Android கேமரா, பேட்டரியை பார்க்கிறோம்... பாதுகாப்பை கவனிக்கிறோமா?
பொதுவாக நாம் ஒரு புதிய ஸ்மார்ட்போன் வாங்கும்போது அதன் விலை, கேமரா பிக்சல், பேட்டரி திறன் மற்றும் கவர்ச்சிகரமான அம்சங்களைத்தான் முதலில் பார்க்கிறோம். ஆனால், மிக முக்கியமான 'சாஃப்ட்வேர் சப்போர்ட்' (Software Support) பற்றி அனேகம் பேர் கவலைப்படுவதில்லை. சமீபத்திய அறிக்கைகளின்படி, உலகம் முழுவதும் உள்ள ஆண்ட்ராய்டு பயனர்களில் 60% க்கும் அதிகமானோர் பழைய ஆண்ட்ராய்டு வெர்ஷன்களைத்தான் (ஆண்ட்ராய்டு 13 அல்லது அதற்கு முந்தையது) இன்னும் பயன்படுத்தி வருகின்றனர். அதாவது, சுமார் 100 கோடி மக்கள் கூகுளின் புதிய பாதுகாப்பு அப்டேட்கள் கிடைக்காத போன்களைப் பயன்படுத்துகின்றனர். இது அவர்களை எளிதாக சைபர் தாக்குதலுக்கு ஆளாக்கும் அபாயத்தை உருவாக்கியுள்ளது.
25
மாதாந்திர அப்டேட்கள் ஏன் அவசியம்?: ஹேக்கர்களிடம் இருந்து தப்பிக்க ஒரே வழி
ஹேக்கர்கள் உங்கள் போனுக்குள் ஊடுருவ தினமும் புதுப்புது வழிகளைக் கண்டுபிடித்து வருகின்றனர். 'ஜிம்பீரியம் 2025 குளோபல் மொபைல் த்ரெட் ரிப்போர்ட்' (Zimperium's 2025 Global Mobile Threat Report) படி, செக்யூரிட்டி அப்டேட்கள் இல்லாத போன்களில் உள்ள டேட்டாக்களைத் திருடுவது ஹேக்கர்களுக்கு மிகவும் எளிது. உதாரணமாக, டிசம்பர் 2025-ல் மட்டும் ஆண்ட்ராய்டில் உள்ள 107 பாதுகாப்பு குறைபாடுகளைச் சரிசெய்ய கூகுள் அப்டேட்களை வெளியிட்டது. இதில் 40% குறைபாடுகள் மிகவும் ஆபத்தானவை; இவை ஹேக்கர்கள் உங்கள் போனை முழுவதுமாக தங்கள் கட்டுப்பாட்டில் எடுக்க வழிவகுக்கும். ஆனால், பழைய போன்களைப் பயன்படுத்துபவர்களுக்கு இந்தத் பாதுகாப்பு கவசம் கிடைப்பதில்லை.
35
ஆப்பிள் vs ஆண்ட்ராய்டு: பாதுகாப்பில் யார் பெஸ்ட்? ஓர் அதிர்ச்சி ரிப்போர்ட்
பாதுகாப்பு என்று வரும்போது, ஆப்பிள் (Apple) நிறுவனம் ஆண்ட்ராய்டை விட பல மடங்கு முன்னிலையில் உள்ளது. உலகளவில் பயன்பாட்டில் உள்ள ஐபோன்களில் 90% எப்போதும் லேட்டஸ்ட் சாஃப்ட்வேர் மற்றும் செக்யூரிட்டி அப்டேட்களைக் கொண்டுள்ளன. ஆப்பிள் தனது பழைய மாடல் போன்களுக்கும் பல ஆண்டுகளுக்குத் தொடர்ந்து பாதுகாப்பை வழங்குகிறது. ஆனால் ஆண்ட்ராய்டு பயனர்களிடம் இந்த விழிப்புணர்வு குறைவாகவே உள்ளது.
புதிய போன் வாங்கும் முன்: இந்த ஒரு விஷயத்தை மட்டும் மறந்துடாதீங்க!
இனி நீங்கள் புதிய ஆண்ட்ராய்டு போன் வாங்கத் திட்டமிட்டால், வெறும் அழகை மட்டும் பார்க்காதீர்கள். அந்த நிறுவனம் குறைந்தது 3 முதல் 4 ஆண்டுகள் செக்யூரிட்டி அப்டேட்களையும் (Security Updates), 2 ஆண்டுகள் ஆண்ட்ராய்டு ஓஎஸ் அப்டேட்களையும் (OS Upgrades) வழங்குமா என்பதை உறுதி செய்துகொள்ளுங்கள். வங்கிப் பரிவர்த்தனைகள் முதல் தனிப்பட்ட தகவல்கள் வரை அனைத்தும் ஸ்மார்ட்போனில் இருக்கும் இந்த டிஜிட்டல் காலத்தில், பாதுகாப்பு என்பது ஆடம்பரம் அல்ல, அது அத்தியாவசியம்.
55
தப்பிக்க வழிகள்: உங்கள் போனைப் பாதுகாக்க செய்ய வேண்டியவை
இந்த ஆபத்திலிருந்து தப்பிக்க நிபுணர்கள் சில எளிய வழிகளைப் பரிந்துரைக்கின்றனர்:
1. உடனடியாக உங்கள் போனின் 'Settings' சென்று சாஃப்ட்வேர் அப்டேட் ஏதேனும் வந்துள்ளதா எனச் சோதிக்கவும்.
2. புதிய ஓஎஸ் (OS) வெர்ஷன் இருந்தால், தாமதிக்காமல் உடனே அப்டேட் செய்யுங்கள்.
3. ப்ளே ஸ்டோர் (Play Store) அல்லாத வெளிப் பக்கங்களில் இருந்து (Third-party sources) ஏதேனும் செயலிகளை இன்ஸ்டால் செய்திருந்தால், அவற்றை உடனே நீக்கிவிடுங்கள்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
