வெளியானது காங்கிரஸ் தலைவர் பதவிக்கான உட்கட்சி தேர்தல் தேதி… அக.19ல் வாக்கு எண்ணிக்கை என தகவல்!!

காங்கிரஸ் தலைவர் பதவிக்கான உட்கட்சி தேர்தல் அக்டோபர் 17 ஆம் தேதி நடைபெறும் என்றும், வாக்கு எண்ணிக்கை அக்டோபர் 19 ஆம் தேதி நடைபெறும் என்றும் தகவல்கள் வெளியாகியுள்ளது. 

காங்கிரஸ் கட்சியின் புதிய தலைவரை தேர்ந்தெடுக்க தேர்தல் தேதியை முடிவு செய்வதற்காக காரிய கமிட்டி கூட்டம் இன்று பிற்பகல் 3.30 மணிக்கு  நடைபெற்றது. மருத்துவ பரிசோதனைக்காக வெளிநாடு சென்றுள்ள சோனியா காந்தி, அவருக்கு உதவியாக சென்றுள்ள ராகுல், பிரியங்கா ஆகியோரும் வீடியோ கான்பரன்ஸ் மூலம் கூட்டத்தில் பங்கேற்றனர். காங்கிரஸ் கட்சியானது  2வது முறையாக கடந்த 2019 மக்களவை தேர்தல் உட்பட தொடர் தோல்விகளை சந்தித்து வருகிறது. இதனையடுத்து ராகுல் காந்தி, கட்சித் தலைவர் பதவியை ராஜினாமா செய்தார். அதன்பின்னர், சோனியா காந்தி இடைக்கால தலைவராக  தேர்ந்தெடுக்கப்பட்டார். இதனைத்தொடர்ந்து கடந்த ஆண்டு அக்டோபர் மாதம் நடைபெற்ற காங்கிரஸ் காரிய கமிட்டி கூட்டத்தில், ஆகஸ்ட் 21 - செப்டம்பர் 20ம் தேதிக்குள் புதிய தலைவரை தேர்ந்தெடுக்க வேண்டும் என முடிவு எடுக்கப்பட்டது.

இதையும் படிங்க: பயங்கரமான திருவிழாவா இருக்கே! ஒருவர் மீது ஒருவர் கல்எறியும் நிகழ்ச்சிக்கு மக்களும், மருத்துவர்களும் தயார்

முன்னதாக கட்சியின் மூத்த தலைவர் குலாம் நபி ஆசாத் கடந்த வெள்ளிக்கிழமை திடீரென ராஜினாமா செய்தார். இதன் காரணமாக கட்சித் தலைவர் சோனியா காந்திக்கு அவர் எழுதிய கடிதத்தில், கட்சியின் முழு ஆலோசனை அமைப்பையும் தகர்த்துவிட்டார் என்று ராகுல் காந்தியை சாடினார். இது பரபரப்பை ஏற்படுத்தியது. அகில இந்திய காங்கிரஸ் கட்சியின் தலைவர் பதவியில் இருக்க மாட்டேன் என்ற நிலைப்பாட்டில் ராகுல் காந்தி பிடிவாதமாக இருப்பதாக பல கட்சியினர் கூறுகின்றனர். இதற்கிடையில், ராஜஸ்தான் முதல்வர் அசோக் கெலாட் கடந்த புதன்கிழமை காங்கிரஸ் தலைவர் பதவிக்கு தான் முன்னோடியாக இருப்பதாக தெரிவித்ததாக கூறப்படுகிறது. 

இதையும் படிங்க: ஜார்கண்ட் எம்.எல்.ஏக்கள் மாயம் - முதல்வராகும் மனைவி ? பாஜக வலையில் சிக்குவாரா ஹேமந்த் சோரன் ?

மேலும் ராகுல் காந்தியை மீண்டும் கட்சி பொறுப்பேற்க கடைசி நிமிடம் வரை முயற்சிகள் மேற்கொள்ளப்படும் என்றும் தெரிவிக்கப்பட்டுள்ளது. ஜனாதிபதித் தேர்தலுக்கான செயல்முறை சில வாரங்கள் தாமதமாகும், அதற்கு மேல் அல்ல, மேலும் அக்டோபரில் கட்சிக்கு முழுநேரத் தலைவர் இருக்க வேண்டும் என்று கட்சி வட்டாரங்கள் முன்பு தெரிவித்தன. காங்கிரஸ் கட்சியின் புதிய தலைவரை தேர்ந்தெடுப்பதற்கான உட்கட்சி தேர்தல் ஆகஸ்ட் 21 முதல் செப்டம்பர் 20 வரை நடைபெறும் என்று கடந்த ஆண்டு அக்டோபர் மாதம் அறிவித்தது குறிப்பிடத்தக்கது.