மக்களே கவனம்.. வெப்பநிலை 2 - 4 டிகிரி அதிகமாக இருக்குமாம்.. இந்திய வானிலை மையம் எச்சரிக்கை

அடுத்த சில நாட்களுக்கு நாட்டின் சில பகுதிகளில் வெப்பநிலை 2 முதல் 4 டிகிரி செல்சியஸ் வரை உயரும் என இந்திய வானிலை ஆய்வு மையம் தெரிவித்துள்ளது.

நாடு முழுவதுமே கோடை வெயில் சுட்டெரித்து வருகிறது. கோடை வெயிலை சமாளிக்க முடியாமல் பொதுமக்கள் திணறி வருகின்றனர். மேலும் நாட்டின் பல்வேறு பகுதிகளில் வெப்ப அலை எச்சரிக்கையும் விடுக்கப்பட்டுள்ளது. இந்நிலையில் அடுத்த சில நாட்களுக்கு நாட்டின் சில பகுதிகளில் வெப்பநிலை 2 முதல் 4 டிகிரி செல்சியஸ் வரை உயரும் என இந்திய வானிலை ஆய்வு மையம் தெரிவித்துள்ளது. உத்தரப் பிரதேசம், மேற்கு வங்கம், ஜார்கண்ட், ஹரியானா, ராஜஸ்தான், சத்தீஸ்கர் மற்றும் மத்தியப் பிரதேசம் ஆகிய ஏழு மாநிலங்களுக்கு வெப்ப அலை எச்சரிக்கையையும் வானிலை மையம் விடுத்துள்ளது.

இதையும் படிங்க : எவரெஸ்ட் சிகரத்தில் ஏறி சாதனை படைத்த தமிழர்.. யார் இந்த ராஜசேகர்?

வானிலை மையம் வெளியிட்டுள்ள அறிக்கையில் “மே 20-22 வரை உத்தரப் பிரதேசம், மேற்கு வங்கம் மற்றும் ஜார்கண்டில் மே 21-23 வரையிலும், தெற்கு ஹரியானா, மேற்கு ராஜஸ்தான் மற்றும் சத்தீஸ்கரில் மே 21-22 வரையிலும், வெப்ப அலை நிலைகள் வலுவாக இருக்கும். ஒடிசா, ஆந்திரப் பிரதேசம், தமிழ்நாடு, கேரளா மற்றும் மகாராஷ்டிராவின் கொங்கன் பகுதிகளில் "வெப்பமான மற்றும் அசௌகரியமான வானிலை இருக்கிறது. டெல்லியின் பெரும்பாலான பகுதிகளில் வெப்பநிலை 41 டிகிரி செல்சியஸ் (°C) மற்றும் 43 ° C வரை இருக்கும்.." என்று தெரிவிக்கப்பட்டுள்ளது.

இதற்கிடையில், அசாம் மற்றும் மேகாலயா போன்ற வடகிழக்கு மாநிலங்களில் மே 22 வரை கனமழை பெய்யும் என்று இந்திய வானிலை மையம் கணித்துள்ளது. கூடுதலாக, மேற்கு வங்காளம், ஜார்கண்ட் மற்றும் பீகார் மாநிலங்களில் பலத்த காற்று மற்றும் மின்னலுடன் கூடிய இடியுடன் கூடிய மழை பெய்யும் என்று கணிக்கப்பட்டுள்ளது. மே 21 அன்று, தெலுங்கானா மற்றும் தெற்கு உள்துறை கர்நாடகாவில் மின்னலுடன் இடியுடன் கூடிய மழை பெய்யக்கூடும்..” என்று தெரிவிக்கப்பட்டுள்ளது. 

இதையும் படிங்க : மல்லிகார்ஜுன கார்கே மகன் உள்ளிட்ட 8 பேர் அமைச்சர்களாக பதவியேற்பு.. புதிய அமைச்சர்கள் யார் யார்?