இந்தியா மொபைல் காங்கிரஸ் 2026-ல், ரிலையன்ஸ் ஜியோ நிறுவனம் 'ஜியோ ஏஐ ஸ்மார்ட் கண்ணாடிகள்' (Jio AI Glasses) உள்ளிட்ட புதிய ஏஐ அணியக்கூடிய சாதனங்களை அறிமுகப்படுத்தியுள்ளது.
கடைகளில் பொருட்கள் வாங்கும்போது இனி பாக்கெட்டில் இருக்கும் ஸ்மார்ட்போனை வெளியே எடுக்காமலேயே, க்யூ.ஆர் கோடைப் பார்த்து குரல் வழியாகக் கட்டளையிட்டு நேரடியாகப் பணம் செலுத்தும் புதிய தலைமுறை 'ஜியோ ஏஐ ஸ்மார்ட் கண்ணாடிகளை' (Jio AI Glasses) ரிலையன்ஸ் ஜியோ காட்சிப்படுத்தியுள்ளது.
தலைநகர் புதுடெல்லியில் நடந்து வரும் 'இந்தியா மொபைல் காங்கிரஸ் 2026' (India Mobile Congress 2026) நிகழ்வில், கேமரா கண்ணாடிகள், ஆடியோ கண்ணாடிகள், இயர்போன்கள் உள்ளிட்ட தனிநபர் ஏஐ அணியக்கூடிய சாதனங்களின் (Personal AI Wearables) வரிசையை ஜியோ நிறுவனம் அதிகாரப்பூர்வமாக வெளியிட்டது.
24
யுபிஐ சர்க்கிள் மூலம் ரூ.5,000 வரம்பு!
ஸ்கேன் & பே (Scan & Pay): க்யூஆர் கோடைப் பார்த்து ஒரு வாய்மொழி கட்டளை கொடுத்தாலே போதும்; நொடியில் யுபிஐ (UPI) வழியாகப் பணம் செலுத்தப்பட்டுவிடும்.
பரிவர்த்தனை வரம்பு: நேஷனல் பேமெண்ட்ஸ் கார்ப்பரேஷன் ஆஃப் இந்தியாவின் ‘யுபிஐ சர்க்கிள்’ (UPI Circle) விதிகளின்படி, ஒரு முறைக்கு அதிகபட்சமாக ரூ.5,000 வரையிலும், மாதத்திற்கு அதிகபட்சமாக ரூ.15,000 வரையிலும் பணம் செலுத்த முடியும்.
நேரலை மொழிபெயர்ப்பு (Live Translation): வெவ்வேறு இந்திய மொழிகளைப் பேசும் இருவர் எதிரெதிரே நின்று உரையாடும்போது, அவர்களுடைய தாய்மொழியிலேயே நிகழ்நேரத்தில் மொழிபெயர்த்துப் புரிய வைக்கும் வசதி சேர்க்கப்பட்டுள்ளது.
34
கண்களுக்கு முன்னால் UPI பேமெண்ட் & லைவ் கிரிக்கெட்!
நேரலை கிரிக்கெட் வர்ணனை: வெளியில் பயணிக்கும்போதும், வேலைகளில் இருக்கும்போதும் கிரிக்கெட் போட்டிகளின் நேரலை ஆடியோ வர்ணனையை இந்த ஸ்மார்ட் கண்ணாடிகள் மூலமாகவே கேட்க முடியும்.
ஏஐ நோட் டேக்கிங்(AI Note-taking): அலுவலகக் கூட்டங்களின் போது முக்கியமான தகவல்களையும் குறிப்புகளையும் இந்த சாதனம் தானாகவே பதிவு செய்து குறித்து வைத்துக்கொள்ளும்.
இந்திய மொழிகளுக்கு முன்னுரிமை: பலதரப்பட்ட இந்திய மொழிகளைப் புரிந்து கொண்டு பதிலளிக்கும் பிரத்யேக ஏஐ வாய்ஸ் அசிஸ்டண்ட் வசதியுடன் இது உருவாக்கப்பட்டுள்ளது.
பொதுவாக ஒரு கடையில் பணம் செலுத்தும்போது போனை பாக்கெட்டில் இருந்து எடுத்து, அன்லாக் செய்து, பேமெண்ட் செயலியைத் திறந்து, க்யூஆர் கோடை ஸ்கேன் செய்ய வேண்டிய நடைமுறைகள் உள்ளன. ஆனால் இந்த ஏஐ கண்ணாடிகள் மூலம் க்யூஆர் கோடை நேரடியாகப் பார்த்து குரல் வழி உத்தரவு பிறப்பித்தாலே பணம் பரிமாற்றம் நிகழ்ந்துவிடும்.
வெறும் கேள்விகளுக்குப் பதிலளிக்கும் மென்பொருளாக மட்டுமல்லாமல், அன்றாடப் பணிகளை செய்து முடிக்கும் நவீன கருவியாக ஏஐயை ஜியோ மாற்றியுள்ளது. ஸ்மார்ட்போன் திரைகளையும் கீபோர்டுகளையும் அடிக்கடி பார்ப்பதைத் தவிர்த்து, குரல் வழித் தொடர்புகள் மூலமாகப் பயனர்களின் பணித்திறனை அதிகரிக்கவும் நேரத்தை மிச்சப்படுத்தவும் இந்த அணியக்கூடிய சாதனங்கள் பயன்படும் என்று ஜியோ தெரிவித்துள்ளது. இந்தியப் பயனர்களின் அன்றாட வாழ்க்கைத் தேவைகளையும் மொழிப் பயன்பாட்டையும் மையமாகக் கொண்டு இச்சாதனங்கள் வடிவமைக்கப்பட்டுள்ளதால் இது தொழில்நுட்ப வட்டாரத்தில் பெரும் வரவேற்பைப் பெற்றுள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
