இந்தியாவில் ஜியோ, ஏர்டெல், வோடோபோன் ஐடியா போன்ற தனியார் நிறுவனங்களும், அரசின் பிஎஸ்என்எல் நிறுவனமும் தொலைத்தொடர்பு சேவையை வழங்கி வருகின்றன. இதில் ஜியோ மற்றும் ஏர்டெல் ஆகியவை இந்தத் துறையில் இந்தியாவின் இரண்டு பெரிய தொலைத்தொடர்பு நிறுவனங்களாக உள்ளன. வோடோபோன் அதற்கு அடுத்து உள்ளது. பிஎஸ்என்எல் நிறுவனத்தை பொறுத்தவரை தனியார் நிறுவனங்களை போல் அல்லாமல் மலிவு விலையில் திட்டங்களை செயல்படுத்தி வருகிறது.
24
பிஎஸ்என்எல் 1.5 ஜிபி டேட்டா பிளான்
மேற்கண்ட இந்த 4 நிறுவனங்களில் தினமும் 1.5 ஜிபி டேட்டா வழங்கும் திட்டங்களில் பட்ஜெட் விலையில் முன்னணியில் நிற்பது யார்? என்பது குறித்து பார்ப்போம். பிஎஸ்என்எல் நிறுவனம் 30 நாட்களுக்கு தினமும் 1.5GB டேட்டாவுடன் ரூ.141 திட்டத்தை வழங்குகிறது. இதில் அன்லிமிடெட் கால்ஸ் மற்றும் 200 எஸ்எம்எஸ் ஆகியவை அடங்கும். இந்தியாவில் இப்போதைய 1.5ஜிபி மலிவான ரீசார்ஜ் திட்டம் இதுவாகும். குறைந்த விலையில் அடிப்படை இணையத்தை விரும்பும் பயனர்களுக்கு இது மிகவும் பொருத்தமானது.
34
ஜியோ பிளான் எப்படி?
ரிலையன்ஸ் ஜியோ ரூ.299 திட்டத்தை 28 நாட்களுக்கு ஒரு நாளைக்கு 1.5 ஜிபி டேட்டாவுடன் வழங்குகிறது. இதில் அன்லிமிடெட் கால்ஸ், எஸ்எம்எஸ் மற்றும் ஜியோ பயன்பாடுகளுக்கான அணுகல் ஆகியவை அடங்கும். வீடியோ அழைப்புகள், ஆன்லைன் வகுப்புகள் மற்றும் சமூக ஊடகங்கள் போன்ற அன்றாட பணிகளுக்கு நம்பகமான இணையத்தை விரும்பும் பயனர்களுக்கு இந்த திட்டம் சிறந்தது. ஜியோ நெட்வொர்க் அதிவேகம் கொண்டது என்பதால் இது சிறந்த ஒன்றாகும். மேலும் 5ஜி நெட்வொர்க் சேவை உங்களுக்கு கிடைக்கும்.
ஏர்டெல் நிறுவனத்தை பொறுத்தவரை ரூ.349 திட்டத்தில் தினமும் 1.5 ஜிபி டேட்டா மற்றும் அன்லிமிடெட் வசதியை வழங்குகிறது. இதில் OTT சலுகைகளும், சில நகரங்களில் அன்லிமிடெட் 5ஜியும் அடங்கும். வேகமான மற்றும் நிலையான இணையத்தை நம்பியிருக்கும் பயனர்களுக்கு இந்த திட்டம் மிகவும் பொருத்தமானது.
வோடபோன் ஐடியா ரூ.208 விலையில் 30 நாட்களுக்கு ஒரு நாளைக்கு 1.5 ஜிபி வழங்குகிறது. இதில் அன்லிமிடெட் கால்ஸ் கிடையாது. இத பிளான் செயலில் உள்ள அடிப்படை திட்டத்தைக் கொண்ட ஏற்கனவே உள்ள Vi பயனர்களுக்கு மட்டுமே வேலை செய்யும். கூடுதல் தினசரி டேட்டா தேவைப்பட்டால் இது பயனுள்ளதாக இருக்கும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
