கோவா தீ விபத்து: உயிரிழந்தோருக்கு ரூ.2 லட்சம் நிவாரணம் – பிரதமர் மோடி அறிவிப்பு!

கோவாவின் அர்போரா பகுதியில் உள்ள ஒரு கிளப்பில் ஏற்பட்ட பயங்கர தீ விபத்தில் 25 பேர் உயிரிழந்தனர். இந்த துயர சம்பவத்தில் உயிரிழந்தவர்களின் குடும்பங்களுக்கு தலா ரூ.2 லட்சம் நிவாரணம் வழங்கப்படும் என பிரதமர் மோடி அறிவித்துள்ளார்.

கோவா மாநிலத்தின் அர்போரா பகுதியில் நிகழ்ந்த கொடூர தீ விபத்து நாட்டை அதிர்ச்சியில் ஆழ்த்தியுள்ளது. இந்த சம்பவத்தில் உயிரிழந்தவர்களின் குடும்பங்களுக்கு தலா ரூ.2 லட்சம் நிவாரணம், மேலும் காயமடைந்தவர்களுக்கு ரூ.50,000 வழங்கப்படும் என பிரதமர் நரேந்திர மோடி ஞாயிற்றுக்கிழமை அறிவித்தார். இந்த நிவாரணம் பிரதமரின் தேசிய நிவாரண நிதியிலிருந்து வழங்கப்படும் என்று பிரதமர் அலுவலகம் X தளத்தில் பதிவிட்டது.

தீ விபத்தில் பலி எண்ணிக்கை உயர்ந்த நிலையில், பிரதமர் மோடி தனது ஆழ்ந்த இரங்கலைத் தெரிவித்தார். “இந்த சம்பவம் மிகுந்த வருத்தமளிக்கிறது. உயிரிழந்தோரின் குடும்பங்களுக்கு எனது எண்ணங்கள் செல்கின்றன; காயமடைந்தவர்கள் விரைவில் குணமடையட்டும்,” என அவர் X தளத்தில் குறிப்பிட்டார். மேலும், கோவா முதல்வர் பிரமோத் சாவந்த் உடன் நிலைமை குறித்து பேசியதாகவும், மாநில அரசுக்கு தேவையான உதவிகளை வழங்குவதாகவும் தெரிவித்தார்.

நேற்று (சனிக்கிழமை) நள்ளிரவு அர்போரா பகுதியில் ஒரு உணவகம் மற்றும் கிளப்பில் தீ விபத்து ஏற்பட்டது. சம்பவம் நடந்த இடத்திற்கு அவசர சேவை குழுக்கள் விரைந்து சென்று, காயமடைந்தவர்களை மருத்துவமனைக்கு கொண்டு சென்றனர். இரவு முழுவதும் மீட்பு பணிகள் நடைபெற்றன. கோவா முதல்வர் சாவந்த் இந்த சம்பவத்தை “மிகவும் துரதிர்ஷ்டவசமானது” எனக் குறிப்பிட்டார்.

கோவா முதல்வர் பங்கஜ் சாவந்த் X தளத்தில் தனது பதிவில் வெளியிட்டார், பிரதமர் மோடி தனக்குத் தொடர்பு கொண்ட நிலைமை பற்றி கேட்டதாகவும், மாநில நிர்வாகம் வழங்கும் உதவிகளை விளக்கியுள்ளதாகவும் குறிப்பிட்டார். வடக்கு கோவாவின் பாகா அருகே உள்ள ‘பிர்ச் பை ரோமியோ லேன்’ கிளப்பில் ஏற்பட்ட இந்த தீ விபத்தில் 25 பேர் உயிரிழந்துள்ளனர் என காவல்துறை தெரிவித்துள்ளது.

இதில் நான்கு பேர் சுற்றுலா பயணிகள், 14 பேர் கிளப் ஊழியர்கள், மேலும் 7 பேரின் அடையாளம் இன்னும் கண்டறியப்படவில்லை. ஆறு பேர் சிகிச்சை பெற்று வருகின்றனர். தீ விபத்திற்கான காரணம் இன்னும் கண்டறியப்படவில்லை என்றும் விசாரணை நடைபெற்று வருவதாகவும் அதிகாரிகள் தெரிவித்தனர். இச்சம்பவம் இந்திய அளவில் அதிர்ச்சியை ஏற்படுத்தி உள்ளது.