100வது ஜி20 செயற்குழுக் கூட்டம் வாரணாசியில் இன்று தொடக்கம்

ஜி20 செயற்குழுவின் 100வது கூட்டம் உத்தரபிரதேச மாநிலம் வாரணாசியில் இன்று நடைபெறுகிறது. இந்தக் கூட்டம் மூன்று நாட்களுக்கு ஏற்பாடு செய்யப்பட்டுள்ளது.

ஜி20 செயற்குழுவின் 100வது கூட்டம் உத்தரபிரதேச மாநிலம் வாரணாசியில் இன்று தொடங்குகிறது. வேளாண் முதன்மை விஞ்ஞானிகளின் (MACS) மூன்று நாள் கூட்டம் ஹோட்டல் தாஜில் தொடங்கும். முதல் நாள் தொடக்க அமர்வில் மத்திய சாலைப் போக்குவரத்து மற்றும் நெடுஞ்சாலைகள் மற்றும் சிவில் விமானப் போக்குவரத்துத் துறை இணை அமைச்சர் வி.கே. சிங் கலந்து கொள்கிறார்.

மூன்று நாள் நடக்கும் இந்தக் கூட்டத்துக்கு வேளாண் அமைச்சகம்  ஏற்பாடு செய்யப்பட்டுள்ளது. ஜி20 உறுப்பு நாடுகளைச் சேர்ந்த சுமார் 80 வெளிநாட்டுப் பிரதிநிதிகள் இந்நிகழ்வில் பங்கேற்கவுள்ளனர். விவசாய அமைச்சகம் மற்றும் வெளிவிவகார அமைச்சகம் உட்பட ஏனைய அமைச்சக உயர் அதிகாரிகளும் இந்த சந்திப்பில் கலந்து கொள்ளவுள்ளனர்.

இந்த சந்திப்பிற்காக பல்வேறு நாடுகளைச் சேர்ந்த பிரதிநிதிகள் மற்றும் விஞ்ஞானிகள் ஏற்கெனவே காசிக்கு வந்துள்ளனர், அவர்களுக்கு பிரமாண்ட வரவேற்பு அளிக்கப்பட்டது. முழு நகரமும் வெளிநாட்டுப் பிரதிநிதிகளை வரவேற்க ஆவலுடன் காத்திருக்கிறது. புனித கங்கையில் உள்ள காட்களுடன் நகரத்தின் சுவர்கள் ஜி20 மாநாடு குறித்த வாசகங்கள் மற்றும் படங்களால் முழுமையாக அலங்கரிக்கப்பட்டுள்ளன.

உணவுப் பாதுகாப்பு மற்றும் ஊட்டச்சத்து, காலநிலை ஸ்மார்ட் வேளாண்மை, டிஜிட்டல் விவசாயம், பொது தனியார் கூட்டாண்மை உள்ளிட்ட விவசாய ஆராய்ச்சி மற்றும் மேம்பாட்டின் பல்வேறு சிக்கல்கள் விவாதத்திற்கு சேர்க்கப்பட்டுள்ளன. இந்தக் கூட்டத்தின் முக்கியமான அம்சமாக "சிறுதானியங்கள் மற்றும் பிற பழங்கால தானியங்களுக்கான சர்வதேச ஆராய்ச்சி முன்முயற்சி (மகரிஷி)" பற்றி விவாதிக்கப்பட உள்ளது.

இந்தியாவின் பன்முகத்தன்மை, உள்ளடக்கிய பாரம்பரியங்கள் மற்றும் கலாச்சார செழுமை ஆகியவற்றை வெளிப்படுத்தும் தனித்துவமான கலாச்சார நிகழ்ச்சிகள் மற்றும் பயணங்கள் ஏற்பாடு செய்யப்பட்டுள்ளன. 150க்கும் மேற்பட்ட கலாச்சார நிகழ்வுகள், 7,000க்கும் மேற்பட்ட கலைஞர்களின் பங்கேற்புடன், உள்ளூர் மற்றும் தேசிய கலை வடிவங்களை காட்சிப்படுத்தியுள்ளன. வரும் விருந்தினர்களுக்கு சிறுதானியங்கள் மூலம் தயாரிக்கப்பட்ட உணவுகள் வழங்கப்படுகின்றன.

பசுமை மேம்பாடு மற்றும் சுற்றுச்சூழலுக்கான வாழ்க்கை முறை (LiFE); தொழில்நுட்ப மாற்றம் மற்றும் பொது டிஜிட்டல் உள்கட்டமைப்பு; பலதரப்பு நிறுவனங்களை சீர்திருத்தம்; பெண்கள் தலைமையிலான வளர்ச்சி; மற்றும் சர்வதேச அமைதி மற்றும் நல்லிணக்கம் ஆகியவை குறித்து கூட்டங்களில் விவாதிக்கப்படுகிறது.

இந்தியாவின் தலைமையில் நடக்கும், செப்டம்பர் 9-10 தேதிகளில் டெல்லியில் நடைபெற உள்ள தலைவர்கள் உச்சி மாநாட்டிற்கு முன் பல்வேறு ஜி20 கூட்டங்கள் நடைபெறுகின்றன. இந்தக் கூட்டங்கள் ஜி20 உறுப்பு நாடுகள் மத்திய பெரும் ஆதரவைப் பெற்று வருகின்றன.