பாண்டியன் ஸ்டோர்ஸ் சீரியலில் முக்கிய கதாபாத்திரத்தில் நடித்து வந்த பிரபல நடிகை தற்போது எதிர்நீச்சல் தொடருக்கு தாவி இருக்கிறாராம்.
தொலைக்காட்சி சீரியல்களில் நம்பர் ஒன் இடத்தில் இருப்பது எதிர்நீச்சல் சீரியல் தான். திருச்செல்வம் இயக்கும் இந்த சீரியல் தொடங்கி ஓராண்டே ஆகும் நிலையில், இதற்கான மவுசு நாளுக்கு நாள் அதிகரித்த வண்ணம் உள்ளது. இதற்கு காரணம் இந்த சீரியலில் விறுவிறுப்பான கதைக்களமும், அதில் நடிக்கும் நடிகர்களின் எதார்த்தமான நடிப்பு தான். தினந்தோறும் இரவு 9.30 மணிக்கு இந்த சீரியல் ஒளிபரப்பாகி வருகிறது.
தொலைக்காட்சியை பொறுத்தவரை அது ஒரு பிரைம் டைமாக கருதப்படுகிறது. அந்த நேரத்தில் இதுவரை பல்வேறு ஹிட் சீரியல்கள் ஒளிபரப்பாகி இருந்தாலும், அவற்றையெல்லாம் மிஞ்சும் அளவுக்கு டிஆர்பி ரேட்டிங்கை பெற்று எதிர்நீச்சல் சீரியல் சாதனையும் படைத்துள்ளது. இந்த சீரியலில் ரசிகர்களால் அதிகம் கொண்டாடப்படும் கதாபாத்திரம் என்றால் அது ஆதி குணசேகரனாக நடித்து வரும் மாரிமுத்துவின் கதாபாத்திரம் தான்.
இதையும் படியுங்கள்... கயலிடம் கையும் களவுமாக சிக்கிய எழிலின் அம்மா! திருமணத்தில் ஏற்பட்ட திடீர் ட்விஸ்ட்.. இனி நடக்க போவது இதுதான்!
எம்மா ஏய் என சவுண்டு விட்டு அவர் பேசும் வசனங்கள் ஒவ்வொன்றும் தற்போது மீம் டெம்பிளேட்டுகளாக கலக்கிக் கொண்டிருக்கின்றன. இதற்கு அடுத்தபடியாக நந்தினியாக நடிக்கும் ஹரிப்பிரியாவின் கதாபாத்திரம், குணசேகரனுக்கு நோஸ் கட் கொடுப்பதில் கில்லாடியாக இருக்கும் நந்தினி அவரைப் போலவே கிண்டலடித்து பேசுவது வேறலெவலில் இருக்கும். இப்படி ஒவ்வொரு கதாபாத்திரமும் சிறப்பம்சம் கொண்டதாக இருக்கும் இந்த சீரியலில் ஒரு புது கேரக்டர் எண்ட்ரி கொடுக்க உள்ளதாம்.
அவர் வேறு யாருமில்லை, அனுபவமிக்க சீரியல் நடிகையான சாந்தி வில்லியம்ஸ் தான். இவர் இதற்கு முன்னர் சன் டிவியில் ஒளிபரப்பான மெட்டி ஒலி, சந்திரலேகா, மகராசி போன்ற தொடர்களில் நடித்திருந்தாலும், கடந்த சில ஆண்டுகளாக விஜய் டிவியில் ஒளிபரப்பாகும் பாண்டியன் ஸ்டோர்ஸ் சீரியலில் முல்லையின் அம்மாவாக நடித்து வந்தார். இந்த நிலையில் தான் அவருக்கு எதிர்நீச்சல் சீரியல் ஆஃபர் வந்திருக்கிறது. இவரின் வருகையால் இனி எதிர்நீச்சல் சீரியல் மேலும் களைகட்டப்போகிறது.
இதையும் படியுங்கள்... kolai review : விஜய் ஆண்டனி வென்றாரா? வெறுப்பேற்றினாரா? - கொலை படத்தின் விமர்சனம் இதோ
சேனலை கிளிக் செய்து பின்தொடரவும்