ரோஜா பூ வாடிடும், சாக்லேட் கரைஞ்சிடும்.. ஆனா இந்த கிஃப்ட் கொடுத்தா உங்க காதல் 'லைஃப் லாங்' சார்ஜ் நிக்கும்!

Valentine  2026 காதலர் தினத்திற்கு உங்கள் அன்புக்குரியவருக்குப் பரிசளிக்கச் சிறந்த 5 ஸ்மார்ட்போன்கள்! நீண்ட பேட்டரி மற்றும் அட்டகாசமான கேமரா வசதிகள் பற்றி இங்கே படியுங்கள்.

Valentine

காதலர் தினம் என்றாலே ரோஜாப்பூக்களும், சாக்லேட்டுகளும் தான் நினைவுக்கு வரும். ஆனால், இப்போது காலம் மாறிவிட்டது. இன்றைய டிஜிட்டல் உலகில், நாம் ஒருவருக்கொருவர் பேசிக் கொள்வதற்கும், நினைவுகளைச் சேமித்து வைப்பதற்கும் ஸ்மார்ட்போன்கள் தான் பாலமாக உள்ளன. இந்த 2026-ம் ஆண்டு காதலர் தினத்தில், உங்கள் துணையுடன் நீங்கள் செலவிடும் ஒவ்வொரு நொடியையும் அழகாக்க, நீண்ட நேரம் உழைக்கும் பேட்டரி மற்றும் துல்லியமான கேமரா கொண்ட ஸ்மார்ட்போனைப் பரிசளிப்பது ஒரு சிறந்த தேர்வாக இருக்கும். இதோ உங்களுக்கான டாப் 5 தேர்வுகள்!

ரியல்மி பி4 பவர் 5ஜி (Realme P4 Power 5G): தீராத பேட்டரி

உங்கள் துணை மணிக்கணக்கில் போனில் பேசுபவரா? அப்படியென்றால் அவர்களுக்கு ஏற்ற பரிசு இதுதான். இதில் உள்ள பிரம்மாண்டமான 10,001 mAh டைட்டன் பேட்டரி, ஒரு முறை சார்ஜ் செய்தால் பல நாட்களுக்கு வரும். இவ்வளவு பெரிய பேட்டரி இருந்தாலும், இது வெறும் 9.08 மிமீ தடிமன் மற்றும் 219 கிராம் எடை மட்டுமே கொண்டது. எனவே கையில் வைத்துக்கொள்ளவும் எளிதாக இருக்கும். மேலும், 1,650 முறை சார்ஜ் செய்தாலும் பேட்டரி தரம் குறையாது என உறுதியளிக்கப்பட்டுள்ளது.

ரியல்மி 16 ப்ரோ+ (Realme 16 Pro+): போட்டோகிராபி பிரியர்களுக்கு

இன்ஸ்டாகிராமில் ரீல்ஸ் போடுவதிலும், போட்டோ எடுப்பதிலும் உங்கள் துணைக்கு ஆர்வம் அதிகம் என்றால், இந்த போன் ஒரு வரப்பிரசாதம். இதில் உள்ள 200MP லூமாகலர் கேமரா (LumaColor Camera) மற்றும் 120X சூப்பர் ஜூம் வசதி, ஒவ்வொரு புகைப்படத்தையும் சினிமா தரத்திற்கு மாற்றும். மெழுகுவர்த்தி வெளிச்சத்திலோ அல்லது நிலா வெளிச்சத்திலோ எடுக்கும் புகைப்படங்கள் கூட மிகத் துல்லியமாக இருக்கும்.

ஒப்போ ரெனோ 15 5ஜி (OPPO Reno15 5G): ஏஐ தொழில்நுட்பத்துடன்

அழகான போர்ட்ரெய்ட் (Portrait) புகைப்படங்களை விரும்புபவர்களுக்கானது இந்த ஸ்மார்ட்போன். இதில் உள்ள 50MP டெலிபோட்டோ லென்ஸ் மற்றும் செயற்கை நுண்ணறிவு (AI) அம்சங்கள், புகைப்படங்களுக்குத் தனி அழகைக் கொடுக்கும். ஸ்னாப்டிராகன் 7 ஜென் 4 சிப்செட் மற்றும் 120 ஹெர்ட்ஸ் திரை இருப்பதால், கேமிங் மற்றும் வீடியோ பார்ப்பதற்கும் இது சிறந்தது. 6,500mAh பேட்டரி மற்றும் 80W ஃபாஸ்ட் சார்ஜிங் வசதி இருப்பதால், சார்ஜ் தீர்ந்துவிடுமோ என்ற கவலையே வேண்டாம்.

விவோ டி4 (Vivo T4): மல்டிடாஸ்கிங் மன்னன்

ஒரே நேரத்தில் பல வேலைகளைச் செய்பவரா உங்கள் துணை? அவர்களுக்கு விவோ டி4 சிறந்த தேர்வாக இருக்கும். 7,300mAh பேட்டரி மற்றும் ஸ்னாப்டிராகன் 7s ஜென் 3 ப்ராசஸர் இருப்பதால் வேகம் மற்றும் செயல்திறனில் இது கில்லி. இதன் திரை வெளிச்சம் 5,000 nits வரை இருப்பதால், வெயிலில் கூட திரையைத் தெளிவாகப் பார்க்க முடியும். 90W ஃபிளாஷ் சார்ஜ் வசதி இதன் கூடுதல் பலம்.

விவோ வி60இ (Vivo V60e): ஆல்ரவுண்டர்

பார்க்கவும் ஸ்டைலாக இருக்க வேண்டும், செயல்திறனும் சும்மா கிழி என்று இருக்க வேண்டும் என்றால் இதுதான் சாய்ஸ். 200MP கேமரா, 4K வீடியோ ரெக்கார்டிங், 30x ஜூம் என கேமராவில் கலக்கும் இந்த போன், டிமன்சிட்டி 7360 டர்போ சிப்செட் மூலம் இயங்குகிறது. தண்ணீர் மற்றும் தூசிலிருந்து பாதுகாக்க IP68/IP69 ரேட்டிங் உள்ளது. எனவே, சுற்றுலா செல்லும் போது பயமில்லாமல் எடுத்துச் செல்லலாம்.