தவெகவில் இணைந்த பெலிக்ஸ் ஜெரால்டு! சத்தமே இல்லாமல் தட்டி தூக்கிய விஜய்! தவெகவினர் குஷி!

பிரபல யூடியூபரும் பத்திரிகையாளருமான பெலிக்ஸ் ஜெரால்டு, நடிகர் விஜய் தலைமையிலான தமிழக வெற்றிக் கழகத்தில் (தவெக) இணைந்துள்ளார். தலைமுறை மாற்றத்தை உருவாக்கும் இயக்கத்தில் இணைவதாக பெலிக்ஸ் ஜெரால்டு கூறியுள்ளார்.

தவெகவில் இணைந்த யூடியூபர் பெலிக்ஸ் ஜெரால்டு

தமிழ்நாட்டின் அரசியல் களத்தில் பரபரப்பை ஏற்படுத்திய செய்தி ஒன்று வெளியாகியுள்ளது. பிரபல யூடியூபர் மற்றும் பத்திரிகையாளரான. பெலிக்ஸ் ஜெரால்டு, நடிகரும், தமிழக வெற்றிக் கழகத் (தவெக) தலைவருமான விஜய் தலைமையிலான கட்சியில் இணைந்துள்ளார். இந்த இணைப்பு, 2026 சட்டப்பேரவைத் தேர்தலை இலக்காகக் கொண்டு வேகமெடுத்து வரும் தவெகவுக்கு கூடுதல் வலிமை அளிக்கும் என அரசியல் வட்டாரங்கள் கருதுகின்றன. பெலிக்ஸ் ஜெரால்டு, ரெட் பிக்ஸ் யூடியூப் சேனல் மூலம் தமிழக அரசியலை ஆழமாக பகுப்பாய்வு செய்து வரும் மூத்த ஊடகவியலாளர். அரசியல் நிகழ்வுகள், தேர்தல் நிலவரம், சமூகப் பிரச்சினைகள் குறித்த அவரது கருத்துக்கள் பரவலாக கவனம் பெற்றவை என்றே கூறலாம். 

விஜய் கட்சியில் இணைந்தார் பெலிக்ஸ் ஜெரால்டு

குறிப்பாக தமிழக மக்களிடையே இவர் பிரபலம் என்பதே அதற்கு சான்று. கடந்த காலங்களில் பல்வேறு சர்ச்சைகளிலும் சிக்கியுள்ள இவர், தற்போது தவெகவில் இணைவது அக்கட்சியின் ஊடகப் பிரிவுக்கு பெரும் உத்வேகத்தை அளிக்கும் என்று எதிர்பார்க்கப்படுகிறது. கரூர் சம்பவம் தொடர்பாக இவர் விஜய்க்கு ஆதரவாக பேசினார் என்பது குறிப்பிட வேண்டிய விஷயம் ஆகும். தமிழக வெற்றிக் கழகம், 2024 பிப்ரவரியில் விஜயால் தொடங்கப்பட்ட இயக்கமாகும். கட்சியின் முதல் மாநாடு விக்கிரவாண்டியில் நடைபெற்று வரும் லட்சக்கணக்கானோர் கலந்து கொண்டது பெரும் தாக்கத்தை ஏற்படுத்தியது. சமூக நீதி, மதச்சார்பற்ற தன்மை, தமிழ் தேசியம் ஆகியவற்றை அடிப்படைக் கொள்கைகளாகக் கொண்ட தவெக, இளைஞர்கள் மத்தியில் பெரும் ஆதரவைப் பெற்றுள்ளது.

யூடியூபர் பெலிக்ஸ் ஜெரால்டு

சமீபத்தில் அதிமுக மூத்த தலைவர் கே.ஏ. செங்கோட்டையன் போன்றோர் இணைந்த கட்சியின் வளர்ச்சியை உறுதிப்படுத்தியுள்ளது.பெலிக்ஸ் ஜெரால்டின் இணைப்பு குறித்து தவெக வட்டாரங்கள் தெரிவிக்கையில், “அவரது அனுபவமும், ஊடகத் திறனும் கட்சியின் கொள்கைகளை மக்களிடம் எடுத்துச் செல்ல உதவும். ஏற்கனவே திமுக, அதிமுக போன்ற பாரம்பரிய கட்சிகளுக்கு சவாலாக உருவெடுத்துள்ள தவெக, போன்ற மூத்த ஊடகவியலாளர்களின் வருகையால் மேலும் வலுவடையும். 2026 தேர்தலில் தவெகவின் பங்கு என்னவாக அமையும் என்பது அரசியல் பார்வையாளர்களின் கவனத்தை ஈர்த்துள்ளது.

விஜயைப் பற்றி பெலிக்ஸ் ஜெரால்டு

பெலிக்ஸ் ஜெரால்டு போன்றோர் இணைவது, தவெகவை ஒரு மாற்று அரசியல் சக்தியாக உருவாக்கும் முயற்சியின் ஒரு பகுதி. மக்களின் எதிர்பார்ப்புகளை நிறைவேற்றும் வகையில் கட்சி செயல்படும் என விஜய் தொடர்ந்து வலியுறுத்தி வருகிறார். இந்நிலையில், இந்த புதிய இணைப்பு தமிழக அரசியலில் புதிய அத்தியாயத்தைத் தொடங்கியுள்ளது.இதுபற்றி கூறியுள்ள பெலிக்ஸ் ஜெரால்டு, “51 வயதில், கடந்த 12 வருடங்களாக நான் உருவாக்கி வந்த தொழிலில் இருந்து ஒரு படி பின்வாங்கி, தலைமுறை மாற்றத்தை உருவாக்கும் ஒரு இயக்கத்தில் சேர முடிவு செய்துள்ளேன். எனது சக தோழர் விஜய், தமிழ்நாட்டின் எதிர்காலத்தையும் நம்பிக்கையையும் சந்தித்ததில் மகிழ்ச்சி” என்று கூறியுள்ளார். இது தவெக கட்சிக்கு ஊடகத்தரப்பில் மற்றும் சமூக ஊடகங்களில் பெரும் பலத்தை கொடுக்குமா? என்பதை பொறுத்திருந்து பார்க்கலாம்.