Water Cutting : தண்ணியால இரும்பை வெட்ட முடியுமா? எப்படினு தெரிஞ்சா ஆச்சரியப்படுவீங்க!

Water Cutting : மிகவும் வலிமையான இரும்பைக் கூட, அதிக அழுத்தத்துடன் அதிவேகமாகப் பாயும் தண்ணீரைப் (Water Jet) பயன்படுத்தி எளிதாகத் துண்டாக்க முடியும் என்பது ஆச்சரியமான அறிவியல் உண்மை!

நீர் மூலம் இரும்பு வெட்டுதல்

தண்ணீரால் இரும்பை வெட்ட முடியுமா என்றால் முடியாது என்றே பலரும் நினைப்போம். ஆனால், 'வாட்டர்ஜெட் கட்டிங்' (Waterjet Cutting) என்ற நவீன தொழில்நுட்பம் மூலம் இது சாத்தியமே. அதிக அழுத்தத்துடன் அதிவேகமாகச் செலுத்தப்படும் நீரைப் பயன்படுத்தி, இரும்பு மற்றும் ஸ்டீல் போன்ற கடினமான உலோகங்களைக் கூட மிகத் துல்லியமாக வெட்ட முடியும். தொழிற்சாலைகளில் உலோக வேலைப்பாடுகளுக்கு இந்தத் தொழில்நுட்பம் பரவலாகப் பயன்படுத்தப்படுகிறது.

இதையும் படிங்க : EPF : மாதம் ரூ.10,750 EPF-ல் போட்டால் 25 ஆண்டுகளில் ரூ.1 கோடி! ஆனால் இந்த ஒரு தவறு செய்தால் பெரிய இழப்பு!

வாட்டர்ஜெட் கட்டிங் செயல்முறை விளக்கம்

வாட்டர்ஜெட் கட்டிங் முறையில், தண்ணீரை மிக அதிக அழுத்தத்திற்கு உட்படுத்தி, ஒரு சிறிய முனை வழியாக அதிவேகத்தில் வெளியேற்றுவார்கள். இந்த அதிவேக நீரோட்டம் உலோகத்தின் மீது பாயும்போது, அதன் மேற்பரப்புத் துகள்களை அரித்துத் துண்டாக்குகிறது. கடினமான இரும்பு அல்லது ஸ்டீலை வெட்டும்போது, நீருடன் 'கார்னெட்' போன்ற நுண்ணிய மணல் துகள்களையும் சேர்ப்பார்கள். இதனால் உராய்வுத் திறன் அதிகரித்து, வெட்டும் பணி மிகவும் வேகமாகவும் துல்லியமாகவும் நடைபெறுகிறது. வெப்பம் ஏதுமின்றி உலோகங்களை வெட்ட இது உதவுகிறது.

இதையும் படிங்க : Suitcase : வெளியூர் கிளம்பும்போது சூட்கேஸ் சக்கரத்தில் டேப் ஒட்டுங்க! இதுக்கு பின்னாடி இப்படியொரு காரணமா?

வாட்டர்ஜெட் கட்டிங் தொழில்நுட்ப ரகசியங்கள்

தண்ணீரால் இரும்பை வெட்டலாம் என்பதால் இதை வீட்டில் யாரும் முயற்சி செய்ய வேண்டாம். சாதாரண குழாய் நீரால் இதைச் செய்ய முடியாது; மிக அதிக அழுத்தம், வேகம் மற்றும் பிரத்யேக முனைகள் கொண்ட இயந்திரம் தேவை. மற்ற இயந்திரங்களைக் கொண்டு வெட்டும்போது அதிக வெப்பம் உருவாகும். ஆனால், இதில் தண்ணீர் குளிர்ச்சியைத் தருவதால் வெப்பத் தாக்கம் மிகக் குறைவாகவே இருக்கும்.

ஆட்டோமொபைல், விமான பாகங்கள் மற்றும் கனரக இயந்திரங்கள் தயாரிக்கும் தொழிற்சாலைகளில் உலோகங்களைத் துல்லியமாக வெட்ட இந்த நவீன தொழில்நுட்பம் பெரிதும் உதவுகிறது.

இதையும் படிங்க : Rahu-Ketu Transit : ராகு-கேது பெயர்ச்சியில் உருவாகும் துர்க்கையின் அருள்! 4 ராசிகளுக்கு பொன்னும் பொருளும் குவியும்!