Airtel Plan: 200 ரூபாய்க்கு 18+ ஓடிடியுடன் யூடியூப் பிரீமியம் இலவசம்.. பட்டையை கிளப்பும் ஏர்டெல்!

Airtel Plan: ஏர்டெல் ப்ரீபெய்ட் வாடிக்கையாளர்களுக்கு விளம்பரங்கள் இல்லாத யூடியூப் பிரீமியம் சேவையை வழங்க அதிரடி ஒப்பந்தம் செய்துள்ளது. 30 ஜிபி டேட்டா மற்றும் 18 ஓடிடி தளங்களுடன் கிடைக்கும் இந்த சலுகையை, ஏர்டெல் ஆப் மூலம் ஆக்டிவேட் செய்யலாம்.

யூடியூப் மியூசிக் பிரீமியம் வசதி

இந்தியாவில் ஜியோ, ஏர்டெல், வோடோபோன் ஐடியா போன்ற தனியார் நிறுவனங்களும், அரசின் பிஎஸ்என்எல் நிறுவனமும் தொலைத்தொடர்பு சேவையை வழங்கி வருகின்றன. இதில் ஜியோ மற்றும் ஏர்டெல் ஆகியவை இந்தத் துறையில் இந்தியாவின் இரண்டு பெரிய தொலைத்தொடர்பு நிறுவனங்களாக உள்ளன. இதனால் ஜியோவும், ஏர்டெல்லும் வாடிக்கையாளர்களை கவர போட்டி போட்டு புதிய திட்டங்களை கொண்டு வருகின்றன.

இந்த நிலையில், ஏர்டெல் நிறுவனம் தனது ப்ரீபெய்ட் வாடிக்கையாளர்களுக்கு சூப்பரான ஒரு என்டர்டெயின்மென்ட் அனுபவத்தை கொடுக்க, பிரபல வீடியோ தளமான யூடியூப் உடன் ஒரு முக்கியமான ஒப்பந்தத்தை போட்டுள்ளது. இந்த ஒப்பந்தம் மூலமாக‌ ப்ரீபெய்ட் யூசர்களுக்கு யூடியூப் பிரீமியம் சேவை கிடைக்கப் போகிறது.

ஏர்டெல்லின் புதிய ஆஃபர்

இப்போதெல்லாம் மொபைல் டேட்டா என்பது வெறும் பேசுவதற்கு மட்டும் இல்லை. சினிமா, சீரியல் பார்ப்பது, கன்டென்ட் கிரியேட்டர்களை ஃபாலோ செய்வது, பாட்டு கேட்பது என டிஜிட்டல் என்டர்டெயின்மென்ட்டுக்கு தான் அதிகம் பயன்படுகிறது. வாடிக்கையாளர்களின் இந்த தேவையை புரிந்துகொண்டு தான் ஏர்டெல் இந்த புதிய ஆஃபரை கொண்டு வந்திருக்கிறது. இதன் மூலம் ஷார்ட்ஸ் உட்பட எந்த வீடியோவையும் விளம்பரங்கள் இல்லாமல் யூடியூபில் பார்க்கலாம். அதோடு பேக்கிரவுண்ட் பிளேபேக், ஆஃப்லைன் டவுன்லோட் மற்றும் யூடியூப் மியூசிக் பிரீமியம் வசதிகளும் கிடைக்கும்.

ரூ.200 ஓடிடி டாப்-அப்

ஏர்டெல் ஏற்கனவே வழங்கி வரும் ₹200 ஓடிடி டாப்-அப் பேக்கில் (30 ஜிபி கூடுதல் டேட்டாவுடன்) இப்போது யூடியூப் பிரீமியம் சேவையும் சேர்ந்துள்ளது. இந்த பேக்கில் பிரைம் வீடியோ, ஜியோ ஹாட்ஸ்டார், ஜீ5 பிரீமியம், சோனிலிவ் என மொத்தம் 18க்கும் மேற்பட்ட முன்னணி ஓடிடி தளங்கள் கிடைக்கின்றன.

ஆக்டிவாக ஒரு ப்ரீபெய்ட் பிளான் வைத்திருக்கும் எந்த ஒரு ஏர்டெல் வாடிக்கையாளரும் இந்த டாப்-அப்பை பெற முடியும். ரீசார்ஜ் செய்த பிறகு, ஏர்டெல் ஆப்பில் உள்ள 'ரிவார்ட்ஸ் அண்ட் ஓடிடிஸ்' (Rewards and OTTs) பகுதிக்கு சென்று யூடியூப் பிரீமியம் வசதியை ஆக்டிவேட் செய்து கொள்ளலாம். 28 நாட்கள் வேலிடிட்டி கொண்ட இந்த பிளான் முடிந்த பிறகு, வாடிக்கையாளர்கள் மீண்டும் டாப்-அப் செய்து சேவையை தொடரலாம்.

எந்தெந்த சாதனத்தில் ஆக்டிவேட் செய்யலாம்?

ஏர்டெல் நிறுவனம் தனது ப்ரீபெய்ட் வாடிக்கையாளர்களுக்காக அறிமுகப்படுத்தியுள்ள இந்த புதிய ரூ.200 ஓடிடி டாப்-அப் பேக்கில் கிடைக்கும் யூடியூப் பிரீமியம் மற்றும் 18 ஓடிடி சேவைகளை, வாடிக்கையாளர்கள் தங்கள் மொபைல் போன் தவிர ஸ்மார்ட் டிவி, டேப்லெட் மற்றும் லேப்டாப் போன்ற பல்வேறு சாதனங்களிலும் லாகின் செய்து ஒரே நேரத்தில் பயன்படுத்திக் கொள்ளும் வசதியும் இந்த திட்டத்துடன் கூடுதலாக வழங்கப்படுகிறது என்பது குறிப்பிடத்தக்கது.