதே போல், கர்ப்பமாக இருக்கும் அல்லது கருத்தடை செய்யும் பெண்கள், முதியவர்கள் மற்றும் புகைபிடிப்பவர்கள் அதிக ஆபத்தில் உள்ளனர், ஏனெனில் அதிக அளவில் நடமாடாதவர்கள் அதிக இரத்த உறைவுக்கு வழிவகுக்கும் என்று மருத்துவர்கள் கூறுகின்றனர்.

நீரிழிவு நோய்

அதிக நேரம் உட்கார்ந்து கொண்டிருப்பவர்களுக்கு சர்க்கரை நோய் வருவதற்கான வாய்ப்பு 112 சதவீதம் அதிகம் என ஆய்வு ஒன்று கூறுகிறது. செயலற்ற தன்மை உங்கள் உடலில் இன்சுலின் எதிர்ப்பை அதிகரிக்கிறது, எனவே, நீண்ட நேரம் உட்கார்ந்து, ஒவ்வொரு 20 நிமிடங்களுக்கும் இரண்டு நிமிட நடைப்பயணங்கள் குளுக்கோஸ் அளவையும் இன்சுலின் பதிலையும் கட்டுப்படுத்த உதவும், இதனால் ஒட்டுமொத்த ஆரோக்கிய மேம்பாட்டிற்கு பங்களிக்கிறது.

உட்கார்ந்திருப்பதை விட நிற்கும் போது 30 சதவீதம் அதிக கலோரிகளை எரிப்பதாக நிபுணர்கள் கூறுகின்றனர். இது ஒரு பெரிய விஷயம் இல்லை என்றாலும், அது நிச்சயமாக காலப்போக்கில் ஆரோக்கியத்தை மேம்படுத்த உதவுவதுடன் எடை கட்டுப்பாட்டிற்கு பங்களிக்கிறது. 

அதிக நேரம் உட்கார்ந்து வேலை செய்பவர்கள் ஆரோக்கியத்தை மேம்படுத்த உதவும் வழிகள்

• தொடர்ந்து உட்கார்ந்து வேலை செய்யும் போது ஒவ்வொரு 30 நிமிடங்களுக்கும் எழுந்து நடக்கலாம்
• தொலைபேசியில் பேசும்போது அல்லது தொலைக்காட்சியைப் பார்க்கும்போது நிற்கலாம்.
• நின்று கொண்டே வேலை செய்யும் வகையில் உயர்ந்த மேசைகளை பயன்படுத்தலாம்.புதிய உணவை உள்ளடக்கிய ஆரோக்கியமான இறந்த உணவை உண்ணுவதை உறுதிப்படுத்திக் கொள்ளுங்கள்
• தினமும் உடற்பயிற்சி செய்யுங்கள்