மாலை நேர ஸ்நாக்ஸ் வீட்டிலேயே செய்யலாம் வாங்க .....சீஸ் - கார்ன் கச்சோரி

let we prepare the evening snaks in home itself

 சீஸ் - கார்ன் கச்சோரி

குழந்தைகளுக்கு மாலை நேரத்தில் கச்சோரி செய்து கொடுத்தால் விரும்பி சாப்பிடுவார்கள்.  சீஸ், கார்ன் வைத்து கச்சோரி செய்வது எப்படி என்று பார்க்கலாம்.

தேவையான பொருட்கள் :

மைதா - இரண்டு கப்
சீஸ் - 2௦௦ கிராம்
ஸ்வீட் கார்ன் - இரண்டு கப்
இஞ்சி, பூண்டு விழுது - இரண்டு டீஸ்பூன்
கரம் மசாலா - இரண்டு டீஸ்பூன்
எலுமிச்சை பழம் சாறு - ஒரு டீஸ்பூன்
உப்பு - தேவைகேற்ப
எண்ணெய் - தேவையான அளவு

செய்முறை :

ஸ்வீட் கார்னை கொரகொரப்பாக அரைத்து கொள்ளவும்.

சீஸை துருவிக் கொள்ளவும்.

மைதா மாவு, உப்பு, எண்ணெய் சிறிதளவு, சிறிதளவு தண்ணீர் ஊற்றி நன்றாக அடித்து பிசைந்து, (சப்பாத்தி மாவு பதத்தில்) அரை மணி நேரம் ஊறவைக்கவும்.

கடாயில் எண்ணெய் ஊற்றி காய்ந்ததும் இஞ்சி, பூண்டு விழுது, கரம் மசாலா, அரைத்த கார்ன், உப்பு சேர்த்து வதக்கவும்

அடுத்து அதில் எலுமிச்சை சாறு சேர்த்து கிளறி இறக்கி ஆறவிடவும். மசாலா நன்றாக ஆறியதும் அதில் துருவிய சீஸை சேர்த்து கிளறவும்.

பிசைந்து வைத்துள்ள மாவை பூரியாக திரட்டி, கார்ன் கலவையை நடுவில் வைத்து மூடி, அதிக அழுத்தம் தராமல் தட்டி வைக்கவும்.

கடாயில் எண்ணெய் ஊற்றி காய்ந்ததும் தட்டி வைத்த கச்சோரிகளை அதில் போட்டு பொன்னிறமாக பொரித்து எடுக்கவும்.

சூப்பரான மாலை நேர ஸ்நாக்ஸ் சீஸ் கார்ன் கச்சோரி ரெடி.

இது போன்று  பல  வகையான  ஸ்நாக்ஸ்  செய்து கொடுத்தால்  குழந்தைகள் மட்டுமின்றி, பெரியவர்களும்  விரும்பி இதனை  சாப்பிடுவார்கள் .