பிஎஸ்என்எல் தனது வாடிக்கையாளர்களுக்கு தினசரி 1GB டேட்டா வழங்கும் புதிய மலிவு விலை ரீசார்ஜ் திட்டத்தை அறிமுகப்படுத்தியுள்ளது. தனியார் நிறுவனங்களின் சமீபத்திய விலை உயர்வைத் தொடர்ந்து பயனர்களுக்கு தொடர்ந்து மலிவு விலை ரீசார்ஜ் திட்டங்களை வழங்கி வருகிறது.
பிஎஸ்என்எல் புதிய ரீசார்ஜ் திட்டத்தை அறிமுகப்படுத்துகிறது. இது தினசரி 1ஜிபி டேட்டாவை ரூ.345க்கு வழங்குகிறது. அதும்மட்டுமின்றி மேலும் பல மலிவு விலை ரீசார்ஜ் திட்டங்களை விரிவாக பார்க்கலாம். பிஎஸ்என்எல்லின் புதிய ரீசார்ஜ் திட்டமானது 1GB தினசரி டேட்டாவை 60 நாட்களுக்கு வழங்குகிறது. இது தனியார் தொலைத்தொடர்பு நிறுவனங்களின் விலையுயர்ந்த ரீசார்ஜ் திட்டங்களில் இருந்து சந்தாதாரர்களுக்கு நல்ல பலனளிக்கும். அரசு தொலைத்தொடர்பு நிறுவனமான பிஎஸ்என்எல் தனது வாடிக்கையாளர்களுக்கு புதிய மலிவு விலை ரீசார்ஜ் திட்டத்தை அறிமுகப்படுத்தியுள்ளது. ஜியோ, ஏர்டெல் மற்றும் விஐ போன்ற முக்கிய டெலிகாம் ஆபரேட்டர்கள் தங்கள் மொபைல் கட்டணத்தை சராசரியாக 15 சதவீதம் வரை உயர்த்திய பிறகு இந்த திட்டம் வந்துள்ளது.
தனியார் நிறுவனங்களின் சமீபத்திய விலை உயர்வைத் தொடர்ந்து பயனர்களுக்கு நிவாரணம் வழங்குவதை நோக்கமாகக் கொண்டு புதிதாக அறிமுகப்படுத்தப்பட்ட திட்டம். பிஎஸ்என்எல் நிறுவனத்தின் புதிய திட்டமானது 400 ரூபாய்க்கும் குறைவான விலை மற்றும் நீண்ட செல்லுபடியாகும், இலவச அழைப்பு, டேட்டா மற்றும் எஸ்எம்எஸ் ஆகியவற்றை வழங்குகிறது. நீங்கள் தெரிந்து கொள்ள வேண்டிய அனைத்து விவரங்களும் இங்கே பார்க்கலாம். பிஎஸ்என்எல் ரூ.345 ப்ரீபெய்ட் ரீசார்ஜ் திட்டம் ஆனது 60 நாட்களுக்கு நீண்ட கால செல்லுபடியாகும், இலவச அழைப்பு மற்றும் ஒரு நாளைக்கு 100 இலவச எஸ்எம்எஸ் ஆகியவற்றை வழங்குகிறது. கூடுதலாக, பயனர்கள் தினசரி 1 ஜிபி டேட்டாவைப் பெறுவார்கள். அதன் பிறகு வேகம் 40 கேபிபிஎஸ் ஆக குறைக்கப்படும்.
