Jio Recharge Trick : ரூ.44-க்கு ரீசார்ஜ் பண்ணா ஒரு வருஷம் Jio சிம் Free-ஆ? வைரல் வீடியோ உண்மையா?

Jio Recharge Trick : வெறும் 44 ரூபாய்க்கு ஒரு வருஷம் முழுக்க ஜியோ சிம்மை ஆக்டிவாக வைத்திருக்க முடியும் என ஒரு வீடியோ வைரலாகி வருகிறது. அந்த செய்தி உண்மையா, பொய்யா என்பதை இங்கே பார்க்கலாம்.

இரண்டாவது சிம்

இந்த விலைவாசி உயர்வில் பணத்தை மிச்சப்படுத்துவது எப்படி என சோஷியல் மீடியாவில் பல வீடியோக்கள் வருகின்றன. நம்மில் பலர் இரண்டு சிம் கார்டுகள் பயன்படுத்துகிறோம். இரண்டாவது சிம்மை அவ்வளவாக பயன்படுத்தாவிட்டாலும், அதற்கும் அதிக விலை கொடுத்து ரீசார்ஜ் செய்ய வேண்டியுள்ளது.

விரல் வீடியோ

கடந்த சில நாட்களாக, வெறும் 44 ரூபாயில் ரிலையன்ஸ் ஜியோ சிம்மை ஒரு வருடம் முழுவதும் ஆக்டிவாக வைத்திருக்கலாம் என்ற செய்தி அடங்கிய வீடியோ ஒன்று வைரலாகி வருகிறது. இந்த ரூ.44 ரீசார்ஜ் பற்றிய உண்மையான நிலவரம் என்ன என்பதை இந்த தொகுப்பில் விரிவாகப் பார்ப்போம்.

ரூ.44 பிளான்?

ஒரு குறிப்பிட்ட காலத்திற்குள் பேசிக் பிளானை ரீசார்ஜ் செய்யவில்லை என்றால், டெலிகாம் நிறுவனங்கள் சிம்மை செயலிழக்கச் செய்துவிடும். அப்படி செயலிழந்த எண், வேறு ஒருவருக்கு ஒதுக்கப்படவும் வாய்ப்புள்ளது. அதனால் சிம்மை ஆக்டிவாக வைத்திருப்பது கட்டாயம். இன்டர்நெட் பயன்படுத்தாவிட்டாலும், டேட்டா உள்ள பிளானை ரீசார்ஜ் செய்ய வேண்டியுள்ளது. இந்த வைரல் ரூ.44 பிளான் என்னவென்று பார்ப்போம்.

ஜியோவின் ரூ.11 பிளான்

ஜியோ நிறுவனம் கூடுதல் டேட்டாவைப் பெற ரூ.11-க்கு ஒரு பிளானை வழங்குகிறது. இந்த பிளானை ஆக்டிவேட் செய்தால், அடுத்த மூன்று மாதங்களுக்கு சிம் ஆக்டிவாக இருக்கும். இப்படி ஒரு வருடத்தில் நான்கு முறை ரீசார்ஜ் செய்தால், உங்கள் சிம் ஆக்டிவாகவே இருக்கும் என்று ஒரு செய்தி சோஷியல் மீடியாவில் பரவுகிறது.

பொய் செய்தி

உங்கள் சிம்மை ஆக்டிவாக வைத்திருக்க வேண்டும் என்றால், நீங்கள் ஒரு பேசிக் பிளானை ரீசார்ஜ் செய்திருக்க வேண்டும். அந்த ரூ.11 டேட்டா பிளான் வேலை செய்ய வேண்டும் என்றாலும், உங்கள் எண்ணில் ஒரு ஆக்டிவ் பேசிக் பிளான் இருக்க வேண்டும். வெறும் டேட்டா பிளானை மட்டும் வைத்து சிம்மை ஆக்டிவாக வைத்திருக்க முடியாது. எனவே, இந்த வைரல் செய்தி முற்றிலும் பொய் என்பது உறுதியாகிறது.