Alibaba ஈ-காமர்ஸ் கிங் அலிபாபாவின் அதிரடி! ஷாப்பிங் செய்ய உதவும் 'ஸ்மார்ட் கிளாஸ்' அறிமுகம்!
ஆன்லைன் ஷாப்பிங் உலகின் ஜாம்பவானான அலிபாபா (Alibaba), தற்போது ஹார்டுவேர் (Hardware) சந்தையிலும் ஒரு கலக்கு கலக்க முடிவு செய்துள்ளது. சீனாவில் தனது முதல் நுகர்வோர் AI தயாரிப்பான 'Quark AI Smart Glasses'-ஐ அறிமுகப்படுத்தியுள்ளது. பார்ப்பதற்குச் சாதாரண கறுப்பு நிற ஃபிரேம் கண்ணாடி போலவே இருந்தாலும், இதில் இருக்கும் தொழில்நுட்பம் மெட்டா (Meta) மற்றும் ஆப்பிள் (Apple) நிறுவனங்களுக்குச் சவால் விடும் வகையில் உள்ளது.
26
விலை மற்றும் டிசைன்
ஆப்பிள் விஷன் ப்ரோ போன்ற பெரிய ஹெட்செட்களைப் போல இல்லாமல், இது தினசரி பயன்படுத்தும் சாதாரண மூக்குக் கண்ணாடி போலவே நேர்த்தியாக (Sleek Design) வடிவமைக்கப்பட்டுள்ளது. சீனாவில் இதன் விலை 1,899 யுவான் என்று நிர்ணயிக்கப்பட்டுள்ளது. இது இந்திய மதிப்பில் தோராயமாக ரூ.21,800 ஆகும். நடுத்தர விலையில் ஒரு உயர்தர AI அனுபவத்தைக் கொடுப்பதே அலிபாபாவின் நோக்கம்.
36
Qwen AI - அலிபாபாவின் மூளை!
இந்த ஸ்மார்ட் கிளாஸ் அலிபாபாவின் சொந்தத் தயாரிப்பான 'Qwen AI' மாடலில் இயங்குகிறது.
• மொழிபெயர்ப்பு: நீங்கள் பார்க்கும் வெளிநாட்டு மொழி பலகைகளை உடனுக்குடன் மொழிபெயர்த்துக் காட்டும்.
• வழிசெலுத்தல்: போக வேண்டிய இடத்திற்கான நேவிகேஷன் (Navigation) வசதியை உங்கள் கண் முன்னே கொண்டு வரும்.
• கேள்வி பதில்: நாம் கேட்கும் கேள்விகளுக்கு உடனடிப் பதில்களை அளிக்கும்.
அலிபாபாவின் மிகப்பெரிய பலமே அதன் ஈ-காமர்ஸ் நெட்வொர்க் தான். இந்த கண்ணாடியை அணிந்துகொண்டு ஒரு பொருளைப் பார்த்தால் போதும், அது என்ன பொருள், அதன் விலை என்ன, ஆன்லைனில் எங்கு மலிவாகக் கிடைக்கும் என்ற விவரங்களைக் காட்டும். மேலும், அலிபே (Alipay) மற்றும் டாவ்பாவ் (Taobao) செயலிகளுடன் இது இணைக்கப்பட்டுள்ளதால், குரல் கட்டளை (Voice Command) மூலமாகவே அந்தப் பொருளை வாங்கவும், பணம் செலுத்தவும் முடியும். இதுதான் மற்ற ஸ்மார்ட் கிளாஸ்களில் இல்லாத தனிச்சிறப்பு!
56
போட்டி பலமா இருக்கு!
ஏற்கனவே மெட்டா (ரே-பான்), சியோமி மற்றும் பைடு (Baidu) போன்ற நிறுவனங்கள் ஸ்மார்ட் கிளாஸ் சந்தையில் களமிறங்கியுள்ளன. தற்போது அலிபாபாவின் வருகை இத்துறையில் புதிய போட்டியை உருவாக்கியுள்ளது.
66
உலக சந்தைக்கு எப்போது வரும்?
தற்போது சீனாவில் மட்டுமே அறிமுகமாகியுள்ள இந்த Quark AI ஸ்மார்ட் கிளாஸ், 2026-ம் ஆண்டு உலக அளவில் விற்பனைக்கு வரும் என்று அலிபாபா உறுதிப்படுத்தியுள்ளது. ஆசியா மற்றும் ஐரோப்பிய நாடுகளில் முதலில் இதை வெளியிடத் திட்டமிட்டுள்ளனர்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
