449-க்கு 4 சிம், 75GB டேட்டா, Hotstar, Gemini Pro இலவசம்... ஜியோவின் இந்த ஆஃபர் செம ட்ரெண்டிங்!

Jio நிறுவனம் வெறும் ரூ.449-க்கு சிறப்பு போஸ்ட்பெய்டு திட்டத்தில் 75GB டேட்டா, அன்லிமிடட் கால்ஸ், கூடுதலாக 3 SIM-களை இணைக்கும் வசதி வழங்கப்படுகிறது. குடும்பத்தினருடன் ஒரே திட்டத்தில் இணைந்து பயன்படுத்த விரும்புபவர்களுக்கு இது சிறந்த தேர்வாக இருக்கும்.

ஜியோ Family Plan

நீங்கள் ஜியோ போஸ்ட்பெய்டு சிம் வாங்க திட்டமிட்டு, உங்கள் முழு குடும்பத்திற்கும் ஏற்ற ஒரு திட்டத்தைத் தேடிக்கொண்டிருந்தால், ஜியோவின் சிறப்பு Family Plan சிறந்த தேர்வாக இருக்கலாம். அழைப்பு, டேட்டா மற்றும் இணைய சேவைகளை ஒரே திட்டத்தில் வழங்கும் இந்த பிளான், ₹449 விலையில் பல கவர்ச்சிகரமான சலுகைகளுடன் கிடைக்கிறது.

இந்த திட்டம் குடும்பப் பயன்பாட்டை கருத்தில் கொண்டு வடிவமைக்கப்பட்டுள்ளது. ஒரே கணக்கின் கீழ் பல இணைப்புகளை (Connections) சேர்த்துக்கொள்ளும் வசதியும் இதில் உள்ளது. இந்த ஜியோ குடும்பத் திட்டத்தின் அம்சங்களை விரிவாகப் பார்ப்போம்.

ஜியோவின் Family Plan-ல் என்னென்ன கிடைக்கும்?

ஜியோவின் ₹449 போஸ்ட்பெய்டு திட்டம், மாதத்திற்கு 75GB அதிவேக (High-Speed) டேட்டாவை வழங்குகிறது. இந்த டேட்டா வரம்பை கடந்த பிறகு பயன்படுத்தப்படும் ஒவ்வொரு 1GB டேட்டாவுக்கும் ₹10 கட்டணம் வசூலிக்கப்படும்.

மேலும், அனைத்து நெட்வொர்க்குகளுக்கும் வரம்பற்ற குரல் அழைப்புகள் (Unlimited Calling) மற்றும் தினமும் 100 SMS-களும் வழங்கப்படுகின்றன.

3 கூடுதல் SIM-களை சேர்க்கும் வசதி

இந்த திட்டத்தின் மிக முக்கியமான அம்சம் Family Add-on வசதியாகும். இதன் மூலம், உங்கள் முதன்மை இணைப்புடன் (Primary Connection) மேலும் 3 SIM-களை சேர்க்கலாம். அதாவது, ஒரே கணக்கின் கீழ் மொத்தம் 4 SIM-களை பயன்படுத்த முடியும்.

எனினும், ஒவ்வொரு கூடுதல் SIM-க்கும் மாதத்திற்கு ₹150 கூடுதல் கட்டணம் செலுத்த வேண்டும். மேலும், ஒவ்வொரு Add-on இணைப்பிற்கும் 5GB கூடுதல் டேட்டா வழங்கப்படுகிறது.

இலவச JioHotstar சந்தா

டேட்டா மற்றும் அழைப்பு வசதிகளுடன், பொழுதுபோக்கு அம்சங்களுக்கும் இந்த திட்டம் முக்கியத்துவம் அளிக்கிறது. இந்த திட்டத்தைப் பயன்படுத்தும் வாடிக்கையாளர்களுக்கு 3 மாத JioHotstar சந்தா இலவசமாக வழங்கப்படுகிறது.

இதன் மூலம் திரைப்படங்கள், வெப் சீரிஸ்கள், தொலைக்காட்சி நிகழ்ச்சிகள் மற்றும் நேரடி விளையாட்டு (Live Sports) போட்டிகளை ரசிக்க முடியும்.

Google Gemini Pro மற்றும் Cloud Storage இலவசம்

இந்த போஸ்ட்பெய்டு திட்டத்தில் 18 மாதங்களுக்கு Google Gemini Pro சந்தாவும் இலவசமாக வழங்கப்படுகிறது.

அதுமட்டுமல்லாமல், 2TB வரை Cloud Storage வசதியும் கிடைக்கிறது. இதில் உங்கள் புகைப்படங்கள், வீடியோக்கள் மற்றும் முக்கிய கோப்புகளை பாதுகாப்பாக சேமித்து வைத்துக்கொள்ளலாம்.

மொத்தத்தில், டேட்டா, வரம்பற்ற அழைப்புகள், குடும்ப Add-on வசதி, JioHotstar சந்தா, Google Gemini Pro மற்றும் 2TB Cloud Storage உள்ளிட்ட பல்வேறு சலுகைகளை ஒரே திட்டத்தில் பெற விரும்பும் குடும்பங்களுக்கு ஜியோவின் ₹449 போஸ்ட்பெய்டு Family Plan ஒரு சிறந்த தேர்வாக அமைகிறது.