ஒன்பிளஸ் (OnePlus) நிறுவனம் தனது புகழ்பெற்ற நார்ட் வரிசையில் புதிய வரவாக 'ஒன்பிளஸ் நார்ட் பட்ஸ் 4 ப்ரோ' (OnePlus Nord Buds 4 Pro) இயர்பட்ஸை இந்தியாவில் அறிமுகப்படுத்தியுள்ளது. நார்ட் பட்ஜெட் விலையில், பிளாக்ஷிப் ரக ஒலியனுபவத்தை வழங்கும் நோக்கில் இது வடிவமைக்கப்பட்டுள்ளது. 55dB வரையிலான இரைச்சல் நீக்கம் (ANC) மற்றும் மிக நீண்ட பேட்டரி ஆயுள் இதன் முக்கிய சிறப்பம்சங்களாகும்.
25
அதிரடி சத்தம்.. அமைதியான சூழல்!
இந்த புதிய இயர்பட்ஸில் 55 டெசிபல் (decibels) வரையிலான பின்னணி இரைச்சலைத் தடுக்கும் மேம்பட்ட 'ஆக்டிவ் நாய்ஸ் கேன்சலேஷன்' (ANC) வசதி உள்ளது. இது நார்ட் பட்ஸ் வரிசையிலேயே மிக அதிகபட்ச அளவாகும். பயனர்கள் தங்கள் சூழலுக்கு ஏற்ப லைட் (Light), மாடரேட் (Moderate), மற்றும் மேக்சிமம் (Maximum) என மூன்று நிலைகளில் ANC-ஐ மாற்றிக்கொள்ளலாம். மேலும், AI தொழில்நுட்பம் மூலம் நிகழ்நேரத்தில் சத்தத்தைக் கண்காணித்து இரைச்சலைக் குறைக்க இது உதவுகிறது.
மிரட்டும் பாஸ் மற்றும் தெளிவான குரல்
இதில் 12மிமீ டைட்டானியம் பூசப்பட்ட டைனமிக் டிரைவர்கள் (Titanium-coated drivers) பொருத்தப்பட்டுள்ளன. இவை முந்தைய மாடல்களை விட 100% அதிக ஆற்றலை வழங்குவதோடு, ஆழமான பாஸ் (Bass) மற்றும் தெளிவான குரல் வளத்தை உறுதி செய்கின்றன. கேமிங் பிரியர்களுக்காக பிரத்யேக 'ஸ்பேஷியல் ஆடியோ' (Spatial Audio) வசதியும் இதில் சேர்க்கப்பட்டுள்ளது, இது விளையாட்டின் போது துல்லியமான ஒலியைக் கேட்க உதவும்.
35
54 மணிநேர பேட்டரி பேக்கப்!
பேட்டரியைப் பொறுத்தவரை, ஒருமுறை முழுமையாக சார்ஜ் செய்தால் (ANC ஆஃப் செய்யப்பட்ட நிலையில்) 54 மணிநேரம் வரை தொடர்ந்து பயன்படுத்த முடியும். வெறும் 10 நிமிடங்கள் சார்ஜ் செய்தால் 5 மணிநேரம் வரை பாடல்களைக் கேட்கலாம் என்பது கூடுதல் சிறப்பு. மேலும், இது IP55 தரச் சான்றிதழ் பெற்றது, இதனால் வியர்வை மற்றும் தூசியால் பாதிப்பு ஏற்படாது.
புதிய 'ப்ளூடூத் 6.0' மற்றும் 'LHDC 5.0' தொழில்நுட்பங்களை இது ஆதரிக்கிறது. ஒன்பிளஸ் ஸ்மார்ட்போன் பயன்படுத்துபவர்கள் 'ஹே மெலடி' (HeyMelody) ஆப் மூலம் ஆங்கிலம், இந்தி, ஸ்பானிஷ் மற்றும் பிரஞ்சு மொழிகளில் நிகழ்நேர மொழிபெயர்ப்பு (Real-time translation) வசதியைப் பெறலாம். இதில் உள்ள ஸ்லைடு கன்ட்ரோல் மூலம் ஒலியளவை (Volume) எளிதாக மாற்றிக்கொள்ள முடியும்.
55
விலை மற்றும் விற்பனை விவரங்கள்
ஒன்பிளஸ் நார்ட் பட்ஸ் 4 ப்ரோவின் விலை இந்தியாவில் ரூ. 3,999 என நிர்ணயிக்கப்பட்டுள்ளது. இருப்பினும், அறிமுகச் சலுகையாக குறிப்பிட்ட காலத்திற்கு ரூ. 3,799-க்கு இதைப் பெறலாம். ரேடியன்ட் கிரே மற்றும் ரேவன் பிளாக் ஆகிய இரண்டு வண்ணங்களில் கிடைக்கும் இது, வரும் மார்ச் 23 முதல் அமேசான், பிளிப்கார்ட் மற்றும் ஒன்பிளஸ் தளங்களில் விற்பனைக்கு வருகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
