Jaggery Water: உங்கள் உடலை பலப்படுத்த இந்த ஒரு பானம் மட்டும் போதும்!

உடலை இரும்பு போல பலமாக வைத்திருக்கும் ஒரு பானம் பற்றித் தான் இந்தப் பதிவில் காணப் போகிறோம். 

உடலை ஆரோக்கியமாக வைத்துக் கொள்வது எவ்வளவு முக்கியமோ, அதேபோல் பலமாக வைத்திருப்பதும் முக்கியம். உடலை பலப்படுத்தும் பல உணவுகள் இயற்கையில் கிடைக்கிறது. அவ்வகையில் உடலை இரும்பு போல பலமாக வைத்திருக்கும் ஒரு பானம் பற்றித் தான் இந்தப் பதிவில் காணப் போகிறோம். 

வெல்லம் கலந்த நீர்

பழங்காலத்தில் இருந்தே இனிப்புச் சுவைக்கு பயன்படுத்தப்படும் முக்கியப் பொருளாக வெல்லம் உள்ளது. இதில் துத்தநாகம், பாஸ்பரஸ், கால்சியம் மற்றும் தாமிரம் போன்ற வைட்டமின்கள் மற்றும் தாதுக்கள் அதிகளவில் நிறைந்துள்ளது. இதனை வெதுவெதுப்பான தண்ணீரில் கலந்து குடித்தால் மிகவும் நல்லதாகும். ஆயுர்வேத மருத்துவத்தில் இந்த அற்புத பானம் ஒரு இயற்கையான நச்சுப் பொருளாக விளங்குகிறது.

பல்வேறு வியாதிகளுக்கும் இந்த இயற்கையான பானம் அருமருந்தாக திகழ்கிறது. உடலை பலமாக்குவதில் இந்த பானம் மிக முக்கிய பங்காற்றுகிறது. அவ்வகையில் இந்த அற்புத பானத்தை குடித்தால் கிடைக்கும் நன்மைகள் என்னவென்று காண்போம்.  

எப்படி தயார் செய்வது?

ஒரு பாத்திரத்தில் ஒரு டம்ளர் தண்ணீரை சூடாக்கி, அதில் 1 அங்குல வெல்லத்தை சேர்த்துக் கொள்ள வேண்டும். பின்னர் சிறிது நேரம் கிளறி விட வேண்டும். அப்போது வெல்லம் கொஞ்சம் கொஞ்சமாக உருகத் தொடங்கும். வெல்லம் முழுவதுமாக உருகிய பிறகு, பாத்திரத்தை இறக்கி விட்டு, சிறிது ஆறியதும் வடிகட்டி குடிக்க வேண்டும்.

வேறு வழியில், நீங்கள் வெல்லத்தை அரைத்து, வெதுவெதுப்பான தண்ணீரில் நேரடியாக கலந்தும் குடிக்கலாம்.

வெல்லம் கலந்த தண்ணீரின் நன்மைகள் 

• வெல்லம் எலும்புகளை வலுவாக்குகிறது. மூட்டு வலிகளைப் போக்குகிறது. மூட்டுவலி போன்ற எலும்பு தொடர்பான நோய்களை குணப்படுத்தி, உடலைத் தணிக்கிறது.
• உங்கள் உடலில் ஹீமோகுளோபின் அளவு குறைவாக இருந்தால், வெதுவெதுப்பான தண்ணீரில் வெல்லம் கலந்து குடிப்பது நன்மை பயக்கும்.
• வெதுவெதுப்பான தண்ணீரில் வெல்லத்தை அடிக்கடி குறைந்த அளவில் குடித்து வந்தால், உங்கள் சருமத்திற்குத் தேவையான பளபளப்பு கிடைத்து விடும்; உடலும் ஆரோக்கியமாக இருக்கும். மேலும், உடலில் இருந்து தீங்கு விளைவிக்கும் நச்சுகள்:வெளியேற்றப்படும்.
• இரத்த சோகை உள்ள பெண்களும், வெதுவெதுப்பான தண்ணீரில் வெல்லம் கலந்து குடிக்கலாம்.
• இந்த பானம் இயற்கையாகவே உடல் நச்சுகளை நீக்குகிறது; இரத்தத்தை சுத்தப்படுத்துகிறது; கல்லீரலையும் சுத்தப்படுத்துகிறது.  
• நீங்கள் உடல் எடையைக் குறைக்கும் முயற்சியில் ஈடுபட்டால், வெதுவெதுப்பான தண்ணீரில் வெல்லம் கலந்து, வாரத்திற்கு 2 அல்லது 3 முறை மாற்று நாட்களில் மட்டும் குடிக்க வேண்டும்.
• உங்கள் உடலில் நோய் எதிர்ப்பு சக்தியை அதிகரிப்பதற்கு, தினந்தோறும் காலையில் இந்த பானத்தை குடிக்க வேண்டும்.