ரூ.3,000 பட்ஜெட்டில் பட்டைய கிளப்பும் ப்ளூடூத் ஸ்பீக்கர்கள்: வீட்டிலும் பார்ட்டியிலும் மிரட்ட டாப் 5 ஸ்பீக்கர் லிஸ்ட்!

இசைப் பிரியர்கள், பயணிகள் மற்றும் பார்ட்டி பிரியர்களுக்கு ஏற்ற வகையில் பட்ஜெட் விலையிலேயே TWS பேரிங், வாட்டர்ப்ரூஃப் பாதுகாப்பு, சக்திவாய்ந்த பேஸ் மற்றும் நீண்ட பேட்டரி பேக்கப் போன்ற அம்சங்களுடன் பல போர்ட்டபிள் ப்ளூடூத் ஸ்பீக்கர்கள் கிடைக்கின்றன.

ரூ.3,000 பட்ஜெட்டில் தூள் கிளப்பும் ப்ளூடூத் ஸ்பீக்கர்கள்

இன்றைய காலத்தில் இசைப் பிரியர்கள், தொடர் பயணிகள் மற்றும் நண்பர்களுடன் கொண்டாட்டங்களை விரும்புபவர்களுக்கு போர்ட்டபிள் ப்ளூடூத் ஸ்பீக்கர்கள் தவிர்க்க முடியாத சாதனமாகிவிட்டன. வீட்டில் ஓய்வெடுக்கும்போதும், சுற்றுலா செல்லும்போதும் அல்லது சிறிய பார்ட்டிகளை நடத்தும்போதும் சிறந்த ஆடியோ அனுபவத்தை இவை தருகின்றன. ஒரு காலத்தில் பிரீமியம் மாடல்களில் மட்டுமே காணப்பட்ட TWS பேரிங், RGB லைட்டிங், வாட்டர் ரெசிஸ்டன்ஸ், நீண்ட பேட்டரி பேக்கப் மற்றும் அதிரடி பேஸ் (Bass) போன்ற அம்சங்கள், தற்போது பட்ஜெட் ஸ்பீக்கர்களிலேயே கிடைக்கின்றன. அந்த வகையில், ரூ. 3,000-க்குள் விலைக்கு ஏற்ற தரமான வசதிகளை வழங்கும் சிறந்த ப்ளூடூத் ஸ்பீக்கர்களின் விரிவான பட்டியல் மற்றும் தேர்வு பற்றி பார்ப்போம்.

1. ஜே.பி.எல். கோ 3 (JBL Go 3)

'ஜே.பி.எல். ப்ரோ சவுண்ட்' தொழில்நுட்பத்துடன் கச்சிதமான அளவில் வரும் இந்த ஸ்பீக்கர், IP67 நீர் மற்றும் தூசி எதிர்ப்புத் திறன் (Water and Dust resistance), குறைந்த எடை மற்றும் டைப்-சி சார்ஜிங் வசதியைக் கொண்டுள்ளது. பெரிய ஸ்பீக்கர்களை விட பேட்டரி பேக்கப் சற்று குறைவு என்பதோடு மைக்ரோஃபோன் இதில் இல்லை. இருப்பினும், தினசரி பயன்பாடு, பயணம் மற்றும் வெளிப்புறப் பயன்பாட்டிற்கு ரூ.3,000 பட்ஜெட்டில் இதுவே மிகச்சிறந்த ஆல்-ரவுண்டர் தேர்வாகும்.

2. சோனி SRS-XB100 (Sony SRS-XB100)

தெளிவான சோனியின் பிரத்யேக ஒலி தரம், IP67 ரேட்டிங், இன்-பில்ட் மைக்ரோஃபோன் மற்றும் ஒருமுறை சார்ஜ் செய்தால் 16 மணிநேரம் வரை நீடிக்கும் நீண்ட பேட்டரி லைஃப் இதன் சிறப்பம்சங்கள். இதன் விலை பட்ஜெட்டின் உச்சத்தில் இருப்பதும், ஆர்.ஜி.பி லைட்டிங் இல்லாததும் இதன் குறைபாடுகள். தரமான ஆடியோ மற்றும் பயணங்களுக்கு இது மிகச் சிறந்தது.

