ChatGPT ஹேக் செய்யப்பட்டதா.? பயனர்களின் தகவல்கள் கசிவு.. உஷாரா இருங்க மக்களே

OpenAI நிறுவனம், அதன் சில API பயனர்களின் தனிப்பட்ட தகவல்கள் மூன்றாம் தரப்பு சேவை மூலம் கசிந்ததை உறுதி செய்துள்ளது. பயனர்கள் ஃபிஷிங் மோசடிகளுக்கு எதிராக எச்சரிக்கையுடன் இருக்குமாறு OpenAI அறிவுறுத்தியுள்ளது.

ஓபன்ஏஐ எச்சரிக்கை

சாட்ஜிபிடியை உருவாக்கிய OpenAI நிறுவனம், தங்களின் சில API தயாரிப்பு பயனர்களின் தனிப்பட்ட தகவல்கள் கசிந்ததாக அதிகாரப்பூர்வமாக உறுதிப்படுத்தப்பட்டுள்ளது. நிறுவனத்தின் மூன்றாம் தரப்பு டேட்டா அனலிட்டிக்ஸ் சேவையை வழங்கும் Mixpanel ஊடுருவல் என்ற நிறுவனத்தின் அமைப்பு ஹேக்கர்களால் ஆனது சம்பவத்திற்குக் காரணம். இந்த மாதத்தின் தொடக்கத்தில் நடந்த சைபர் தாக்குதலில் சில தகவல்கள் எடுக்கப்பட்டதாகவும், ஆனால் ChatGPT பயனர்களின் தனிப்பட்ட அல்லது கணக்கு விவரங்கள் அச்சுறுத்தலுக்கும் உள்ளாகவில்லை என்றும் OpenAI கூறியுள்ளது. இந்த கசிவு தாக்கம் மட்டுமே API பயன்படுத்தும் நிறுவனங்களுக்கும் டெவலப்பர்களுக்கும் ஏற்பட்டுள்ளதாக அவர்கள் விளக்கினர்.

சைபர் பாதுகாப்பு அப்டேட்

கசிந்துள்ள தரவுகள் பற்றி OpenAI தெளிவாக விளக்கம் வழங்கப்பட்டுள்ளது. API கணக்குகளின் உண்மை நிலை தகவல்கள் மட்டுமே வெளிவந்துள்ளன. அதாவது-கணக்கு பெயர், மின்னஞ்சல் முகவரி, நகரம் மற்றும் மாநிலம் போன்ற இருப்பிட விவரங்கள், பயன்படுத்தப்பட்ட ஆப்ரேட்டிங் சிஸ்டம், பிரெளசர் தகவல்கள், ரெஃபரல் வலைத்தளங்கள், நிறுவனம் தொடர்பான மற்றும் பயனர் ஐடி போன்றவை பார்க்கப்பட்டதாக தெரிவிக்கப்பட்டுள்ளது. API கீ, கடவுச்சொல், பேமெண்ட் விவரங்கள் போன்ற எதுவும் கசிக்கவில்லை என்பது உறுதி செய்யப்பட்டுள்ளது.

தரவு கசிவு

OpenAI இந்த சம்பவத்தை நவம்பர் 25 அன்று கண்டறிந்தவுடன் உடனடி நடவடிக்கை எடுக்கப்பட்டுள்ளது. Mixpanel சேவையை அவர்கள் உள்கட்டமைப்பிலிருந்து முழுவதும் நீக்கியதுடன், மூன்றாம் தரப்பு சேவை வழங்குநர்களின் பாதுகாப்பு தரநிலைகளை மீண்டும் சோதனை செய்து வருகின்றனர். எதிர்காலத்தில் இத்தகைய ஹேக்கிங் சம்பவங்கள் ஏற்படாதபடி பாதுகாப்பு நெறிமுறைகள் அதிகப்படுத்தப்படும். இந்த தரவு கசிவால் பாதிக்கப்படக்கூடிய அனைத்து நிறுவனங்களுக்கும் பயனர்களுக்கும் OpenAI தகவல் அனுப்பப்படுகிறது.

சைபர் மோசடி

இந்நிலையில் OpenAI, பயனர்கள் மிகுந்த எச்சரிக்கையுடன் இருக்க வேண்டும் என அறிவுறுத்தப்பட்டுள்ளது. கசியக்கூடிய தகவல்கள் ஃபிஷிங் மின்னஞ்சல்கள் அல்லது பிற சைபர் மோசடிகளுக்குப் பயன்படுத்தப்பட வாய்ப்பு இருப்பதால், OpenAI-யிடமிருந்து வந்ததாகக் கூறும் ஒவ்வொரு மின்னஞ்சலையும் பயனர்கள் கவனமாகச் சரிபார்க்க வேண்டும். சந்தேகமான இணைப்புகள், தனிப்பட்ட விவரங்கள் கேட்கப்படும் மின்னஞ்சல்கள் எதையும் திறக்க வேண்டாம் என எச்சரிக்கப்பட்டுள்ளது. OpenAI ஒருபோதும் பயனர்களுக்கு கடவுச்சொல், API விசை OTP போன்ற தகவல்களைக் கேட்காது அல்லது அவர்கள் வலியுறுத்தியுள்ளனர்.