சூரியனில் என்ன நடக்குது? ஆதித்யா எல்-1 எடுத்த புகைப்படங்களை வெளியிட்டது இஸ்ரோ!
By SG Balan | First Published Jun 10, 2024, 3:56 PM ISTமே மாதம் சூரியனின் இயங்குநிலை எப்படி மாற்றம் அடைந்தது என்பதை ஆதித்யா எல்-1 விண்கலம் பதிவு செய்து பூமிக்கு அனுப்பியது. இஸ்ரோவின் அதிகாரபூர்வ ட்விட்டர் பக்கத்தில் இந்தப் படங்களை வெளியாகி வைரலாகப் பரவி வருகின்றன.
சூரியனின் இயக்கத்தைக் காட்டும் விதவிதமான புதிய புகைப்படங்களை ஆதித்யா எல்-1 விண்கலம் பூமிக்கு அனுப்பியுள்ளது. அவற்றை இந்திய விண்வெளி ஆராய்ச்சி நிறுவனம் (இஸ்ரோ) திங்கட்கிழமை வெளியிட்டுள்ளது.
சூரியனை ஆய்வு செய்வதற்கான ஆதித்யா எல்-1 விண்கலத்தை இஸ்ரோ 2023ஆம் ஆண்டு செப்டம்பர் 2ஆம் தேதி ஏவப்பட்டது. ஆந்திராவின் ஸ்ரீஹரிகோட்டாவில் உள்ள சதீஷ் தவான் விண்வெளி ஏவுதளத்தில் இருந்து ஆதித்யா எல்-1 விண்கலம் விண்ணுக்கு அனுப்பப்பட்டது.
Latest Videos
undefined
இந்த விண்கலம் பூமியில் இருந்து, 15 லட்சம் கி.மீ தொலைவுக்கு 125 நாட்கள் பயணித்தது. பின், எல் 1 எனப்படும், லாக்ராஞ்சியன் புள்ளியில் நிலைநிறுத்தப்பட்டது. 2024ஆம் ஆண்டு ஜனவரி மாதம் ஆதித்யா எல்-1 எல்-1 புள்ளியை அடைந்தது. அதிலிருந்து சூரியனைப் பற்றி ஆய்வை ஆதித்யா எல்-1 மேற்கொண்டு வருகிறது.
3வது முறையாக விண்வெளிக்குச் சென்ற சுனிதா வில்லியம்ஸ்! பூஜ்ஜிய ஈர்ப்பு விசையில் உற்சாக நடனம்!
Aditya-L1 Mission:
SUIT and VELC instruments have captured the dynamic activities of the Sun 🌞 during May 2024.
Several X-class and M-class flares, associated with coronal mass ejections, leading to significant geomagnetic storms were recorded.
📷✨ and details:… pic.twitter.com/Tt6AcKvTtB
ஆதித்யா -எல்-1 விண்கலம் பதிவு செய்து பூமிக்கு அனுப்பும் தகவல்களை இஸ்ரோ அவ்வப்போது வெளியிட்டு வருகிறது. அண்மையில் சூரியனில் ஏற்பட்ட வெடிப்பை ஆதித்யா எல்-1 படம் பிடித்த்து. அதைத் தொடர்ந்து திங்கட்கிழமை சூரியனின் இயக்கநிலையை காட்டும் படங்களை இஸ்ரோ வெளியிட்டுள்ளது.
மே மாதம் சூரியனின் இயங்குநிலை எப்படி மாற்றம் அடைந்தது என்பதை ஆதித்யா எல்-1 விண்கலம் பதிவு செய்து பூமிக்கு அனுப்பியது. இஸ்ரோவின் அதிகாரபூர்வ ட்விட்டர் பக்கத்தில் இந்தப் படங்களை வெளியாகி வைரலாகப் பரவி வருகின்றன. இந்தப் புகைப்படங்கள் சூரியனின் ஆற்றல் மிகுந்த செயல்பாடுகளைக் காட்டுவதாகவும் கூறியுள்ளது.
"ஆதித்யா எல்-1 இல் உள்ள SUIT மற்றும் VELC கருவிகள் மே 2024 இல் சூரியனின் ஆற்றல்மிக்க செயல்பாடுகளைப் படம்பிடித்துள்ளன" என்று இஸ்ரோ தனது பதிவில் குறிப்பிட்டுள்ளது. மேலும், எக்ஸ்-கிளாஸ் மற்றும் எம்-கிளாஸ் எரிப்பு புவி காந்த புயல்களுக்கு வழிவகுக்கின்றன என்றும் சுட்டிக்காட்டியுள்ளது.
30 நிமிடத்தில் இலவச தரிசனம்... ரூ.20-க்கு 2 லட்டு.. 'ஸ்பெஷல் ஸ்டாட்' ஒதுக்கிய திருப்பதி தேவஸ்தானம்!
சேனலை கிளிக் செய்து பின்தொடரவும்