7600mAh பிரம்மாண்ட பேட்டரி, பேப்பர் போல மெலிசு! இந்தியாவில் மாஸ் என்ட்ரி கொடுத்த iQOO 15R!

iQOO 15R இந்தியாவில் 7600mAh பிரம்மாண்ட பேட்டரி மற்றும் 144Hz AMOLED டிஸ்ப்ளேவுடன் களமிறங்கியுள்ளது புதிய iQOO 15R ஸ்மார்ட்போன். இதன் முழு சிறப்பம்சங்கள் மற்றும் விலை விவரங்கள் இதோ.

iQOO 15R

ஸ்மார்ட்போன் சந்தையில் தனது அசுர வேக பெர்ஃபார்மன்ஸ் மூலம் வாடிக்கையாளர்களைத் தொடர்ந்து கவர்ந்து வரும் iQOO நிறுவனம், தற்போது இந்தியாவில் புதிய 'iQOO 15R' ஸ்மார்ட்போனை அதிரடியாக அறிமுகம் செய்துள்ளது. கேமிங் பிரியர்களையும், அதீத பேட்டரி பேக்கப் தேடுபவர்களையும் குறிவைத்து இந்த போன் களமிறக்கப்பட்டுள்ளது.

சமீபத்தில் நடைபெற்ற இதன் அறிமுக விழாவில், இந்த போனின் சிறப்பம்சங்கள் அனைவரையும் பிரம்மிக்க வைக்கும் வகையில் அமைந்திருந்தன. குறிப்பாக, 7600mAh பிரம்மாண்ட பேட்டரியைக் கொண்டிருந்தாலும், இந்த போன் வெறும் 7.90mm தடிமன் (Thickness) மட்டுமே கொண்டது என்பது இதன் மிகப்பெரிய ஹைலைட் ஆகும்.

டிஸ்ப்ளே மற்றும் பெர்ஃபார்மன்ஸ் எப்படி?

iQOO 15R ஸ்மார்ட்போனில் 144Hz ரெஃப்ரெஷ் ரேட் உடன் கூடிய 1.5K AMOLED டிஸ்ப்ளே வழங்கப்பட்டுள்ளது. இதில் 5,000 நிட்ஸ் (nits) பீக் பிரைட்னஸ் மற்றும் HDR10+ சப்போர்ட் இருப்பதால், திரைப்படங்கள் பார்ப்பதற்கும் கேம் விளையாடுவதற்கும் காட்சி அனுபவம் மிகச் சிறப்பாக இருக்கும். மேலும், இரவு நேரங்களில் கண்களுக்கு பாதிப்பு ஏற்படாமல் இருக்க பிரத்யேக 'EyeCare' தொழில்நுட்பமும் இதில் இடம்பெற்றுள்ளது.

செயல்திறனைப் பொறுத்தவரை, இது தனது பிரிவில் (Segment) மிகவும் வேகமான ஸ்மார்ட்போன் என நிறுவனம் பெருமையுடன் கூறியுள்ளது. அன்டுடு (AnTuTu) பெஞ்ச்மார்க் டெஸ்ட்டில் இது 35 லட்சத்துக்கும் அதிகமான (3.5 Million) புள்ளிகளைப் பெற்று சாதனை படைத்துள்ளது. மேலும், இந்த போனுக்கு தொடர்ந்து 4 வருடங்களுக்கு ஆண்ட்ராய்டு அப்டேட்கள் (Android Updates) வழங்கப்படும் என உறுதியளிக்கப்பட்டுள்ளது.

கனெக்டிவிட்டி மற்றும் கேமிங் அம்சங்கள்

இந்த போனில் 'Remote PC' என்ற ஒரு சிறப்பு அம்சம் உள்ளது. இதன் மூலம் லேப்டாப், கம்ப்யூட்டர், டிவி போன்ற சாதனங்களை நாம் ரிமோட் மூலம் கனெக்ட் செய்து பயன்படுத்தலாம்.

மேலும், இது கேமர்களுக்கான (Gamers) ஒரு சிறந்த போனாக நிலைநிறுத்தப்பட்டுள்ளது. 1.5K Super Resolution தொழில்நுட்பம் இருப்பதால், கேமிங் கிராபிக்ஸ் மிகத் தெளிவாக இருக்கும். இதைத் தவிர, ஆப்பிள் ஐபோன்கள் (iOS) மற்றும் பிற ஆண்ட்ராய்டு சாதனங்களுக்கு மிக எளிதாக ஃபைல்களை (Files) பரிமாற்றம் செய்ய 'One-Touch Transfer' அம்சமும் இதில் கொடுக்கப்பட்டுள்ளது.

விலை மற்றும் அதிரடி சலுகைகள்:

iQOO 15R இந்தியாவில் மூன்று வேரியண்ட்களில் விற்பனைக்கு வந்துள்ளது:

• 8GB RAM + 256GB ஸ்டோரேஜ் – ரூ. 44,999

• 12GB RAM + 256GB ஸ்டோரேஜ் – ரூ. 47,999

• 12GB RAM + 512GB ஸ்டோரேஜ் – ரூ. 52,999

வங்கி சலுகைகள் (Bank Offers):

HDFC அல்லது Axis வங்கி கார்டுகளை பயன்படுத்தி இந்த போனை வாங்குபவர்களுக்கு உடனடியாக ரூ.4,000 தள்ளுபடி கிடைக்கும். இதன்படி, இந்த போனின் ஆரம்ப விலை ரூ.40,999 ஆக குறைகிறது.

மேலும், மாதம் ரூ.6,833-ல் தொடங்கும் வட்டியில்லா தவணை (No-cost EMI) வசதியும் உள்ளது. இன்று மதியம் 1 மணி முதல் இதற்கான முன்பதிவுகள் தொடங்குகின்றன. இந்த போனை முன்கூட்டியே முன்பதிவு (Pre-book) செய்யும் வாடிக்கையாளர்களுக்கு ரூ.1,899 மதிப்பிலான iQOO/Vivo TWS இயர்பட்ஸ் முற்றிலும் இலவசமாக வழங்கப்படும் என நிறுவனம் அறிவித்துள்ளது!