புகைபிடிக்கும் பழக்கம்.. 40 வயதிற்குள் அதை நிறுத்திவிட்டால் என்ன நடக்கும் தெரியுமா? வெளியான ஆய்வின் முடிவு!
சுருக்கம்
Smoking Kills : எந்த வயதிலும் புகைபிடிப்பதை விட்டுவிடுவது மரண அபாயத்தை கணிசமாகக் குறைக்கிறது என்று கண்டுபிடிப்புகள் சுட்டிக்காட்டுகின்றன. இது குறித்து இந்த பதிவில் முழுமையாக காணலாம்.
40 வயதிற்கு முன்னர் புகைபிடிக்கும் பழக்கத்தை விட்டுவிடுபவர்கள், தங்கள் வாழ்நாளில் புகை பழக்கமே இல்லாதவர்கள் வாழும் காலத்திற்கு நிகராக வாழ்கின்றனர் என்று சமீபத்திய ஆய்வு அறிக்கை ஒன்று தெரிவிக்கிறது. இது புகைபிடிக்கும் பழக்கத்தை நிறுத்துவதன் குறிப்பிடத்தக்க ஆரோக்கிய நன்மைகளை வலியுறுத்துகிறது.
NEJM எவிடென்ஸ் இதழில் வெளியிடப்பட்ட ஆய்வில், எந்த வயதிலும் புகைபிடிப்பதை விட்டுவிடுபவர்கள் புகைபிடிக்காதவர்களின் உயிர்வாழும் விகிதத்தை 10 ஆண்டுகளுக்குள் அணுகத் தொடங்குகிறார்கள், ஏறக்குறைய மூன்றே வருடங்களில் பாதி நன்மையை உணரத் தொடங்குகிறார்கள் என்று ஆய்வில் தெரிவித்துள்ளது.
சாக்லேட் தினம் 2024: சாக்லேட்டில் உள்ள ஆச்சர்யமூட்டும் ஆரோக்கிய நன்மைகள் பற்றி தெரியுமா?
டொராண்டோ பல்கலைக்கழகத்தின் டல்லா லானா ஸ்கூல் ஆஃப் பப்ளிக் ஹெல்த் பல்கலைக்கழகத்தைச் சேர்ந்த பேராசிரியர் பிரபாத் ஜா, "புகைபிடிப்பதை நிறுத்துவது மரண அபாயத்தைக் குறைப்பதில் பெரும் ஆற்றல் காட்டுகிறது, மேலும் மக்கள் தங்கள் வாழ்க்கையில் அதை செய்ததற்கான பலனை வெகு விரைவாக அறுவடை செய்யலாம்" என்று கூறினார்.
அமெரிக்கா, இங்கிலாந்து, கனடா மற்றும் நார்வே ஆகிய நாடுகளில் 1.5 மில்லியன் பெரியவர்களை உள்ளடக்கிய இந்த ஆய்வு, 15 வருட காலப்பகுதியில் பங்கேற்பாளர்களைக் கண்காணித்தது. 40 முதல் 79 வயது வரையிலான புகைப்பிடிப்பவர்கள், புகைபிடிக்காதவர்களுடன் ஒப்பிடும்போது இறப்பதற்கான ஆபத்து மூன்று மடங்கு அதிகமாக இருப்பதாகக் கண்டறியப்பட்டது, இதன் விளைவாக சராசரியாக 12 முதல் 13 வருடங்கள் தங்கள் வாழ்நாளை அவர்களை இழக்கின்றனர்.
இருப்பினும், முன்னாள் புகைப்பிடிப்பவர்கள், புகைபிடிக்காதவர்களை விட 1.3 மடங்கு அதிகமான இறப்பு அபாயத்தை கணிசமாகக் குறைத்துள்ளனர், இது ஆயுட்காலம் கணிசமான முன்னேற்றத்தைக் குறிக்கிறது. மூன்று வருடங்களுக்கும் குறைவான காலத்திற்கு புகைபிடிப்பதை விட்டுவிடுபவர்கள் கூட ஆயுட்காலம் ஆறு ஆண்டுகள் வரை அதிகரித்துள்ளனர்.
வாஸ்குலர் நோய் மற்றும் புற்றுநோயால் ஏற்படும் இறப்பு அபாயத்தைக் குறைப்பதில் புகைபிடிப்பதை நிறுத்துவதன் நேர்மறையான தாக்கத்தையும் இந்த ஆய்வு எடுத்துக்காட்டியது, எஞ்சிய நுரையீரல் பாதிப்பு காரணமாக சுவாச நோய்க்கு சற்று குறைவான விளைவு காணப்படுகிறது.
தினமும் வாக்கிங் போறீங்களா ? அப்ப இந்த தவறுகளை எல்லாம் செய்யாதீங்க..
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.