ஃபேஸ்புக், வாட்ஸ்அப் யூஸ் பண்றீங்களா? 2026-ல் காத்திருக்கும் சர்ப்ரைஸ்.. ஜூக்கர்பெர்க் சொன்ன குட் நியூஸ்!

Meta 2026-ல் மெட்டா நிறுவனத்தில் செயற்கை நுண்ணறிவு (AI) கொண்டு வரப்போகும் மாற்றங்கள்! மார்க் ஜூக்கர்பெர்க்கின் அறிவிப்பு மற்றும் பயனர்களுக்குக் கிடைக்கப்போகும் புதிய வசதிகள்.

Meta

2026-ம் ஆண்டு மெட்டா (Meta) நிறுவனத்திற்கு மிக முக்கியமான திருப்புமுனையாக அமையப்போகிறது. செயற்கை நுண்ணறிவு (AI) தொழில்நுட்பம், மெட்டா செயல்படும் விதத்தையே தலைகீழாக மாற்றப்போகிறது என்று அதன் தலைவர் மார்க் ஜூக்கர்பெர்க் (Mark Zuckerberg) அறிவித்துள்ளார். வெறும் புதிய தயாரிப்புகளை அறிமுகப்படுத்துவது மட்டுமல்லாமல், நிறுவனத்தின் உள் கட்டமைப்பிலும் பெரிய மாற்றங்களைச் செய்யத் திட்டமிட்டுள்ளார்.

சிறிய குழு, பெரிய சாதனை

முன்பெல்லாம் ஒரு புராஜெக்டை முடிக்க நூற்றுக்கணக்கான இன்ஜினியர்கள் தேவைப்பட்டார்கள். ஆனால் இனி, சரியான ஏஐ கருவிகள் (AI Tools) இருந்தால், திறமையான ஒருவரே அந்த வேலையைச் செய்துவிட முடியும். "கோடிங் (Coding), டேட்டா ஆய்வு மற்றும் சோதனை போன்ற கடினமான பணிகளை ஏஐ ஏஜெண்டுகள் பார்த்துக்கொள்ளும். இதனால் ஊழியர்கள் புதிய ஐடியாக்களை உருவாக்குவதில் கவனம் செலுத்தலாம்" என்று ஜூக்கர்பெர்க் கூறியுள்ளார்.

பயனர்களுக்கு என்ன லாபம்?

கோடிக்கணக்கான மக்கள் பயன்படுத்தும் ஃபேஸ்புக் (Facebook), இன்ஸ்டாகிராம் (Instagram) மற்றும் வாட்ஸ்அப் (WhatsApp) ஆகியவற்றில் இது பெரிய மாற்றத்தை ஏற்படுத்தும்.

• பர்சனலைஸ்டு கன்டென்ட்: உங்களுக்குப் பிடித்த விஷயங்களை இன்னும் துல்லியமாகக் காட்டும்.

• ஸ்மார்ட் அசிஸ்டென்ட்: உங்கள் கேள்விகளைப் புரிந்து கொண்டு சரியாகப் பதில் அளிக்கும் ஏஐ உதவியாளர்கள்.

• பாதுகாப்பு: மேம்பட்ட ஏஐ மூலம் தேவையற்ற மற்றும் ஆபத்தான பதிவுகளை உடனுக்குடன் நீக்க முடியும்.

• தொழில் வளர்ச்சி: சிறு வணிகர்கள் மற்றும் கன்டென்ட் கிரியேட்டர்களுக்கு (Content Creators) உதவும் புதிய ஏஐ கருவிகள் அறிமுகமாகும்.

திறமையானவர்களுக்கு வலை

மெட்டா நிறுவனம் சும்மா வேடிக்கை பார்க்கவில்லை. ஓபன் ஏஐ (OpenAI), கூகுள் (Google) மற்றும் ஆப்பிள் (Apple) போன்ற நிறுவனங்களில் இருந்து தலைசிறந்த ஏஐ நிபுணர்களைத் தன் பக்கம் இழுத்துள்ளது. சுமார் 14.3 பில்லியன் டாலர்களை ஏஐ வளர்ச்சிக்காகச் செலவிட்டுள்ளதோடு, அலெக்ஸாண்டர் வாங் (Alexandr Wang) என்பவரைத் தலைமை ஏஐ அதிகாரியாகவும் நியமித்துள்ளது.

எதிர்காலம் எப்படி இருக்கும்?

அடுத்த சில மாதங்களில் புதிய ஏஐ மாடல்களை அறிமுகப்படுத்த மெட்டா திட்டமிட்டுள்ளது. ஆரம்பத்தில் சில குறைபாடுகள் இருந்தாலும், மிக வேகமான வளர்ச்சியைக் காண்போம் என்று ஜூக்கர்பெர்க் உறுதியளித்துள்ளார். 2026-ல் மட்டும் சுமார் 115 முதல் 135 பில்லியன் டாலர்களை ஏஐ முதலீட்டிற்காக ஒதுக்கத் திட்டமிட்டுள்ளது. இது சமூக வலைத்தளங்களைப் பயன்படுத்தும் விதத்தையே முற்றிலுமாக மாற்றிவிடும் என்பதில் சந்தேகமில்லை.