50MP டிரிபிள் கேமரா, 6.7-இன்ச் Super AMOLED டிஸ்ப்ளே மற்றும் 6 ஆண்டுகள் OS அப்டேட் உடன் Samsung Galaxy A18 4G அறிமுகம்! விலை, பேட்டரி மற்றும் முழு விவரம் இதோ!
பிரபல ஸ்மார்ட்போன் நிறுவனமான சாம்சங் (Samsung), சிங்கப்பூரில் தனது புதிய கேலக்ஸி A18 4G (Galaxy A18 4G) ஸ்மார்ட்போனை அறிமுகப்படுத்தியுள்ளது. மீடியாடெக் ஹீலியோ G99+ (MediaTek Helio G99+) பிராசஸருடன் வெளியாகியுள்ள இந்த ஸ்மார்ட்போனில் 6.7-இன்ச் 90Hz சூப்பர் அமோலெட் (Super AMOLED) டிஸ்ப்ளே, 5,000mAh பேட்டரி மற்றும் 3 பின்புற கேமராக்கள் இடம்பெற்றுள்ளன.
ஐரோப்பிய சந்தையில் எக்ஸினோஸ் 1610 (Exynos 1610) சிப்செட் உடன் அறிமுகப்படுத்தப்பட்ட இந்த மாடலை, சிங்கப்பூரில் மீடியாடெக் பிராசஸருடன் சாம்சங் களமிறக்கியுள்ளது. பிராசஸர் மற்றும் ஸ்டோரேஜ் தேர்வுகளைத் தவிர மற்ற முக்கிய சிறப்பம்சங்கள் அனைத்தும் ஒன்றாகவே உள்ளன. முந்தைய கேலக்ஸி A17 4G மாடலுடன் ஒப்பிடும்போது இதில் சில மாற்றங்களே செய்யப்பட்டுள்ளன. குறிப்பாக, A17 மாடலில் இருந்த IP54 தரச்சான்றுக்குப் பதிலாக, தூசி மற்றும் நீரிலிருந்து கூடுதல் பாதுகாப்பை வழங்கும் IP64 தரச்சான்று இதில் வழங்கப்பட்டுள்ளது.
24
Samsung Galaxy A18 4G முக்கிய சிறப்பம்சங்கள்
6.7-இன்ச் சூப்பர் அமோலெட் (Super AMOLED) டிஸ்ப்ளே, 2,340 x 1,080 பிக்சல் ரெசல்யூஷன் மற்றும் 90Hz ரெஃப்ரெஷ் ரேட் கொண்டது. முன்பக்க கேமராவிற்காக Infinity-U நாட்ச் வடிவமைப்பும், திரை பாதுகாப்பிற்காக கார்னிங் கொரில்லா கிளாஸ் 3 (Corning Gorilla Glass 3) பாதுகாப்பும் உள்ளது. சிங்கப்பூர் பதிப்பில் MediaTek Helio G99+ சிப்செட் உள்ளது. 4GB ரேம் (RAM) மற்றும் 128GB ஸ்டோரேஜ் வசதியுடன் இது கிடைக்கிறது (ஐரோப்பிய மாடலில் 256GB ஸ்டோரேஜ் தேர்வும் உள்ளது).
பின்புறத்தில் 50MP முதன்மை கேமரா, 5MP அல்ட்ரா-வைட் கேமரா மற்றும் 2MP மேக்ரோ கேமரா என 3 கேமராக்கள் உள்ளன. செல்ஃபி மற்றும் வீடியோ அழைப்புகளுக்காக முன்புறம் 13MP கேமரா வழங்கப்பட்டுள்ளது. 25W வயர்டு சார்ஜிங் ஆதரவுடன் கூடிய 5,000mAh பேட்டரி உள்ளது. 164.4 x 77.9 x 7.7 மிமீ அளவும், 196 கிராம் எடையும் கொண்ட இந்த போனில் பக்கவாட்டில் ஃபிங்கர்பிரிண்ட் சென்சார் (Side-mounted fingerprint scanner) மற்றும் USB Type-C போர்ட் ஆகியவை உள்ளன.
34
சாஃப்ட்வேர் & AI வசதிகள் (Software & AI) என்னென்ன?
ஆண்ட்ராய்டு 17 (Android 17) அடிப்படையிலான One UI 9 இயங்குதளத்தில் இது செயல்படுகிறது. இதில் 'சர்க்கிள் டு சர்ச்' (Circle to Search), 'ஃபைண்ட் தி லுக்' (Find the Look) ஆகிய வசதிகளுடன் கூகுள் ஜெமினி (Google Gemini) மற்றும் பெர்பிளெக்ஸிட்டி (Perplexity) போன்ற AI உதவியாளர்களும் இடம்பெற்றுள்ளன. தனிப்பட்ட தரவுகளைப் பாதுகாக்க 'சாம்சங் நாக்ஸ் வால்ட்' (Samsung Knox Vault) வசதியும் உள்ளது. இந்த போனுக்கு 6 தலைமுறை OS அப்டேட்டுகள் மற்றும் 6 ஆண்டுகள் செக்யூரிட்டி அப்டேட்டுகள் வழங்கப்படும் என சாம்சங் உறுதியளித்துள்ளது.
நவ.13 அன்று சிங்கப்பூரில் அறிமுகமான சாம்சங் கேலக்ஸி A18 4G (4GB RAM + 128GB ஸ்டோரேஜ்) மாடலின் விலை இந்திய மதிப்பில் சுமார் ரூ.21,500 என நிர்ணயிக்கப்பட்டுள்ளது. கருப்பு (Black), வெளிர் நீலம் (Light Blue) மற்றும் சில்வர் (Silver) ஆகிய 3 வண்ணங்களில் கிடைக்கிறது. சாம்சங் ஆன்லைன் ஸ்டோர், சாம்சங் எக்ஸ்பீரியன்ஸ் ஸ்டோர்கள், Lazada, Shopee மற்றும் அங்கீகரிக்கப்பட்ட விற்பனையாளர்களிடம் இது விற்பனைக்கு வந்துள்ளது. சாம்சங் எக்ஸ்பீரியன்ஸ் ஸ்டோர்கள் மற்றும் தேர்ந்தெடுக்கப்பட்ட சில்லறை விற்பனையாளர்களிடம் போன் வாங்குபவர்களுக்கு, கையிருப்பு உள்ளவரை கேபிள் இல்லாத 25W பவர் அடாப்டர் இலவசமாக வழங்கப்படுகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.