45W ஃபாஸ்ட் சார்ஜிங், 50MP OIS கேமரா..மிட்-ரேஞ்ச் போன்களுக்கு செக்.. வெளியாகும் சாம்சங் கேலக்சி எப்70 ப்ரோ

Samsung Galaxy F70 Pro: சாம்சங் தனது கேலக்சி எப் சீரியஸில் புதிய கேலக்சி எப்70 ப்ரோ 5ஜி ஸ்மார்ட்போனை இந்தியாவில் ஆகஸ்ட் 3 அன்று அறிமுகப்படுத்த உள்ளது. இதன் விலை, ரேம் மற்றும் ஸ்டோரேஜ் வேரியண்ட்கள், முக்கிய அம்சங்களை வெளியிட்டுள்ளது.

சாம்சங் கேலக்சி எப்70 ப்ரோ

சாம்சங் நிறுவனம் தனது கேலக்சி எப்70 ப்ரோ 5ஜி ஸ்மார்ட்போனை இந்தியாவில் ஆகஸ்ட் 3 அன்று அதிகாரப்பூர்வமாக அறிமுகப்படுத்த உள்ளது. வெளியீட்டிற்கு முன்னதாகவே விலை மற்றும் முக்கிய அம்சங்கள் நிறுவனம் தெரிவித்துள்ளது. இந்த ஸ்மார்ட்போனின் ஆரம்ப விலை ரூ.25,999 ஆக நிர்ணயிக்கப்பட்டுள்ளது. இந்த விலையில் 6ஜிபி ரேம் + 128ஜிபி சேமிப்பு வேரியண்ட் கிடைக்கும். 8GB + 128GB மாடல் ரூ.29,999 விலையிலும், 8GB + 256GB டாப் வேரியண்ட் ரூ.34,999 விலையிலும் அறிமுகமாகிறது.

சாம்சங் கேலக்சி எப்70 ப்ரோ வசதிகள்

இருப்பினும், அறிமுக தினத்தில் சிறப்பு வங்கி சலுகைகள் மற்றும் தள்ளுபடிகள் அறிவிக்கப்படலாம் என்று நிறுவனம் தெரிவித்துள்ளது. கேலக்சி எப்70 ப்ரோ 5ஜி-யில் Full HD+ Super AMOLED Flat Display வழங்கப்பட்டுள்ளது. இது 120Hz புதுப்பிப்பு வீதம் மற்றும் Corning Gorilla Glass Victus+ பாதுகாப்புடன் வருகிறது. சிப்செட்டின் அதிகாரப்பூர்வ பெயரை சாம்சங் இன்று வெளியிடவில்லை. ஆனால், இது Qualcomm Snapdragon தளத்தை அடிப்படையாகக் கொண்டதாக இருக்கும் என எதிர்பார்க்கப்படுகிறது. மேலும் LPDDR5X RAM மற்றும் UFS 3.1 சேமிப்பகம் இடம்பெற்றுள்ளது.

கேலக்சி எப்70 ப்ரோ கேமரா

புகைப்பட ஆர்வலர்களுக்காக, 50MP பிரதான கேமரா மற்றும் ஆப்டிகல் இமேஜ் ஸ்டேபிலைசேஷன் (OIS) வசதி வழங்கப்பட்டுள்ளது. இதனுடன் 5MP Ultra-Wide மற்றும் 2MP மேக்ரோ கேமராக்களும் இடம்பெற்றுள்ளன. முன்புற செல்ஃபி கேமரா HDR ஆதரவுடன் வருகிறது. மேலும் 4K வீடியோ பதிவு வசதியும் வழங்கப்பட்டுள்ளது. இந்த ஸ்மார்ட்போனின் மற்றொரு முக்கிய அம்சம் 6000mAh பேட்டரி ஆகும். இது 45W Wired Fast Charging-ஐ ஆதரிக்கிறது.

சாம்சங் கேலக்சி எப்70 ப்ரோ வகைகள்

ஒரு முழு சார்ஜில் நீண்ட நேர வீடியோ பார்ப்பது, சமூக வலைதள பயன்பாடு மற்றும் கேமிங் அனுபவம் கிடைக்கும். இந்த மாடல் ஆல்பா பிளாக் மற்றும் ஆரா க்ரீன் ஆகிய இரண்டு நிறங்களில் கிடைக்கும். சாம்சங் ஆன்லைன் ஸ்டோர் மற்றும் ப்ளிப்கார்ட் மூலம் விற்பனை செய்யப்படுகிறது. அதிகாரப்பூர்வ அறிமுகத்திற்கு பிறகு முழுமையான தொழில்நுட்ப விவரங்கள் மற்றும் அறிமுக சலுகைகள் வெளியாகும்.