டிரம்பின் பேச்சை நம்பி நடுக்கடலில் இறங்கிய பாகிஸ்தான்..! இந்தியாவை மிஞ்ச விபரீத முடிவு..!

இந்தியாவின் பிரபலமான பாம்பே ஹை அமைந்துள்ள சிந்து நதி படுகைக்கு அருகில் புதிய தீவு கட்டப்பட்டு வருகிறது. இந்தப் பகுதியில் எண்ணெய் கிடைக்கக்கூடும் என்று நம்பப்படுகிறது. ஆனால், உண்மையான சவால் என்னவென்றால், அது பயன்படுத்தக்கூடிய அளவில் கிடைக்குமா? 

பாகிஸ்தான் பெட்ரோலியம் லிமிடெட் எண்ணெய், எரிவாயு ஆய்வை விரைவுபடுத்த கடலில் ஒரு செயற்கை தீவை உருவாக்குகிறது. இந்த தீவு சிந்து கடற்கரையில் இருந்து சுமார் 30 கிமீ தொலைவில் உள்ள சுஜாவலுக்கு அருகில் கட்டப்பட்டு வருகிறது. சுஜாவல் கராச்சியில் இருந்து சுமார் 130 கிமீ தொலைவில் உள்ளது. பிபிஎல் பொது மேலாளர் அர்ஷத் பலேகரின் வெளியிட்டுள்ள தகவல்படி, துளையிடுதலுக்கு உயர் கடல் அலைகள் இடையூறாக இருப்பதைத் தடுக்க இந்த தீவு 6 அடி உயரத்தில் கட்டப்பட்டு வருகிறது.

செயற்கை தீவின் கட்டுமானம் அடுத்த ஆண்டு பிப்ரவரி மாதத்திற்குள் நிறைவடையும் என்று எதிர்பார்க்கப்படுகிறது. தீவு தயாரானவுடன் எண்ணெய் துளையிடும் பணி உடனடியாக தொடங்கும். பிபிஎல் அங்கு 25 கிணறுகளை தோண்ட திட்டமிட்டுள்ளது. பாகிஸ்தான், இந்தியாவின் தினசரி திறனில் பத்தில் ஒரு பங்கை மட்டுமே உற்பத்தி செய்கிறது. எண்ணெய் இருப்பு அடிப்படையில் நாடு உலகில் 50வது இடத்தில் உள்ளது. பாகிஸ்தான் அதன் எண்ணெயில் 80 சதவீதத்துக்கும் அதிகமாக இறக்குமதி செய்கிறது.

மண், மணல் பிற பொருட்களை கடலில் கொட்டுவதன் மூலம் நிலத்தை உருவாக்குவது பாகிஸ்தானுக்கு முற்றிலும் புதிய முறை. ஆனாலும், இந்த முறை ஏற்கனவே உலகெங்கிலும் உள்ள பல நாடுகளில் பயன்படுத்தப்படுகிறது. ஐக்கிய அரபு எமிரேட்ஸ் அத்தகைய தீவுகளை உருவாக்குவதன் மூலம் அதன் எண்ணெய் உற்பத்தி திறனை அதிகரித்துள்ளது. நிலத்தடி எண்ணெய் கிணறுகளின் பயன்பாட்டைக் குறைத்துள்ளது.

செயற்கை தீவுகளை உருவாக்குவதன் ஒரு முக்கிய நன்மை என்னவென்றால், தொழிலாளர்கள் ஒரே தீவில் வாழ முடியும். இது பயணச் செலவுகளைக் குறைக்கிறது. நேரத்தை மிச்சப்படுத்துகிறது. இது வேலையை வேகமாகவும் மலிவாகவும் ஆக்குகிறது. அமெரிக்கா, இங்கிலாந்து, மத்திய கிழக்கில் உள்ள பல நாடுகள் பல்வேறு நோக்கங்களுக்காக இதுபோன்ற செயற்கை தீவுகளை கட்டியுள்ளன. 1900 களின் முற்பகுதியில் இருந்து ஜப்பான் கிட்டத்தட்ட 50 செயற்கை தீவுகளை கட்டியுள்ளது. சீனாவும் அதையே செய்துள்ளது.

மிகப்பெரிய பிரச்சனை என்னவென்றால், பாகிஸ்தானின் பெரிய எண்ணெய் இருப்புக்கான உறுதியான ஆதாரங்கள் எதுவும் இல்லை. 2019 ஆம் ஆண்டில், கராச்சி அருகே கெக்ரா-1 துளையிடுதல் தோல்வியடைந்தது. இதைத் தொடர்ந்து, அமெரிக்க நிறுவனமான எக்ஸான் மொபில் பாகிஸ்தானிலிருந்து விலகியது. கடந்த சில ஆண்டுகளில், குவைத் பெட்ரோலியம், ஷெல், டோட்டல் எனர்ஜிஸ் ஆகியவை பாகிஸ்தானை விட்டு வெளியேறின.

அமெரிக்க ஜனாதிபதி டொனால்ட் டிரம்ப் சமீபத்தில், ‘‘பாகிஸ்தானுடன் இணைந்து பரந்த எண்ணெய் இருப்புக்களை உருவாக்கும். எதிர்காலத்தில் இந்தியாவும், பாகிஸ்தானிடம் இருந்து எண்ணெய் வாங்கலாம்’’ என்று கூறியிருந்தார். அவரது இந்தப் பேச்சை தொடர்ந்து, பாகிஸ்தான் பிபிஎல் உட்பட பல நிறுவனங்களுக்கு புதிய கடல் உரிமங்களை வழங்கியுள்ளது.

இந்தியாவின் பிரபலமான பாம்பே ஹை அமைந்துள்ள சிந்து நதி படுகைக்கு அருகில் புதிய தீவு கட்டப்பட்டு வருகிறது. இந்தப் பகுதியில் எண்ணெய் கிடைக்கக்கூடும் என்று நம்பப்படுகிறது. ஆனால், உண்மையான சவால் என்னவென்றால், அது பயன்படுத்தக்கூடிய அளவில் கிடைக்குமா? என்பதுதான். சமூக ஊடகங்களில் சிலர் இந்த திட்டத்தை கேலி செய்கிறார்கள். டிரம்ப் ஒரு அறிக்கையை வெளியிட்டதாகவும், முழு நாடும் கடலில் தீவுகளை உருவாக்கத் தொடங்கியதாகவும் கூறுகிறார்கள். எண்ணெய் கிடைக்கவில்லை என்றால், அது வெறும் விலையுயர்ந்த மணல் குவியலாகத்தான் இருக்கும்.