YouTube Music யூடியூப் மியூசிக் 2025 ரீகேப் வெளியானது! உங்கள் இசை ரசனையை அறிய புதிய AI சேட் வசதி. மியூசிக்கல் பாஸ்போர்ட் மற்றும் பல சிறப்பம்சங்கள் உள்ளே.
YouTube இசையோடு இந்த ஆண்டை கொண்டாடுவோம்! யூடியூப் மியூசிக் ரீகேப் 2025 புதுமையான AI வசதியுடன் அறிமுகம்!
இசைப் பிரியர்கள் ஆவலோடு எதிர்பார்த்துக் கொண்டிருந்த தருணம் வந்துவிட்டது. ஒவ்வொரு ஆண்டும் இறுதியில் நாம் அதிகம் கேட்ட பாடல்கள், பிடித்த கலைஞர்கள் யார் என்பதைத் தொகுத்து வழங்கும் 'ரீகேப்' (Recap) வசதியை யூடியூப் மியூசிக் தற்போது வெளியிட்டுள்ளது. ஆனால் இந்த முறை, வழக்கமான புள்ளிவிவரங்களைத் தாண்டி, செயற்கை நுண்ணறிவு (AI) தொழில்நுட்பத்துடன் கூடிய புதிய வசதிகளையும் இது அறிமுகப்படுத்தியுள்ளது.
25
AI உடன் பேசலாம்! 'Ask Music' வசதி
2025 ரீகேப்பின் மிகப்பெரிய சிறப்பம்சம், புதிதாகச் சேர்க்கப்பட்டுள்ள AI Chat வசதியாகும். இதன் மூலம் பயனர்கள் தங்கள் இசைப் பழக்கவழக்கங்கள் குறித்து AI-யிடம் கேள்விகள் கேட்கலாம்.
உதாரணத்திற்கு:
• "இந்த வருடம் நான் கேட்ட பாடல்கள் எப்படி இருந்தன? சோகமா அல்லது ஜாலியா?"
• "என் இசை ரசனைக்கு ஏற்ற விலங்கு எது?"
• "என் மியூசிக் டேஸ்டை ஒரு வானிலை அறிக்கையாகச் சொல்"
இதுபோன்ற கேள்விகளுக்கு வண்ணமயமான கார்டுகள் (Cards) மூலம் AI சுவாரஸ்யமான பதில்களை அளிக்கும். இது பயனர்களுக்கு ஒரு தனித்துவமான அனுபவத்தைத் தருகிறது.
35
'மியூசிக்கல் பாஸ்போர்ட்' மற்றும் 'மியூசிக்கல் பெஸ்டி'
இந்த ஆண்டு ரீகேப்பில் மேலும் சில புதுமையான அம்சங்கள் சேர்க்கப்பட்டுள்ளன:
• மியூசிக்கல் பாஸ்போர்ட் (Musical Passport): நீங்கள் அதிகம் விரும்பி, கேட்ட இசைக் கலைஞர்கள் உலகின் எந்தெந்த நாடுகளைச் சேர்ந்தவர்கள் என்பதை இது வரைபடம் போலக் காட்டுகிறது.
• மியூசிக்கல் பெஸ்டி (Musical Bestie): உங்களுக்குப் பிடித்த டாப் கலைஞரின் பாடல்களை எந்தெந்த நாட்களில் அதிகம் கேட்டீர்கள் என்பதை ஒரு காலண்டர் வடிவில் இது காண்பிக்கும்.
ஆண்ட்ராய்டு மற்றும் ஐபோன் பயனர்கள் மிக எளிதாகத் தங்கள் ரீகேப்பைப் பார்க்கலாம்:
1. உங்கள் மொபைலில் YouTube Music செயலியைத் திறக்கவும்.
2. மேலே உள்ள உங்கள் Profile Photo-வை கிளிக் செய்யவும்.
3. அதில் "Your Recap" என்ற ஆப்ஷனைத் தேர்வு செய்யவும்.
4. பிறகு "Get your Recap" என்பதைக் கிளிக் செய்தால், உங்கள் 2025 இசைப் பயணம் ஒரு ஸ்டோரி (Story) போல விரியும்.
55
யாரெல்லாம் பார்க்க முடியும்?
இந்த ரீகேப்பைப் பார்க்க, பயனர்கள் ஜனவரி 1 முதல் நவம்பர் 10 வரை குறைந்தபட்சம் 10 மணிநேரம் யூடியூப் மியூசிக்கில் பாடல்களைக் கேட்டிருக்க வேண்டும்.
வழக்கமாக டிசம்பர் மாதத்தில் வெளியாகும் இந்தத் தொகுப்பு, இம்முறை முன்கூட்டியே நவம்பர் இறுதியிலேயே வெளியிடப்பட்டுள்ளது இசை ரசிகர்களுக்கு இரட்டிப்பு மகிழ்ச்சியைத் தந்துள்ளது.
