இந்தியா மீது விதிக்கப்பட்ட 25% பரஸ்பர வரியை அமெரிக்கா 18% ஆகக் குறைத்துள்ளது. அதிபர் டொனால்ட் டிரம்ப் திங்களன்று தனது சமூக ஊடக தளமான ட்ரூத் சோஷியலில் ஒரு பதிவில் இதை உறுதிபடுத்தினார். இதன் மூலம் இந்தியாவின் மொத்த வரி 43% ஆக குறைந்துள்ளது.
இந்திய பிரதமர் நரேந்திர மோடி, அமெரிக்கா அதிபர் டொனால்ட் டிரம் இடையேயான தொலைபேசி உரையாடல் மூலம் இந்தியா மீதான வரி 50 சதவீதத்தில் இருந்து 43 சதவீதமாகக் குறைக்கப்பட்டுள்ளதாக அமெரிக்காவுக்கான இந்திய தூதர் தனது சமூக வலைதளப் பக்கத்தில் தெரிவித்தார். மேலும் ரஷ்யாவிடம் இருந்து பொருட்களை வாங்குவது தொடர்பான அறிவிப்பு இதில் இடம்பெறவில்லை.
25
இந்தியா மீது அடாவடி வரி விதித்த அமெரிக்கா
ஆகஸ்ட் 2025 இல் அமெரிக்கா இந்தியா மீது இரண்டு கட்டங்களாக வரிகளை விதித்தது.
ஆகஸ்ட் 1 ஆம் தேதி, வர்த்தக பற்றாக்குறையைக் காரணம் காட்டி 25% வரி விதிக்கப்பட்டது.
ஆகஸ்ட் 27 அன்று, ரஷ்யாவிலிருந்து எண்ணெய் கொள்முதல் செய்வதற்கு கூடுதலாக 25% வரி விதிக்கப்பட்டது. இதன் மூலம் மொத்த வரி 50% ஆக உயர்ந்தது, இது இப்போது 43% ஆகக் குறைக்கப்பட்டுள்ளது.
35
ரஷ்யாவிடமிருந்து எண்ணெய் வாங்குவதை இந்தியா நிறுத்தும்.. டிரம்ப் அறிவிப்பு
திங்கட்கிழமை காலை பிரதமர் நரேந்திர மோடியுடன் பேசுவதை பெருமையாகக் கருதுவதாக அமெரிக்க அதிபர் டிரம்ப் ட்ரூத் சோஷியலில் தெளிவுபடுத்தினார். பிரதமர் மோடியை தனது நல்ல நண்பர் என்றும், இந்தியாவின் வலிமையான தலைவர் என்றும் அவர் வர்ணித்தார். பேச்சுவார்த்தையின் போது, இந்தியா, ரஷ்யாவிடமிருந்து எண்ணெய் வாங்குவதை நிறுத்திவிட்டு அமெரிக்காவிடமிருந்து அதிக எண்ணெய் வாங்குவதாக பிரதமர் மோடி ஒப்புக்கொண்டதாக டிரம்ப் குறிப்பிட்டுள்ளார். வெனிசுலாவிலிருந்து எண்ணெய் வாங்குவதற்கான சாத்தியக்கூறுகள் குறித்தும் விவாதிக்கப்பட்டது.
இந்தியா-அமெரிக்கா வர்த்தக ஒப்பந்தம் குறித்து உடன்பாடு
பிரதமர் மோடியின் வேண்டுகோளின் பேரில், அமெரிக்காவிற்கும், இந்தியாவிற்கும் இடையே உடனடி வர்த்தக ஒப்பந்தம் எட்டப்பட்டுள்ளதாக டிரம்ப் தெரிவித்தார். இதன் கீழ், அமெரிக்கா இந்தியா மீதான அதன் பரஸ்பர வரியை 25% லிருந்து 18% ஆகக் குறைக்கும். அமெரிக்காவிற்கு எதிரான அதன் வரி மற்றும் வரி அல்லாத தடைகளை பூஜ்ஜியமாக்குவதை நோக்கி இந்தியா நகரும்.
"அமெரிக்கப் பொருட்களை வாங்குக" கொள்கைக்கு பிரதமர் மோடி ஒரு பெரிய உறுதிப்பாட்டைச் செய்துள்ளார், இதன் கீழ் இந்தியா அமெரிக்காவிலிருந்து 500 பில்லியன் டாலருக்கும் அதிகமான மதிப்புள்ள எரிசக்தி, தொழில்நுட்பம், விவசாயம், நிலக்கரி மற்றும் பிற பொருட்களை வாங்கும் என்று டிரம்ப் கூறினார்.
55
அதிபர் டிரம்ப்க்கு நன்றி தெரிவித்த பிரதமர் மோடி
இன்று என் அன்பு நண்பர் அதிபர் டிரம்புடன் பேசியது மிகவும் மகிழ்ச்சியாக இருந்தது. இந்தியாவில் தயாரிக்கப்பட்ட பொருட்களுக்கான வரிகள் இப்போது 18% குறைக்கப்பட்டிருப்பது மகிழ்ச்சி அளிக்கிறது. இந்த அற்புதமான அறிவிப்புக்கு அதிபர் டிரம்பிற்கு 140 கோடி இந்திய மக்களின் சார்பாக ஒரு பெரிய நன்றி.
புதிய உச்சத்தில் இந்தியா-அமெரிக்கா கூட்டாண்மையை
இரண்டு பெரிய பொருளாதாரங்களும், உலகின் மிகப்பெரிய ஜனநாயக நாடுகளும் இணைந்து செயல்படும்போது, அது நமது மக்களுக்கு பயனளிக்கிறது. மற்றும் பரஸ்பர நன்மை பயக்கும் ஒத்துழைப்புக்கான பல வாய்ப்புகளைத் தொடங்குகிறது என்று பிரதமர் மோடி கூறினார். உலகளாவிய அமைதி, ஸ்திரத்தன்மை மற்றும் செழிப்புக்கு அதிபர் டிரம்பின் தலைமை அவசியம். அமைதிக்கான அவரது முயற்சிகளை இந்தியா முழுமையாக ஆதரிக்கிறது. எங்கள் கூட்டாண்மையை புதிய உயரத்திற்கு கொண்டு செல்ல அவர்களுடன் நெருக்கமாக பணியாற்றுவதை நான் எதிர்நோக்குவதாகக் குறிப்பிட்டுள்ளார்.
