தெலங்கானாவைச் சேர்ந்த உம்ரா யாத்ரீகர்கள் மெக்காவிலிருந்து மதினா சென்ற பேருந்து, டீசல் டேங்கர் மீது மோதியதில் வாகனம் தீப்பிடித்து எரிந்தது. இந்தவிபத்தில் 42 இந்தியர்கள் உயிரிழந்திருக்கலாம் என அஞ்சப்படுகிறது.
தெலங்கானாவைச் சேர்ந்த உம்ரா யாத்ரீகர்களின் அமைதியான ஆன்மீகப் பயணம், திங்கள்கிழமை அதிகாலையில் நினைத்துப் பார்க்க முடியாத சோகத்தில் முடிந்தது. மெக்காவிலிருந்து மதினாவுக்குச் சென்ற பேருந்து, டீசல் டேங்கர் மீது மோதியதில் தீப்பிடித்து எரிந்தது. இதில் 42 இந்தியர்கள் உயிரிழந்திருக்கலாம் என அஞ்சப்படுகிறது. ஒருவர் மட்டுமே உயிர் பிழைத்ததாக நம்பப்படுகிறது.
25
தகவல் அறிந்து அதிர்ச்சியில் குடும்பத்தினர்
இந்திய நேரப்படி அதிகாலை 1.30 மணியளவில் இந்த விபத்து நடந்தது. நீண்ட யாத்திரை நாளுக்குப் பிறகு பெரும்பாலான பயணிகள் உறக்கத்தில் இருந்த நேரத்தில் இந்த கோர விபத்து நடந்துள்ளது. சில நொடிகளில் பேருந்து முழுவதும் தீ பரவியதால், தப்பிக்க வாய்ப்பில்லாமல் போனது.
ஹைதராபாத் மற்றும் தெலங்கானா முழுவதும் உள்ள குடும்பத்தினருக்கு இந்த திடீர் செய்தி இதயத்தை நொறுக்குவதாக அமைந்துள்ளது. விபத்துக்கு சில மணிநேரங்களுக்கு முன்புதான் உறவினர்கள் பலரும் யாத்ரீகர்களுடன் பேசியுள்ளனர். அதுவே கடைசி உரையாடலாக இருக்கும் என அவர்கள் அறிந்திருக்கவில்லை.
சம்பவ இடத்திற்கு விரைந்த உள்ளூர்வாசிகள், குழப்பமும் பேரழிவும் நிறைந்த காட்சியை விவரித்தனர். பலியானவர்களில் பலர் உடனடியாக இறந்திருக்கலாம் என நம்பப்படுகிறது. சவுதி அதிகாரிகள் இனு்றமு் அதிகாரப்பூர்வ எண்ணிக்கையை வெளியிடவில்லை, ஆனால் இந்திய அதிகாரிகள் நிலைமை மோசமாக இருப்பதாகக் கூறுகின்றனர்.
35
சோகத்தில் முடிந்த புனிதப் பயணம்
தெலங்கானா மாநில ஹஜ் குழு பயணிகளில் கிட்டத்தட்ட அனைவரும் ஹைதராபாத்தைச் சேர்ந்தவர்கள் என்றும், அவர்களில் 20 பெண்கள் மற்றும் 11 குழந்தைகள் அடங்குவர் என்றும் உறுதிப்படுத்தியுள்ளது. பலர் பல ஆண்டுகளாக சேமித்து வைத்திருந்த பணத்தில் இந்த ஆன்மீகப் பயணத்தை மேற்கொண்டிருந்தனர்.
ஒரே யாத்ரிகர் மட்டுமே உயிர் பிழைத்ததாகக் கூறப்படுகிறது, அவரின் நிலையும் கவலைக்கிடமாக உள்ளது.
உறவினர்களிடையே பீதி பரவியுள்ள நிலையில், தெலங்கானா அரசு உடனடி ஆதரவை வழங்க மாநிலச் செயலகத்தில் கட்டுப்பாட்டு அறையை அமைத்துள்ளது. துல்லியமான தகவல்களைச் சேகரிக்க வெளியுறவு அமைச்சகம் மற்றும் சவுதி அதிகாரிகளுடன் அதிகாரிகள் ஒருங்கிணைந்து செயல்பட்டு வருகின்றனர்.
அவசர உதவி எண்கள்
சவுதி இலவச எண்: 8002440003 ஜெட்டாவில் உள்ள இந்தியத் துணைத் தூதரகம்: 24×7 உதவி கிடைக்கும்
55
இந்தியா இரங்கல்
வெளியுறவுத்துறை அமைச்சர் எஸ். ஜெய்சங்கர், இந்த சோக நிகழ்வால் " ஆழ்ந்த அதிர்ச்சி" அடைந்ததாகக் கூறினார். ரியாவில் உள்ள இந்தியத் தூதரகமும், ஜெட்டாவில் உள்ள துணைத் தூதரகமும் பாதிக்கப்பட்டவர்களுக்கு அனைத்து ஆதரவையும் வழங்கி வருவதாக அவர் உறுதியளித்தார்.
