புதிய ஜிஎஸ்டி விகிதங்கள் செப்டம்பர் 22 முதல் அமலுக்கு வருகின்றன. ஜிஎஸ்டி குறைப்பால் மொபைல் போன்கள் விலை குறையுமா, வேறு என்னென்ன பொருட்களுக்கு வரி குறைக்கப்பட்டுள்ளது என்பதை அறியலாம்.
செப்டம்பர் 22-ஆம் தேதி முதல் புதிய ஜிஎஸ்டி (சரக்கு மற்றும் சேவை வரி) விகிதங்கள் அமலுக்கு வரவுள்ளன. பொதுமக்களுக்கு பெரும் நிவாரணம் அளிக்கும் வகையில், ஜிஎஸ்டி கவுன்சில் பல்வேறு பொருட்களுக்கான வரி விகிதங்களை கணிசமாக குறைத்துள்ளது. டிவி, ஏசி, வாஷிங் மெஷின், மற்றும் புரொஜெக்டர்கள் உள்ளிட்ட பல எலக்ட்ரானிக் பொருட்களின் ஜிஎஸ்டி 28 சதவீதத்தில் இருந்து 18 சதவீதமாக குறைக்கப்பட்டுள்ளது. இந்த அறிவிப்பு, ஸ்மார்ட்போன்கள் மற்றும் மொபைல் போன்களின் விலையும் குறையுமா என்ற கேள்வியை பலரது மனதிலும் எழுப்பியுள்ளது. ஆனால், நிலைமை என்ன என்பதை விரிவாக பார்க்கலாம்.
25
புதிய ஜிஎஸ்டி விகிதங்கள்
அரசாங்கம் தற்போதுள்ள நான்கு அடுக்கு ஜிஎஸ்டி (5%, 12%, 18% மற்றும் 28%) கட்டமைப்பை இரண்டு அடுக்குகளாக (5% மற்றும் 18%) மாற்றியுள்ளது. இது நுகர்வோரின் செலவினங்களை ஊக்குவித்து, பொருளாதாரத்தை மேம்படுத்தும் நோக்கில் எடுக்கப்பட்ட ஒரு முக்கிய முடிவு. மேலும், புகையிலை மற்றும் ஆடம்பர வாகனங்கள் போன்ற பொருட்களுக்கு புதிய 40 சதவீத அடுக்கு உருவாக்கப்பட்டுள்ளது. இந்த மாற்றங்களால் பல அத்தியாவசிய பொருட்களின் விலை குறைய வாய்ப்பு உள்ளது.
35
மொபைல் போன்கள் ஏன் குறையாது?
டிவி, ஏசி போன்ற பொருட்களின் விலை குறைந்தாலும், மொபைல் போன்களின் ஜிஎஸ்டி விகிதத்தில் எந்த மாற்றமும் இல்லை. தற்போது மொபைல் போன்களுக்கு 18 சதவீத ஜிஎஸ்டி விதிக்கப்படுகிறது. இது புதிய இரண்டு அடுக்கு அமைப்பில் உள்ள 18% அடுக்குக்கு பொருந்துகிறது. இதனால், மொபைல் போன்களின் விலை குறையாது, நுகர்வோர் தொடர்ந்து அதே விலையை செலுத்தி வாங்க வேண்டும். முன்னதாக மொபைல் போன்களுக்கு 12 சதவீத ஜிஎஸ்டி விதிக்கப்படலாம் என்று எதிர்பார்க்கப்பட்டது, ஆனால் அந்த அடுக்கு இப்போது நீக்கப்பட்டுவிட்டதால், அந்த வாய்ப்பு இல்லாமல் போய்விட்டது.
ஜிஎஸ்டி விகிதங்கள் குறைக்கப்பட்டுள்ளதால், ஏசி, டிவி, மானிட்டர்கள் மற்றும் புரொஜெக்டர்கள் போன்ற பல வீட்டு உபயோகப் பொருட்கள் மற்றும் எலக்ட்ரானிக் பொருட்கள் மலிவான விலையில் கிடைக்கும். அதே சமயம், மொபைல் போன் பழுதுபார்ப்பு சேவைகளுக்கான ஜிஎஸ்டியும் 18 சதவீதமாகவே தொடரும். இந்த மாற்றங்களால் நுகர்வோர் மலிவான விலையில் பல பொருட்களை வாங்க முடியும். இந்த அறிவிப்பு பங்கு சந்தையிலும் ஒரு நேர்மறையான தாக்கத்தை ஏற்படுத்தியது. செப்டம்பர் 3, 2025 அன்று, மும்பை பங்குச் சந்தை குறியீடான சென்செக்ஸ் 889 புள்ளிகள் உயர்ந்து 81,456.67-ல் வர்த்தகத்தைத் தொடங்கியது, அதேபோல், தேசிய பங்குச் சந்தை குறியீடான நிஃப்டி 266 புள்ளிகள் உயர்ந்து 24,980.75-ல் வர்த்தகத்தைத் தொடங்கியது.
55
தேசிய பங்குச் சந்தை
இந்த அறிவிப்பு பங்கு சந்தையிலும் ஒரு நேர்மறையான தாக்கத்தை ஏற்படுத்தியது. செப்டம்பர் 3, 2025 அன்று, மும்பை பங்குச் சந்தை குறியீடான சென்செக்ஸ் 889 புள்ளிகள் உயர்ந்து 81,456.67-ல் வர்த்தகத்தைத் தொடங்கியது, அதேபோல், தேசிய பங்குச் சந்தை குறியீடான நிஃப்டி 266 புள்ளிகள் உயர்ந்து 24,980.75-ல் வர்த்தகத்தைத் தொடங்கியது.
