9 ஆண்டுகளை நிறைவு செய்யும் பாஜக அரசு... சாதனைகளை மக்களிடம் கொண்டு செல்லும் ஏற்பாடுகள் தீவிரம்!!

மத்திய பாஜக அரசின் 9 ஆண்டுகால ஆட்சி நிறைவடைய உள்ள நிலையில், ஆட்சியின் சாதனைகளை மக்களிடம் கொண்டு செல்லும் ஏற்பாடுகள் தீவிரமாக நடைபெற்று வருகிறது. பிரதமர் மோடி தலைமையிலான மத்திய பாஜக அரசு 2வது முறையாக பதவியேற்று வரும் 26 ஆம் தேதியுடன் 9 ஆண்டுகள் நிறைவடைகிறது. அடுத்த ஆண்டு லோக்சபா தேர்தல் நடைபெற உள்ளது.

இதையும் படிங்க: பறக்க முடியாமல் ஓடுதளத்தில் சிக்கிய விமானப்படை விமானம்! லே விமானங்கள் அனைத்தும் ரத்து

இதனால் மத்திய அரசின் சாதனைகளை வீடு வீடாக கொண்டு சேர்க்க பாஜக தலைமை முடிவு செய்துள்ளது. அதன்படி, மத்திய மற்றும் மாநில அளவில் 9 ஆண்டு சாதனை என்ற விழிப்புணர்வு நிகழ்ச்சியான விசேஷ சங்க்ஷா அபியான் என்ற நிகழ்ச்சியை நடத்த ஏற்பாடுகள் நடந்து வருகின்றன. இந்த நிகழ்ச்சிகள் வரும் 30 ஆம் தேதி வரை நடைபெறும்.

இதையும் படிங்க: 10 நாள் பயணமாக அமெரிக்கா செல்லும் ராகுல் காந்தி; 5000 அமெரிக்கவாழ் இந்தியர்கள் முன் பேசுகிறார்

கடந்த 50 ஆண்டுகளில் தொடர்ந்து மூன்றாவது முறையாக பொதுத் தேர்தலை எதிர்கொள்ளும் ஆளுங்கட்சி என்ற பெருமையை பாஜக பெற்றுள்ளது. மத்திய அரசின் 9 ஆண்டு சாதனைகளை மக்களிடம் கொண்டு சேர்க்க 3 வகையான திட்டங்கள் வகுக்கப்பட்டுள்ளன. நாடு முழுவதும் பாஜக மூத்த தலைவர்களின் 51 பேரணிகள், 396 மக்களவைத் தொகுதிகளில் பொதுக்கூட்டம் ஆகியன நடத்தப்படுகின்றன.