'டக்' அவுட் ஆனவர்கள் பட்டியலில் தினேஷ் கார்த்தி முதலிடம்...

Dinesh Karthi tops list of duck list

இந்தியா வந்துள்ள இலங்கை கிரிக்கெட் அணி, 3 டெஸ்ட், 3 ஒருநாள் மற்றும் 3 டி-20 போட்டிகள் கொண்ட தொடரில் பங்கேற்கிறது. இதில் நடந்து முடிந்த 3 டெஸ்ட் போட்டிகள் கொண்ட தொடரை இந்திய அணி ஏற்கனவே 1-0 என கைப்பற்றியது. இதையடுத்து, இலங்கைக்கு எதிரான முதல் ஒருநாள் போட்டி இன்று
காலை 11.30 மணிக்கு தொடங்கி தர்மசாலாவில் நடைபெற்று வருகிறது.. இதில் டாஸ் வென்ற இலங்கை அணி கேப்டன் பெராரா பந்து வீச்சைத் தேர்வு செய்தார்.

இந்திய துவக்க ஆட்டக்காரர்கள் ஷிகர் தவான் மற்றும் ரோகித் சர்மா இருவரும் ஆட்டத்தை தொடங்கினர். ஆட்டத்தின் 2-வது ஓவரிலே இந்திய அணிக்கு அதிர்ச்சி காந்திருந்தது. அதில்,  ஷிகர் தவான் ரன்கள் ஏதும் எடுக்காமல், டக் அவுட் முறையில் அவுட்டானார். தவானைத் தொடர்ந்து இந்திய அணியின் கேப்டன் சர்மா 2 ரன்களில் ஆட்டமிழந்தார். இதற்கு அடுத்து வந்த தினேஷ் கார்த்திக்கும் டக் அவுட் முறையில் வெளியேற இந்திய அணி 8.5 ஓவரில் 3 விக்கெட் இழப்பிற்கு வெறும் 8 ரன்கள் மட்டுமே எடுத்திருந்தது. அதிக பந்துகளைச் சந்தித்து டக் அவுட் ஆனவர்கள் பட்டியலில் இந்திய அணியின் தினேஷ் கார்த்திக் முதலிடம் பிடித்துள்ளார்.

இதற்கு முன்னதாக சோல்கர் (17 பந்துகள்), ராமன் (16) மற்றும் கங்குலி (16) ஆகியோர் அடுத்தடுத்த இடங்களில் உள்ளனர். ஒரு புறம் விக்கெட்டுகள் மளமளவென்று சரிய தோனி மட்டும் நிலைத்து நின்று ஆடி இந்திய அணி ஓரளவு ரன்கள் எட்ட உதவியுள்ளார். இதில், தோனி 87 பந்துகளில் 10 பவுண்டர்கள், 2 சிக்சர்கள் உள்பட 65 ரன்கள் சேர்த்து ஆட்டமிழந்தார். இறுதியில் இந்திய அணி 38.2வது ஓவரில் அனைத்து விக்கெட்டுகளையும் இழந்து 112 ரன்கள் மட்டும் எடுத்தது. இலங்கை அணியில் சிறப்பாக பந்துவீசிய லக்மல் 4 விக்கெட்டுகளை வீழ்த்தி அசத்தினார்.