புகைப்பிடிப்பதால் நுரையீரல் பாதிப்பு, ரத்த நோய்கள், செல் சிதைவு , புற்று நோய்கள், இன்னும் இன்னும் கொடிய பாதிப்புகள் உண்டாகிறது.
* சிகரெட்டிலுள்ள ரசாயனங்கள் விரைவில் செல் முதிர்ச்சியை அதிகப்படுத்துகின்றன. இதனால் சருமம் டல்லாகி, முதிர்ச்சியடைந்து வயதான தோற்றம் அடைந்துவிடுவது உறுதி.
* புகைப் பிடிக்கும் பெண்களுக்கு காம உணர்வு குறைந்து விடும்.
* புகைப்பழக்கம் பல்லோப்பியன் குழாய் நகர்வுகளை மாற்றி விடும். இந்தக் குழாயின் நகர்வு தான், கருமுட்டை கீழிறங்கி கர்ப்பமாக செய்ய வைக்கும். இதனால் புகைப்பழக்கம், பெண்கள் கர்ப்பம் தரிக்கும் வாய்ப்புகளைக் குறைத்து விடும்.
* சிகரெட்டிலுள்ள நிகோடின் ரத்த செல்களுக்கு ஆக்ஸிஜன் சப்ளையை துண்டிப்பதால் விரைவில் செல் சிதைவு உண்டாகிறது. ஆகவே சுருக்கங்களும் , உடலில் வரிகளும் உடனடியாக குறிப்பாக பெண்களுக்கு ஊண்டாகிவிடும்.
* புகைப்பிடிக்கும் பெண்கள் கர்ப்பமே தரிக்கமால் மலடியாகும் வாய்ப்பு உள்ளது.
* பெண்களுக்கு மாத விடாய்ப் பருவம் சீக்கிரமே முடிந்து விடும். இதனால் மெனோபாஸ் சீக்கிரமே துவங்கி விடும்.
* ரத்த ஓட்டம் தடைபெறுவதால் ஆங்காங்கே செல்கள் தேங்கி விடும். அங்கே இறந்த செல்களின் தேய்மானத்தால் , கருமை படர்ந்து கரும்புள்ளி, தேமல் போன்றவை உண்டாகும்.
* பெண்ணுறுப்புப் புற்று நோய் வரும் வாய்ப்பு, புகைப்பிடிப்பதால் அதிகரிக்கும்.
* பெண் புகைப்பிடித்தாலோ, சிகரெட் பிடிப்பவர்கள் அருகில் இருந்து அதனை சுவாசித்தாலோ மார்பகப் புற்று நோய் வரும் வாய்ப்பு அதிகரிக்கும்.
* உதடுகளில் இருக்கும் செல்கள் அழிந்து அந்த இடங்களில் கருப்பாக மாறிவிடும். அல்லது வெளுத்து காணப்படும். இதற்கு சிகரெட்டில் இருக்கும் மோசமாக ரசாயனங்கள் தான் காரணமாகும்.
* ரத்த ஓட்டம் அதிகமாக இருந்தால்தான் உங்களது உடலில் உண்டாகும் காயங்களை வேகமாக குணமாற்றும். எங்கே காயம் பட்டிருகிறதோ அங்கே ரத்த செல்கள் விரைந்து சரிப்படுத்தும். ஆனால் புகைப்பிடித்தால், இந்த செயல் மிக நிதானமாக நடைபெறும். ஆகவே விரைவில் ஆறாது.
* சருமப் புற்று நோய் வருவதற்கான சாத்தியங்கள் புகைப்பிடிப்பதால் உண்டாகும். சருமத்தின் துளைகளிலேயே ரசாயங்களின் தேக்கம் அதிகமாகிவிடுவதால் அவற்றின் விளைவா சருமப் புற்று நோயும், ரத்தப் புற்று நோயும் வரும் வாய்ப்புகள் அதிகம்.