ஒரே கிளிக்கில் விடை! கூகுள் AI-ல் புகுத்தப்பட்ட புதிய சக்தி - என்னனு தெரிஞ்சா ஆச்சரியப்படுவீங்க!

Google AI கூகுள் தனது தேடுபொறியில் ஜெமினி 3 மாடலை இணைத்து, AI ஓவர்வியூஸ் மற்றும் AI மோடை மேம்படுத்தியுள்ளது. இனி தேடல் அனுபவம் இன்னும் சிறப்பாக இருக்கும்.

Google AI

கூகுள் நிறுவனம் தனது தேடுபொறியில் (Search Engine) செயற்கை நுண்ணறிவு (AI) வசதிகளை மேலும் மேம்படுத்தியுள்ளது. குறிப்பாக, 'AI ஓவர்வியூஸ்' (AI Overviews) மற்றும் 'AI மோடு' (AI Mode) ஆகிய இரண்டிலும் கூகுளின் அதிநவீன 'ஜெமினி 3' (Gemini 3) மாடல் இணைக்கப்பட்டுள்ளது. இதன் மூலம் பயனர்களுக்குத் தேவையான தகவல்கள் முன்பை விட மிக வேகமாகவும், துல்லியமாகவும் கிடைக்கும் என்று கூகுள் தெரிவித்துள்ளது.

ஜெமினி 3 மாடலின் சிறப்பு

இதற்கு முன்பு வரை, 'AI மோடு' மட்டுமே ஜெமினி 3 மாடலில் இயங்கி வந்தது. 'AI ஓவர்வியூஸ்' பழைய தொழில்நுட்பத்தைப் பயன்படுத்தியது. இப்போது இவை இரண்டுமே ஒரே மாதிரியான ஜெமினி 3 தொழில்நுட்பத்தின் கீழ் கொண்டுவரப்பட்டுள்ளன. இதனால், நீங்கள் ஒரு விஷயத்தைத் தேடும்போது கிடைக்கும் சுருக்கமான தகவலோ (Summary) அல்லது விரிவான பதில்களோ (Detailed Answers), எதுவாக இருந்தாலும் மிகத் தரமாக இருக்கும். கூகுளின் இந்த மாற்றம், தேடலின் துல்லியத்தையும், பகுத்தறியும் திறனையும் அதிகரிக்கும்.

எளிதான பயன்பாட்டு முறை

முன்பெல்லாம், 'AI ஓவர்வியூ' பார்த்த பிறகு, மேலும் விவரங்கள் வேண்டுமானால் தனியாக 'AI மோடு' பகுதிக்குச் செல்ல வேண்டும். இது பயனர்களுக்குச் சற்று சிரமமாக இருந்தது. ஆனால், புதிய அப்டேட்டின் படி, 'AI ஓவர்வியூ' பகுதியிலேயே "Show More" என்ற ஆப்ஷன் இருக்கும். இதை கிளிக் செய்தவுடன் கீழே ஒரு 'டெக்ஸ்ட் பாக்ஸ்' (Text Box) தோன்றும். அதில் உங்கள் அடுத்த கேள்வியைக் கேட்டாலே போதும், உடனடியாக 'AI மோடு'க்கு மாறி விரிவான பதிலைப் பெறலாம்.

எப்போது கிடைக்கும்?

இந்த புதிய வசதிகள் உலகம் முழுவதும் உள்ள கூகுள் பயனர்களுக்குப் படிப்படியாக வழங்கப்பட்டு வருகின்றன. இந்தியாவிலும் இன்னும் சில நாட்களில் இந்த அப்டேட் அனைத்துப் பயனர்களுக்கும் கிடைக்கும் என்று எதிர்பார்க்கப்படுகிறது. சமீபத்தில்தான் கூகுள் தனது தேடுபொறியில் 'பர்சனல் இன்டெலிஜென்ஸ்' (Personal Intelligence) வசதிகளைச் சேர்த்தது குறிப்பிடத்தக்கது. இதன் மூலம் பயனர்களின் விருப்பத்திற்கு ஏற்ப தேடல் முடிவுகளை வழங்குவதில் கூகுள் மும்முரமாக உள்ளது.