மிச்சம் மீத பயனர்களையும் தன்பக்கம் ஈர்க்கும் BSNL! வெறும் ரூ.91 ரீச்சார்ஜின் 60 நாள் வேலிடிட்டி!

ஏர்டெல், ஜியோ, வோடவோன் ஐடியா தொலைதொடர்பு நிறுவனங்கள் ரீசார்ஜ் கட்டணங்களை உயர்த்திய போதிலும், BSNL மட்டும் மலிவு விலை ரீசார்ட் கட்டணங்களை அறிமுகப்படுத்தி அசத்தி வருகிறது.  

ரிலையன்சின் ஜியோ (jio), பாரதி ஏர்டெல் (airtel) மற்றும் வோடபோன் ஐடியா (vi) ஆகிய தொலைதொடர்பு நிறுவனங்கள் அண்மையில் 25% சதவீதம் வரை ப்ரீபெய்ட் ரீச்சார்ஜ் கட்டணங்களை உயர்த்தி அறிவித்தன. குறைந்தபட்சம் 199 ரூபாய்க்கு ரீசார்ஜ் செய்ய வேண்டிய கட்டாயத்திற்கு பயனர்கள் தள்ளப்பட்டுள்ளனர். அப்படி ரீசார்ஜ் செய்தாலும் 28 நாட்கள் மட்டுமே வேலிடிட்டியாக கொடுக்கப்படுகிறது.

ஆனால், BSNL நிறுவனம் கட்டணத்தை உயர்த்தாமல், பல்வேறு மலிவு விலை திட்டங்களை அறிமுகப்படுத்தி வருகிறது. இதனால் தற்போது ஏராளமான பயனர்கள் பிஎஸ்என்எல் சிம்முக்கு மாறி வருகின்றனர். தற்போது மேலும் ஒரு புதிய திட்டத்தை பிஎஸ்என்எல் அறிமுகம் செய்துள்ளது. ரூ.91 திட்டத்தில் அதிக நாள் வேலிடிட்டி நன்மையை அறிவித்துள்ளது.

BSNL Rs 91 prepaid recharge plan

பிஎஸ்என்எல் ரூ.91 திட்டத்தில் ரீசார்ஜ் செய்தால் 60 நாட்கள் வேலிடிட்டி வழங்கப்படுகிறது. குறைந்த கட்டணத்தில் அதிக வேலிடிட்டி தரும் இந்த ஒரு திட்டம் மட்டுமே. ஆனால் இதில், வேலிடிட்டி தவிர எந்த சலுகையும் கிடைக்காது. அதாவது, இந்த திட்டத்தின் மூலம் ரீசார்ஜ் செய்யும் பயனர்கள் வாய்ஸ் கால்களுக்கு தனியாக கட்டம் செலுத்த வேண்டும். குறிப்பாக BSNL ரூ.91 திட்டத்தில் ரீசார்ஜ் செய்வது மூலம் SiM கார்டை நீண்ட நாட்கள் செயலில் வைத்திருக்க முடியும்.