பழைய போட்டோக்கள் மங்கிப்போய்விட்டதா? கவலையை விடுங்க! Google-ன் 'Nano Banana' AI இருக்கே! நொடியில் புதுசு போல மாற்றலாம்!

Google Nano Banana உங்கள் பழைய, கிழிந்த புகைப்படங்களை Google Gemini-ன் 'Nano Banana' AI மூலம் நொடியில் சரிசெய்யலாம். கருப்பு வெள்ளை படங்களை கலராக மாற்றுவது எப்படி? முழு விவரம் உள்ளே.

restore photo Google-ன் 'Nano Banana' AI இருக்கே! நொடியில் புதுசு போல மாற்றலாம்!

நமது தாத்தா, பாட்டி காலத்து கருப்பு வெள்ளை புகைப்படங்கள் அல்லது நம்முடைய சிறுவயது போட்டோக்கள் காலப்போக்கில் நிறம் மங்கியோ, கிழிந்தோ போயிருக்கலாம். அவற்றை மீண்டும் புதுப்பொலிவுடன் மாற்ற வேண்டுமா? போட்டோஷாப் தெரிய வேண்டிய அவசியமில்லை. கூகுளின் புதிய 'Nano Banana' (Gemini AI) வசதி மூலம் இதை எப்படிச் சுலபமாகச் செய்வது என்று பார்ப்போம்.

கூகுள் ஜெமினி

பழைய நினைவுகளைப் போற்றிப் பாதுகாப்பது ஒரு கலை. ஆனால், அச்சுப் படங்கள் காலப்போக்கில் சேதமடைவது இயற்கை. "ஐயோ, இந்த போட்டோ போச்சே!" என்று வருத்தப்படுபவர்களுக்கு ஒரு குட் நியூஸ். கூகுள் ஜெமினியில் புதிதாக இணைக்கப்பட்டுள்ள 'Nano Banana' என்ற ஏஐ மாடல், பழைய புகைப்படங்களுக்கு உயிர் கொடுக்கிறது. இது சேதமடைந்த படங்களைச் சரிசெய்வது மட்டுமின்றி, கருப்பு வெள்ளைப் படங்களை வண்ணமயமாகவும் மாற்றுகிறது.

Nano Banana என்றால் என்ன?

'Nano Banana' என்பது கூகுள் ஜெமினியின் (Gemini 2.5 Flash Image Model) ஒரு மேம்படுத்தப்பட்ட இமேஜ் எடிட்டிங் மாடல் ஆகும். இது புகைப்படங்களில் உள்ள குறைபாடுகளைத் துல்லியமாகக் கண்டறிந்து, அவற்றைச் செயற்கை நுண்ணறிவு மூலம் சரிசெய்கிறது. கிழிந்த ஓரங்களைச் சேர்ப்பது, முகத்தில் உள்ள கீறல்களை நீக்குவது, மங்கிய நிறத்தை மீட்டெடுப்பது என அனைத்தையும் இது செய்கிறது.

எப்படிப் பயன்படுத்துவது?

இதை உபயோகிப்பது மிகவும் எளிது. கீழே உள்ள படிகளைப் பின்பற்றுங்கள்:

1. முதலில் Google Gemini செயலி அல்லது இணையதளத்திற்குச் செல்லவும்.

2. கேமரா ஐகானைக் கிளிக் செய்து, உங்கள் பழைய புகைப்படத்தை அப்லோட் செய்யவும் (அல்லது போட்டோ எடுக்கவும்).

3. கீழே உள்ள 'Prompt' பாக்ஸில் கட்டளைகளை டைப் செய்யவும்.

என்ன டைப் செய்ய வேண்டும்?

சரியான முடிவுகளைப் பெற, சரியான கட்டளைகளைக் கொடுப்பது அவசியம்.

• படம் தெளிவாகத் தெரிய: "Restore this old photo, remove scratches and improve clarity." (இந்த பழைய படத்தை சரிசெய்து, கீறல்களை நீக்கித் தெளிவாக்கு).

• வண்ணமயமாக மாற்ற: "Colorize this black and white photo with natural skin tones." (இந்தக் கருப்பு வெள்ளை படத்தை இயற்கையான நிறங்களுடன் கலர் படமாக மாற்று).

• முகம் தெளிவாகத் தெரிய: "Enhance the face details and fix the blur." (முகத்தை இன்னும் தெளிவாகக் காட்டு).

ஏன் இது சிறந்தது?

மற்ற எடிட்டிங் ஆப்களைப் போல இது செயற்கையாகத் தெரியாது. 'Nano Banana' மாடல், அந்தக்காலச் சூழலைப் புரிந்துகொண்டு, மிகவும் எதார்த்தமான (Realistic) மாற்றங்களைச் செய்கிறது. குறிப்பாக, முகத்தின் ஜாடை மாறாமல் துல்லியமாக மீட்டெடுப்பது இதன் சிறப்பு.

இனி உங்கள் ஆல்பத்தில் உள்ள பழைய போட்டோக்களைத் தூசு தட்டி எடுங்கள். 'Nano Banana' மூலம் உங்கள் நினைவுகளைப் புதுப்பித்துக்கொள்ளுங்கள்!