கூகிள்-இன் மெகா தீபாவளி பரிசு! 2TB கிளவுட் ஸ்டோரேஜ் வெறும் ₹11-க்கே... சும்மா அசால்ட்டா டீல் பண்ணுங்க!

Google One Plan Google-இன் அதிரடி தீபாவளி ஆஃபர்! Google One-ன் 2TB வரையிலான ஸ்டோரேஜ் திட்டத்தை முதல் 3 மாதங்களுக்கு மாதம் ₹11-க்கே பெறலாம். ஆஃபர் அக்டோபர் 31 உடன் முடிவடைகிறது!

Google One அதிர்ச்சி ஆஃபர்: Google One ஸ்டோரேஜ் வெறும் ₹11-க்கு!

தீபாவளி பண்டிகையை முன்னிட்டு, Google நிறுவனம் அதன் Google One கிளவுட் ஸ்டோரேஜ் (Cloud Storage) சந்தா திட்டங்களின் விலையை அதிரடியாகக் குறைத்து சிறப்பு சலுகையை அறிவித்துள்ளது. இதன் மூலம், Google One சந்தாதாரர்கள் 2TB வரையிலான கிளவுட் ஸ்டோரேஜை, ஒரு மாதத்திற்கு வெறும் ₹11 என்ற சிறப்பு விலையில் பெறும் வாய்ப்பு கிடைத்துள்ளது. Google Drive, Google Photos மற்றும் பல்வேறு AI நன்மைகளுக்கான அணுகலுடன் வரும் இந்தச் சலுகை, Google-இன் அனைத்து ஸ்டோரேஜ் திட்டங்களுக்கும் பொருந்தும்.

சலுகை காலக்கெடு மற்றும் விவரங்கள்:

இந்தத் தீபாவளி சிறப்புச் சலுகை விரைவில் காலாவதியாகிவிடும் என்பதால், பயனர்கள் அக்டோபர் 31-ஆம் தேதிக்கு முன் இதை பயன்படுத்திக்கொள்ள வேண்டும். இந்த குறிப்பிட்ட கால சலுகையின் கீழ், நீங்கள் தேர்வு செய்யும் 30GB முதல் 2TB வரையிலான எந்தவொரு கிளவுட் ஸ்டோரேஜ் திட்டமாக இருந்தாலும், முதல் மூன்று மாதங்களுக்கு மாதம் ₹11 மட்டுமே செலுத்தினால் போதும். அதாவது, முதல் 90 நாட்களுக்கு நீங்கள் மொத்தம் ₹33 மட்டுமே செலுத்த வேண்டி வரும். மூன்று மாதங்களுக்குப் பிறகு, நீங்கள் தேர்ந்தெடுத்த திட்டத்திற்கான வழக்கமான மாத விலை நடைமுறைக்கு வரும்.

வழக்கமான விலைப் பட்டியல் (Regular Pricing):

Google One, பயனர்களின் ஸ்டோரேஜ் தேவைகளுக்கு ஏற்ப பல அடுக்கு திட்டங்களை வழங்குகிறது. மாதாந்திர செலவுகள் மாறுபட்டாலும், ஆண்டுச் சந்தாவாகச் செலுத்தும்போது அனைத்து திட்டங்களிலும் கணிசமான தள்ளுபடி (37% வரை சேமிப்பு) கிடைக்கிறது.

Google One-இன் வழக்கமான திட்டங்களின் விலை விவரங்கள் இங்கே கொடுக்கப்பட்டுள்ளன: லைட் (Lite) திட்டத்தின் கீழ் 30GB ஸ்டோரேஜ் மாதத்திற்கு ரூ.59 என்ற விலையிலும், ஆண்டிற்கு ரூ.780 என்ற விலையிலும் கிடைக்கிறது; பேசிக் (Basic) திட்டத்தில் 100GB ஸ்டோரேஜ் மாதத்திற்கு ரூ.130 மற்றும் ஆண்டிற்கு ரூ.1,560 என்ற விலையிலும், ஸ்டாண்டர்டு (Standard) திட்டத்தில் 200GB ஸ்டோரேஜ் மாதத்திற்கு ரூ.210 மற்றும் ஆண்டிற்கு ரூ.2,520 என்ற விலையிலும், இறுதியாக, பிரீமியம் (Premium) திட்டத்தில் 2TB ஸ்டோரேஜ் மாதத்திற்கு ரூ.650 மற்றும் ஆண்டிற்கு ரூ.7,800 என்ற விலையிலும் கிடைக்கிறது.

இந்தக் குறைந்த விலை Google One சந்தாவைப் பெற

கீழே உள்ள எளிய வழிமுறைகளைப் பின்பற்றவும்:

1. உங்கள் சாதனத்தில் Google One அப்ளிகேஷனை திறக்கவும்.

2. உங்களது Gmail கணக்கில் உள்நுழையவும்.

3. மேல் இடது மூலையில் உள்ள பர்கர் மெனுவை (மூன்று கிடைமட்ட கோடுகள்) டாப் செய்யவும்.

4. Membership Plans (உறுப்பினர் திட்டங்கள்) என்ற விருப்பத்திற்குச் செல்லவும்.

5. நீங்கள் விரும்பும் ஸ்டோரேஜ் திட்டத்தைத் தேர்ந்தெடுத்து, அதில் உள்ள "Get Discount" (தள்ளுபடி பெறு) பட்டனை டாப் செய்யவும்.

6. பணப்பரிவர்த்தனையை நிறைவு செய்ய, உங்கள் கட்டண முறையை (Payment Method) உறுதிப்படுத்த Google கேட்கும்.

7. இறுதியாக, "Subscribe" (சந்தா செலுத்து) பட்டனை அழுத்தினால் உங்கள் Google One திட்டம் ஆக்டிவேட் ஆகிவிடும்.

இந்த அறிய வாய்ப்பைத் தவற விடாமல், குறைந்த விலையில் அதிக கிளவுட் ஸ்டோரேஜைப் பெற்று பயனடையுங்கள்.