பில்லையும் குறைக்கலாம், படமும் பார்க்கலாம்! காதலர்களுக்கு ஏற்ற ஏர்டெல்லின் சூப்பர் பிளான்!

Airtel ஏர்டெல்லின் ரூ.699 போஸ்ட்பெய்ட் திட்டத்தில் 105GB டேட்டா, இலவச அமேசான் பிரைம் மற்றும் ஹாட்ஸ்டார். ஜோடிகளுக்கு ஏற்ற இந்தத் திட்டத்தின் முழு விவரம் இதோ.

Airtel

தனித்தனியாக மொபைல் பில் கட்டுவதே ஒரு பெரிய தலைவலியாக இருக்கிறதா? அல்லது உங்கள் துணையுடன் டேட்டா மற்றும் பொழுதுபோக்கு அம்சங்களைப் பகிர விரும்புகிறீர்களா? உங்களுக்காகவே ஏர்டெல் நிறுவனம் ஒரு அருமையான திட்டத்தைக் கொண்டு வந்துள்ளது. ரூ.699 'இன்ஃபினிட்டி ஃபேமிலி பிளான்' (Infinity Family Plan) மூலம், ஒரே பில்லில் இரண்டு இணைப்புகளைப் பெறலாம். இது கணவன்-மனைவி அல்லது லிவ்-இன் (Live-in) ஜோடிகளுக்கு பணத்தை மிச்சப்படுத்த ஒரு சிறந்த வாய்ப்பாகும்.

டேட்டா மற்றும் அழைப்புகள்: தாராளம்!

இந்தத் திட்டத்தில் மொத்தம் 105GB டேட்டா கிடைக்கிறது. இதில் முதன்மை சிம் (Primary SIM) பயன்படுத்துபவருக்கு 75GB டேட்டாவும், இரண்டாவது சிம் பயன்படுத்துபவருக்கு 30GB டேட்டாவும் வழங்கப்படும். இது தவிர, இந்தியா முழுவதும் வரம்பற்ற அழைப்புகள் (Unlimited Calls) மற்றும் தினமும் 100 இலவச எஸ்எம்எஸ் வசதியும் உண்டு. ரோமிங் கட்டணம் பற்றி கவலைப்படத் தேவையில்லை, அதுவும் இலவசம்!

பொழுதுபோக்கு அம்சங்கள் (OTT Benefits)

'பிஞ்ச் வாட்சிங்' (Binge-watching) செய்யும் ஜோடிகளுக்கு இந்தத் திட்டம் ஒரு வரப்பிரசாதம். இதில் கிடைக்கும் இலவச சந்தாக்கள் (Subscriptions) இதோ:

• அமேசான் பிரைம் (Amazon Prime): 6 மாதங்களுக்கு இலவசம்.

• டிஸ்னி+ ஹாட்ஸ்டார் (Disney+ Hotstar): 1 வருடத்திற்கு மொபைல் சந்தா இலவசம்.

• ஏர்டெல் எக்ஸ்ஸ்ட்ரீம் ப்ளே (Airtel Xstream Play): பிரீமியம் சந்தா உண்டு.

இதனால் நெட்ஃபிளிக்ஸ், அமேசான் எனத் தனியாகச் செலவு செய்ய வேண்டியதில்லை.

கூடுதல் நன்மைகள்

வெறும் பொழுதுபோக்கு மட்டுமல்ல, பாதுகாப்பு மற்றும் வேலை சார்ந்த நன்மைகளையும் ஏர்டெல் வழங்குகிறது.

• கூகுள் ஒன் (Google One): 100GB கிளவுட் ஸ்டோரேஜ் கிடைக்கும். போட்டோக்கள் மற்றும் ஃபைல்களைப் பத்திரப்படுத்திக்கொள்ளலாம்.

• பாதுகாப்பு: ஸ்பேம் அழைப்புகள் மற்றும் மோசடி மெசேஜ்களைத் தடுக்கப் பிரத்யேக பாதுகாப்பு வசதி உள்ளது.

• Adobe Express Premium: 1 வருடத்திற்கு இலவசம்.

யாருக்கு இது லாபம்?

தனித்தனியாக 300 அல்லது 400 ரூபாய்க்கு ரீசார்ஜ் செய்வதை விட, ரூ.699 (+GST) செலுத்தி இரண்டு பேரும் இந்த எல்லா வசதிகளையும் பெறுவது புத்திசாலித்தனம். பணத்தை மிச்சப்படுத்தவும், அதே சமயம் தரமான சேவையைப் பெறவும் நினைக்கும் ஜோடிகளுக்கு இது நிச்சயம் 'பெஸ்ட் சாய்ஸ்'.