3. போர்ட்ரானிக்ஸ் சவுண்ட்பாட் (Portronics SoundPod)

ஆழமான பேஸ் (Deep Bass) விரும்புபவர்களுக்கு இது உகந்தது. இதில் சக்திவாய்ந்த 20W அவுட்புட், 360-டிகிரி ஒலி, TWS மோட் மற்றும் இன்-பில்ட் மைக்ரோஃபோன் உள்ளன. பாக்கெட்டில் வைப்பதை விட சற்றே பெரிய அளவு மற்றும் பேட்டரி லைஃப் இன்னும் சிறப்பாக இருந்திருக்கலாம் என்றாலும், அறை முழுவதும் அதிரும் ஒலிக்கு இது ஏற்றது.

4. போட் ஸ்டோன் 352 (boAt Stone 352)

14W ஆடியோ அவுட்புட், IPX5 வாட்டர் ரெசிஸ்டன்ஸ், TWS சப்போர்ட் மற்றும் கவர்ச்சிகரமான ஆர்.ஜி.பி லைட்டிங் வசதியுடன் வருகிறது. வெளிப்புற பார்ட்டிகள், சிறிய கூட்டங்கள் மற்றும் தினசரி பயன்பாட்டிற்கு மிகவும் வசதியானது. பாக்கெட்டில் வைக்க சற்றுப் பெரியது மற்றும் லைட்டிங் பயன்பாட்டால் பேட்டரி சீக்கிரம் குறைய வாய்ப்புள்ளது.

5. பிலிப்ஸ் ஆடியோ TAS1400BL (Philips Audio TAS1400BL)

12W அவுட்புட், ஒரு பேசிவ் ரேடியேட்டர், ஆர்.ஜி.பி லைட் மோடுகள் மற்றும் 10 மணிநேர பேட்டரி பேக்கப் ஆகியவற்றுடன் வருகிறது. வாட்டர்ப்ரூஃப் வசதி கிடையாது மற்றும் வண்ணத் தேர்வுகள் குறைவு என்றாலும், வீடு மற்றும் அலுவலக தினசரி பயன்பாட்டிற்கு இது நம்பகமான தேர்வு.

ஒலி தரம், பேட்டரி ஆயுள், போர்ட்டபிலிட்டி, கனெக்டிவிட்டி, ப்ளூடூத் வெர்ஷன், வாட்டர் ரெசிஸ்டன்ஸ், பயனர்களின் ரேட்டிங்ஸ் மற்றும் பிராண்ட் மதிப்பு ஆகியவற்றின் அடிப்படையில் வகைப்படுத்தப்பட்ட சிறந்த தேர்வுகள்

சிறந்த ஒலி, IP67 பாதுகாப்பு மற்றும் எளிதாக எடுத்துச் செல்லும் கச்சிதமான அளவிற்காக JBL Go 3 முதலிடம் பிடிக்கிறது. அதிகப்படியான 20W RMS அவுட்புட், RGB லைட்டிங் மற்றும் TWS வசதிகளுடன் வரும் boAt Stone SpinX Pro பார்ட்டிகளுக்குச் சிறந்ததாக விளங்குகிறது. ஆழமான பேஸுக்கு Portronics SoundPod மாடலும் சிறந்த தேர்வாகும். சிறிய வடிவம், உறுதியான கட்டமைப்பு மற்றும் அதிக பேட்டரி பேக்கப் காரணமாக Sony SRS-XB100 மற்றும் JBL Go 3 பயணங்களுக்கு மிகச் சிறந்தவை.

கச்சிதமான வடிவமைப்பு, நல்ல பேட்டரி ஆயுள் மற்றும் மிகக் குறைந்த விலையின் காரணமாக ஜெப்ரானிக்ஸ் சோனிக் பாட் 15 (Zebronics Sonic Pod 15) சிறந்த பணத்திற்கேற்ற தேர்வாக அமைகிறது. பொதுவாக, உட்புற பயன்பாட்டிற்கு 10W முதல் 20W அவுட்புட் போதுமானது. அடிக்கடி பயணம் செய்பவர்கள் குறைந்தபட்சம் 10 மணிநேர பேக்கப், IP வாட்டர் ரெசிஸ்டன்ஸ் மற்றும் டைப்-சி சார்ஜிங் உள்ளதா என்பதை உறுதிசெய்து வாங்குவது நல்லது.