வாரணசாயில் பிரதமர் மோடி : இரவு 11 மணிக்கு ஷிவ்பூர்-புல்வாரியா-லஹர்தாரா சாலையை ஆய்வு செய்த பிரதமர்..
By Ramya s | First Published Feb 23, 2024, 8:02 AM ISTவாரணாசி சென்றுள்ள பிரதமர் மோடி நேற்றிரவு 11 மணியளவில் ஷிவ்பூர்-புல்வாரியா-லஹர்தாரா சாலையை ஆய்வு செய்தார்.
உ.பி.க்கு பிரதமர் மோடி வருகை பிரதமர் நரேந்திர மோடி நேற்றிரவு வாரணாசி சென்றடைந்தார். இன்று அங்கு பல்வேறு வளர்ச்சி திட்டங்களை மோடி தொடங்கி வைக்க . இதன் பிறகு இன்று வெள்ளிக்கிழமை (பிப்ரவரி 23) பல வளர்ச்சித் திட்டங்களை அவர் தொடங்கி வைக்கிறார். மேலும் பொதுக்கூட்டங்களில் பிரதமர் உரையாற்ற உள்ளார்.
குஜராத்தில் நேற்று பல்வேறு வளர்ச்சி திட்டங்களை தொடங்கி வைத்த பிரதமர் மோடி தனது மக்களவைத் தொகுதியான வாரணாசியை அடைந்தார். இரவு 11 மணியளவில் ஷிவ்பூர்-புல்வாரியா-லஹர்தாரா சாலையை ஆய்வு செய்ய சென்றார். உ.பி., முதல்வர் யோகி ஆதித்யநாத், பிரதமர் மோடியுடன் ஆய்வு மேற்கொண்டார்.
Upon landing in Kashi, inspected the Shivpur-Phulwaria-Lahartara Marg. This project was inaugurated recently and has been greatly helpful to people in the southern part of the city. pic.twitter.com/9W0YkaBdLX
— Narendra Modi (@narendramodi)
Latest Videos
undefined
சமீபத்தில் திறக்கப்பட்ட இந்த சாலை, வாரணாசி விமான நிலையம், லக்னோ, அசம்கர் மற்றும் காசிபூர் நோக்கி செல்ல விரும்பும் நகரின் தெற்குப் பகுதியில் வசிக்கும் சுமார் 5 லட்சம் மக்களுக்கு உதவியாக உள்ளது.பிரதமர் மோடி அங்கு ஆய்வு செய்ய சென்றபோது, குழந்தைகள், இல்லத்தரசிகள் உள்ளிட்ட பலர் தங்களின் வீடுகளின் மொட்டை மாடியில் இருந்து மோடியை பார்த்து கையசைத்தனர்.. பிரதமரும் அவர்களை நோக்கி கை அசைத்தார்.
9 ஆண்டுகள் இந்தியப் பிரதமராக இருந்த காலத்தில், இதுவரை ஒரு நாள் கூட பிரதமர் மோடி விடுப்பு எடுத்ததில்லை. தகவல் அறியும் உரிமைச் சட்டத்தின் மூலம் கேட்கப்பட்ட கேள்விக்கு பதில் அளிக்கும் வகையில் இந்த தகவலை பிரதமர் அலுவலகம் பகிர்ந்துள்ளது.
அமுல் தயாரிப்புகள் போன்று எதுவும் இல்லை: பிரதமர் மோடி புகழாரம்!
360 கோடி ரூபாய் செலவில் கட்டப்பட்ட இந்த சாலை, பனாரஸ் இந்து பல்கலைக்கழகத்தில் இருந்து விமான நிலையம் நோக்கி பயணிக்கும் நேரத்தை 75 நிமிடங்களில் இருந்து 45 நிமிடங்களாகவும், லஹர்தாராவிலிருந்து கச்சாஹ்ரிக்கு 30 நிமிடங்களில் இருந்து 15 நிமிடங்களாகவும் குறைத்துள்ளது.. வாரணாசியின் குடிமக்களின் வாழ்க்கையை எளிதாக்குவதற்காக ரயில்வே மற்றும் பாதுகாப்பு உள்ளிட்ட அமைச்சகங்களுக்கு இடையேயான ஒருங்கிணைப்புடன் இந்த திட்டம் செயல்படுத்தப்பட்டது
பிரதமர் மோடி வாரணாசி பயணம்
இன்று பிப்ரவரி 23 அன்று, வாரணாசியில் உள்ள BHU இன் சுதந்திர மண்டபத்தில் பாராளுமன்ற சமஸ்கிருத போட்டியில் வெற்றி பெற்றவர்களுக்கு விருது வழங்கும் நிகழ்ச்சியில் பிரதமர் மோடி பங்கேற்கிறார். காலை 11:15 மணிக்கு, பிரதமர் சந்த் குரு ரவிதாஸ் ஜென்மஸ்தலியில் பூஜை மற்றும் தரிசனம் செய்ய உள்ளார். காலை 11:30 மணிக்கு புனித குரு ரவிதாஸின் 647வது பிறந்தநாளைக் குறிக்கும் பொது நிகழ்ச்சியில் பிரதமர் கலந்து கொள்கிறார்.
பாஜகவின் சிறப்பான ஆட்சியே நாட்டின் தொழில்நுட்ப வளர்ச்சிக்கு காரணம் - மத்திய அமைச்சர் பெருமிதம்
பிற்பகல் 1:30 மணியளவில், வாரணாசியில் உள்ள கர்கியான்வில் உள்ள UPSIDA அக்ரோ பூங்காவில் உள்ள பனஸ்கந்தா மாவட்ட பால் கூட்டுறவு லிமிடெட்டின் பால் பதப்படுத்தும் பிரிவிற்கு பிரதமர் வருகை தருகிறார். ஒரு பொது விழாவில், பிரதமர் வாரணாசியில் ரூ.13,000 கோடி மதிப்பிலான பல வளர்ச்சித் திட்டங்களுக்கு அடிக்கல் நாட்டுகிறார்.
சேனலை கிளிக் செய்து பின்தொடரவும்