அதேபோல பிஎஸ்என்எல் ரூ 347 திட்டம் 54 நாட்கள் வேலிடிட்டியுடன் வருகிறது. டேட்டாவைப் பற்றி பேசினால், இந்த திட்டத்தில் பயனர்கள் தினமும் 2 ஜிபி டேட்டாவைப் பெறுகிறார்கள். தினசரி டேட்டா வரம்பு முடிந்ததும், பயனருக்கு 40kbps இணைய வேகம் வழங்கப்படும். பிஎஸ்என்எல்லின் இந்த திட்டத்தில், வரம்பற்ற அழைப்புடன், தினமும் 100 SMS வசதியும் வழங்கப்படுகிறது. இது தவிர, ஜிங் மியூசிக் மற்றும் பிஎஸ்என்எல் ட்யூன்களுக்கான இலவச அணுகலும் திட்டத்தில் கொடுக்கப்பட்டுள்ளது. பிஎஸ்என்எல் ரூ 397 திட்டம் 150 நாட்கள் வேலிடிட்டியுடன் வருகிறது. டேட்டாவைப் பற்றி பேசுகையில், இந்த திட்டத்தில், பயனர்கள் தினமும் 2 ஜிபி டேட்டாவைப் பெறுகிறார்கள். தினசரி டேட்டா வரம்பு முடிந்ததும், பயனருக்கு 40kbps இணைய வேகம் வழங்கப்படும். பிஎஸ்என்எல்லின் இந்த திட்டத்தில், வரம்பற்ற அழைப்புடன், தினமும் 100 எஸ்எம்எஸ் வசதியும் வழங்கப்படுகிறது.
ஆனால் 150 நாட்கள் வேலிடிட்டி கொண்ட இந்த திட்டத்தில் இந்த இலவச சேவை முதல் 30 நாட்களுக்கு மட்டுமே செயல்படும். 30 நாட்களுக்குப் பிறகு, பயனர் உள்ளூர் அழைப்புகளுக்கு நிமிடத்திற்கு ரூ.1 மற்றும் எஸ்டிடி அழைப்புகளுக்கு நிமிடத்திற்கு ரூ.1.3 செலவிட வேண்டும். குறைந்த விலையில் தங்கள் எண்ணை நீண்ட காலத்திற்கு செயலில் வைத்திருக்க விரும்பும் பயனர்களுக்கு இந்த திட்டம் சிறந்தது. பிஎஸ்என்எல் வழங்கும் இந்த பட்ஜெட்டுக்கு ஏற்ற சலுகை, ஜியோ, ஏர்டெல் மற்றும் விஐ போன்ற தனியார் தொலைத்தொடர்பு நிறுவனங்களுக்கு சவாலாக இருக்கலாம், ஏனெனில் வேறு எந்த நிறுவனமும் தற்போது இதுபோன்ற மலிவு விலை ரீசார்ஜ் திட்டத்தை வழங்கவில்லை. பிஎஸ்என்எல்-ன் போட்டி விலை நிர்ணயம் அதிகரித்து வரும் பயனர்களை ஈர்த்து வருகிறது.
அதன் பயனர் தளத்தை பராமரிக்க நிறுவனம் தொடர்ந்து புதிய செலவு குறைந்த திட்டங்களை அறிமுகப்படுத்த தூண்டுகிறது. இதன் விளைவாக, ட்ராயின் சமீபத்திய தரவுகளின்படி, அரசாங்கத்திற்குச் சொந்தமான பிஎஸ்என்எல் ஜூலை 2024 இல் குறிப்பிடத்தக்க 29.4 லட்சம் புதிய சந்தாதாரர்களைப் பெற்றது, அதே நேரத்தில் Jio, Airtel மற்றும் Vi போன்ற தனியார் நிறுவனங்கள் அதிக எண்ணிக்கையிலான சந்தாதாரர்களை இழந்தன. ஜியோ 7,50,000 பயனர்களையும், ஏர்டெல் 16.9 லட்சம் பயனர்களையும், Vi 14.1 லட்சம் பயனர்களையும் இழந்தது. இது அவர்களின் வாடிக்கையாளர் எண்ணிக்கை முறையே 47.576 கோடி, 38.732 கோடி மற்றும் 21.588 கோடியாகக் குறைந்தது. மறுபுறம், பிஎஸ்என்எல் 29.3 கோடி வாடிக்கையாளர்களைப் பெற்றுள்ளது, அதன் மொபைல் பயனர் எண்ணிக்கை 8.851 கோடியாக அதிகரித்துள்ளது.