சப்பாத்திக்கு மாவு பிசையும் போது கைகளில் ஒட்டிக் கொள்கிறதா? இதோ சூப்பர் வழி இருக்கே

மாவு பிசைந்தால் கையில் ஒட்டிக் கொள்ளும். அதை அகற்றுவதே பெரும்பாடாகி விடும் என்ற காரணத்தால் தான் பல பெண்கள் வீட்டில் சப்பாத்தி செய்வதையே தவிர்க்கிறார்கள். இப்படி நீங்களும் மாவு பிசைய கஷ்டப்படுகிறீர்களா? இந்த வழிகளை பின்பற்றி பாருங்கள். கஷ்டமே இல்லாமல் கையில் ஒட்டி இருக்கும் மாவை அகற்றி விடலாம்.   

சப்பாத்தி, ரொட்டி சாப்பிடுவது என்றால் பலருக்கும் ரொம்ப இஷ்டம். சாஃப்டான சப்பாத்தி வேண்டும் என்றால் அதற்கு மாவு பிசையும் பக்குவம் என்பது மிக மிக அவசியம். ஆனால் மாவு கைகளுடன் ஒட்டிக் கொண்டு, பிசுபிசுப்பு தன்மையும் இருப்பதால் சப்பாத்திக்கு மாவு பிசைவது மட்டும் பெரும்பாலானவர்களுக்கு பிடிக்காது. ஆனால் கையில் ஒட்டாமல் ஈஸியாக மாவு பிசையவும், கையில் ஒட்டிய மாவை நீக்குவதற்கும் ஈஸியான வழி இருக்கு என்றால் உங்களால் நம்ப முடிகிறதா? அது என்ன டிரிக் என நீங்களும் தெரிந்து கொள்ளுங்கள்.

விரல்களில் ஒட்டிய மாவை நீக்க 6 எளிய வழிகள்:

தண்ணீர் அளவு :

மாவு பிசைய துவங்கும் போதே தண்ணீரை அதிகமாக ஊற்றி பிசைய துவங்கினால் கைகளில் மாவு ஒட்டிக் கொள்ளும். அதனால் எப்போது மாவு பிசைந்தாலும் தண்ணீரை சிறிது, சிறிதாக தெளித்து, தெளித்து தான் பிசைய வேண்டும். இதனால் சரியான பதத்திற்கு மாவு பிசைய முடிவதுடன், கைகளில் ஒட்டாமல் பிசைந்து விட முடியும். அப்படியே லேசாக ஒட்டி இருந்தாலும், இறுதியாக ஒரு ஸ்பூன் எண்ணெய் சேர்த்து, மாவை பிசைந்து வைத்தால் கைகளில் ஒட்டிக் கொண்டு அடம்பிடிக்கும் மாவும் தனியாக பிரிந்து வந்து விடும்.

உலர்ந்த மைதா : 

மாவு செய்வதற்கு மட்டும் அல்லாமல், அது உங்கள் விரல்களில் ஒட்டாமல் இருக்கவும் உதவுகிறது. உங்கள் கைகளில் ஒட்டி இருக்கும் மாவை, உலர்ந்த மாவில் தொட்டுக் கொள்ளுங்கள். இப்போது நீங்கள் பிசைந்து வைத்திருக்கும் மாவை லேசாக பிசையுங்கள். இப்போது உங்கள் கையில் ஒட்டி இருக்கும் மாவின் ஈரப்பதத்தை, உலர்ந்த மாவு உறிஞ்சி கொள்ளும். இப்போது உங்கள் கையில் ஒட்டி இருக்கும் மாவை எளிதாக அகற்ற முடியும். 

எண்ணெய் தடவவும் :

சிறிய எண்ணெய் தடவுவது உங்கள் விரல்களுக்கு நேரடி பாதுகாப்பு கொடுக்கும். கையில் லேசாக எண்ணெய் தேய்த்துக் கொண்டு மாவு பிசைந்தால் கைகளில் ஒட்டாது. மாவு தேய்த்த பிறகு கைகளில் எண்ணெய் தடவினால் கையில் ஒட்டி இருக்கும் மாவை எளிதில் அகற்றி விடலாம். 

குளிர்ந்த நீர் :

சுடு நீரில் விரலை கழுவினால், அது மாவின் உணர்வை அதிகரித்து, அதனை இன்னும் சிக்கலாக்கும். அதற்கு பதிலாக, ஐஸ்கட்டிகள் அல்லது குளிர்ந்த நீர் ஊற்றும் போது அது மாவை கடினமாக்கி விடும். இதனால் கையில் ஒட்டிய மாவை அகற்றுவது எளிதானதாகி விடும். தேவைப்பட்டால் அந்த மாவுகளை ஒன்றாகவும் சேர்த்து பிசைந்து கொள்ளலாம்.

உப்பு துகள் :

இது எதுவும் செய்தும் கைகளில் ஒட்டி இருக்கும் மாவை நீக்க முடியவில்லை என்றால் சர்க்கரை அல்லது உப்பை ஒரு சிறிய அளவு எடுத்து சேர்த்து, விரல்கள் இடையில் அதை மெதுவாக மசாஜ் செய்யவும். இதனால் மேலேயுள்ள சிக்கலான மாவு தனியாக எடுத்துக் கொண்டு வந்து விடும். இப்படி செய்வதால் ஒட்டி இருக்கும் மாவு நீங்குவதுடன் கைகளும் சாஃப்டாகி விடும். இது ஆரோக்கியமாக கைகளை சுத்தம் செய்யும் முறையாகும்.

உலர விடவும்

எல்லா வழிகளும் தோல்வியடைந்தால், வேகமாக கைகளை சுத்தம் செய்ய வேண்டும் என்ற சூழலில், மாவு உங்கள் விரல்களில் சில நொடிகள் உலர விடுங்கள். அது சிறிது உறைந்ததும், விரல்களை இழுத்துக் கொள்ளும்போது, உலர்ந்த பகுதிகள் எளிதாக விழுந்து விடும். இது நேரத்தை வீணடிக்கும் முறை என்றாலும், சில சமயங்களில் பொறுமையே முக்கியம்.