மாணவர்கள் இப்போதே தேர்வுக்கு தயாராகலாம்..! வெளியானது தேர்வு அட்டவணை..!

10, 11, 12ஆம் வகுப்புக்கான தேர்வு அட்டவணையை அரசுத் தேர்வுகள் இயக்ககம் வெளியிட்டு உள்ளது. அதன் படி மும்மொழி கொள்கை மற்றும் புதிய பாடத் திட்டம் உள்ளிட்ட பல்வேறு காரணங்களுக்காக தேர்வு அட்டவணையை வெளியிடுவதில் தாமதம் ஏற்பட்டது.

இந்த நிலையில் தற்போது வெளியாகி உள்ள தேர்வு அட்டவணை படி, 12ஆம் வகுப்பு மாணவர்களுக்கு மார்ச் 2-ஆம் தேதி தேர்வு தொடங்கி 24ம் தேதி வரை நடைபெறும் என்றும் தேர்வு முடிவுகள் ஏப்ரல் மாதம் 24ம் தேதி வெளியாகும் என்றும் தெரிவிக்கப்பட்டுள்ளது.

மேலும் பதினோராம் வகுப்பு மாணவர்களுக்கு மார்ச் 4 ஆம் தேதி தொடங்கி 26 ஆம் தேதி வரை தேர்வுகள் நடைபெறும் என்றும் மே மாதம் 14ஆம் தேதி தேர்வு முடிவுகள் வெளியாகும் என்றும் தெரிவிக்கப்பட்டுள்ளது.

இதைப்போன்று பத்தாம் வகுப்பு தேர்வு மார்ச் 17-ஆம் தேதி தொடங்கி ஏப்ரல் 9 ஆம் தேதி வரை நடைபெறும் என்றும், தேர்வு முடிவுகள் மே மாதம் நான்காம் தேதி வெளியிடப்படும் என்றும் குறிப்பிடப்பட்டுள்ளது. எனவே  மாணவர்கள் இப்போதிலிருந்தே தேர்வுக்கு தயாராகலாம்.