ஏடிஎம்மில் கள்ள நோட்டு வருகிறதா? CCTV கேமரா முன் நில்லுங்கள்...!!

fake currencies in atm

கள்ள நோட்டு அதிகம் கலந்திருப்பதாலும், கருப்பு பண ஒழிப்பு நடவடிக்கைக்காகவும் பிரதமர் மோடி ரூபாய் நோட்டு செல்லாது என்ற அறிவிப்பை வெளியிட்டார் .

அதன்பின் வெளியான , புதிய ரூபாய் நோட்டிற்கு இன்னும் தட்டுப்பாடு நிலவும் நேரத்தில், அதற்குள்  கள்ள நோட்டு வந்துவிட்டது . வேறு எங்கும் இல்லை ஏடிஎம்மில் இருந்து எடுக்கும்பணத்திலேயே சில  கள்ள நோட்டு  வெளிவந்துள்ளது.

சென்ற வாரத்தில் டெல்லியில் உள்ள ஒரு ஏடிஎம்மில் இருந்து  எடுக்கப்பட்டபணத்தில் ‘பேங்க் ஆஃப் சில்ரன்’   என டைப் செய்த ரூபாய் தாள் வெளியானது . இது மக்களிடையே  பெரிய சர்ச்சை கிளப்பியது.

இது போன்று ஏடிஎம்மிலிருந்து  பணம் எடுக்கும் போது , அது கள்ள நோட்டு என  கண்டறியப்பட்டால் நீங்கள் உடனடியாக  அருகில் உள்ள, வங்கி கிளையில் தெரிவித்து, வங்கி அதிகாரி அந்த ரூபாய் தாளின் மீது முத்திரையிடுவார். அதன்பின் அதற்குண்டான  நல்ல  பணத்தை அந்த  நபரிடம் கொடுப்பார் . பின்னர் காவல்  நிலையத்தில் புகார் தெரிவிக்கப்பட்டு விசாரணை நடைபெறும்  என்பது குறிப்பிடத்தக்கது .

ஒரு வேளை,இரவு நேரத்தில் ஏடிஎம்மிலிருந்து பணம் எடுக்கும் போது, இவ்வாறு நிகழ்ந்தால் என்ன செய்வீர்கள் ?

இரவு நேரத்தில் ஏடிஎம்மிலிருந்து பணம் எடுக்கும் போது, கள்ள நோட்டு என சந்தேகம் இருப்பின், அப்பொழுதே ஏடிஎம் அறையில் வைக்கபட்டுள்ள  சிசிடிவி  கேமரா  முன் நின்று , அந்த ரூபாய் நோட்டை காண்பித்து ,கள்ள நோட்டாக தெரிகிறது என்பதை பதிவு செய்யவேண்டும் ,கூடுதலாக ஏடிஎம் காவலாளியிடம் கூட  நீங்கள் தெரிவிக்கலாம். விசாரணையின் போது உதவும்.

எனவே பணத்தை கையாளும் போது, கவனமாக இருப்பது நல்லது