படுக்கையை விட்டு எழும்பாேது செய்ய வேண்டிய 4 முக்கிய விஷயங்கள்

பொதுவாக அதிகாலையில் படுக்கையில் இருந்து எழும் போது அனைவருக்கும் ஒருவித சோம்பல் இருக்கும். இதற்கு பலரும் பல காரணங்கள் சொல்வதுண்டு. ஆனால், இந்த சோம்பலை போக்க, மேலும் அதிக நேரம் படுக்கையில் செலவிட வேண்டும் என நிபுணர்கள் தெரிவிக்கின்றனர். ஆனால் படுத்துக்கொண்டே நான்குவித உடற்பயிற்சிகளை மட்டும் நீங்கள் செய்தால் சோம்பலை போக்குவதோடு, சுறுசுறுப்பான நாளையும் உணரமுடியும் என்கிறது நிபுணர்கள் குழு.

1. பத்மாசன முறையில் அமர்ந்துக்கொண்டு, இரண்டு கைகளையும் நம் முகத்துக்கு நேராக வரும்படி வைத்துக்கொள்ள வேண்டும். பின் அப்படியே இரு கைகளையும் தலைக்கு மேலே கொண்டு சென்று, முதலில் வலது புறமாக சாய்ந்து கொள்ள வேண்டும். பின் இடது புறமாக சாய வேண்டும். இப்படி செய்வதன் மூலம், உடலின் மேல்பகுதி, தோள்பட்டை, கைதசைகள் நன்றாக ஸ்டிரெச்சாகும்.

2.இதை செய்ய நன்றாக படுத்துக்கொண்டு, ஒருகாலை வயிறு அருகே வரும்படி செய்து கொள்ள வேண்டும். பின் அந்த காலை எதிர்கையைகொண்டு மற்றொரு கையை தரையில் படும் படி வைத்துக்கொண்டு முதுகுதண்டுவடத்தை வளைக்க வேண்டும். பின் இதே போல எதிர்திசையிலும் செய்ய வேண்டும். இப்படி செய்வது முதுகு தண்டுவடத்துக்கு நல்லது.

3. இதை செய்ய தரையில் படுத்துக்கொண்டு, இருகையின் விரல்களும் வெளிப்புறமாக படும்படி வைத்துக்கொள்ள வேண்டும். பின் மெதுவாக கைகளின் துணையுடன் இடுப்பை உயர்த்த வேண்டும். பின் சிறிது நேரம் அப்படியே வைத்துக்கொண்டு மீண்டும் செய்ய வேண்டும். இது இடுப்பு, அப்டோமன், மற்றும் மார்புகளுக்கு மிகவும் நல்லது.

4.உச்சிமுதல் உள்ளங்கால் வரையிலானபயிற்சி. இதை செய்ய நேராக நின்றுகொண்டு, இரு கைகளையும் மேலே தூக்கிக்கொள்ளவேண்டும். பின் நன்றாக மூச்சை உள்வாங்கிக்கொண்டு முன்புறமாக குனிய வேண்டும், அப்பாேது முட்டிகளை மடக்குவதை தவிர்க்க வேண்டும். தொடர்ந்து இதே போல பின்புறமாக இதை செய்ய வேண்டும். இதனால் ஒட்டுமொத்த உடலுக்கும் புத்துணர்ச்சி கிடைக்கும்.