TVK Maanadu Thalapathy Vijay Speech: தமிழக வெற்றிக் கழகத்தின் முதல் அரசியல் மாநாட்டில் விஜய் தனது அரசியல் நிலைப்பாட்டை வெளிப்படுத்தவுள்ளார். ரசிகர்களுக்கான ஏற்பாடுகள் செய்யப்பட்டுள்ளன, கட்சிக் கொள்கைகள் மற்றும் 2026 தேர்தல் குறித்தும் பேசுவார் என எதிர்பார்க்கப்படுகிறது.
TVK Maanadu Thalapathy Vijay Speech: மூவி Audio Launchல அரசியல் பத்தி பேசியிருக்கும் விஜய் இப்போது முதல் முறையாக அரசியல் மாநாட்டில் பேச இருக்கிறார். ஒட்டு மொத்த உலகமும் விஜய்யின் அரசியல் உரைக்காக காத்துக் கொண்டிருக்கிறது. சினிமாவில் வெற்றி தோல்விகளை கடந்து உச்சத்திற்கு வந்து நிற்கும் தளபத் விஜய் அரசியலில் முதல் படியாக தமிழக வெற்றிக் கழகம் என்ற கட்சியை தொடங்கியுள்ளார்.
இரண்டாவது படியாக கட்சி கொடியையும் அறிமுகப்படித்தியுள்ளார். இதைத் தொடர்ந்து 3ஆவது படியாக விக்கிரவாண்டியில் நடைபெறும் தனது முதல் மாநாட்டில் பேச இருக்கிறார். இதற்காக ஒட்டுமொத்த ரசிகர்கள், தொண்டர்கள், பிரபலங்கள், நிர்வாகிகள், அரசியல் பிரபலங்கள் என்று ஒவ்வொருவரும் காத்துக் கொண்டிருக்கின்றனர்.
விக்கிரவாண்டியில் நடைபெறும் தமிழக வெற்றிக் கழகம் (டிவிகே) முதல் அரசியல் மாநாட்டில் தனது ரசிகர்களுக்கும், தொண்டர்களுக்கும், நிர்வாகிகளுக்கும் எதுவும் ஆகிவிடக் கூடாது என்பதில் கண்ணும் கருத்துமாக பல ஏற்பாடுகளை விஜய் செய்திருக்கிறார். மேலும், ஏற்பாடுகள் நடந்த இடங்களையும் நேரில் சென்று ஆய்வு செய்திருக்கிறார்.
விக்கிரவாண்டி வி சாலையில் நடைபெறும் இந்த டிவிகே சாலையில் தனது ரசிகர்கள், தொண்டர்களுக்கு என்று குடிநீர் வசதி, கழிப்பறை வசதி, சாப்பாடு, பார்க்கிங் வசதி, 5 நுழைவு வாயில், 500க்கும் அதிகமான சிசிடிவி கேமராக்கள், பஞ்சர் கடை, 150க்கும் அதிகமான மருத்துவர்கள் குழு, ஆம்புலன்ஸ் சேவை, தனியார் பாதுகாப்பு குழு என்று ஏராளமான பாதுகாப்பு நடவடிக்கைகள் மேற்கொள்ளப்பட்டுள்ளது.
இந்த மாநாடு பிற்பகல் 4 மணிக்கு தொடங்கி இரவு 8.30 மணிக்கு முடிக்கும் வகையில் ஏற்பாடுகள் செய்யப்பட்டுள்ளது. இதற்கு காரணம் வெளியூரிலிருந்து வருபவர்களுக்கு பாதுகாப்பாக செல்ல வேண்டும் என்பதற்காக இரவு 8.30 மணிக்கு முடிக்கப்படுகிறது. இந்த மாநாட்டிற்காக 50 ஆயிரம் இருக்கைகள் போடப்பட்டு உள்ளன. இதில் கலந்துகொள்வதற்காக நேற்று இரவில் இருந்தே ரசிகர்கள் வந்த வண்ணம் இருந்த நிலையில் மாநாட்டு திடலில் ரசிகர்கள் கூட்டம் அலைமோதியது.
டிவிகே மாநாட்டில் கலந்து கொள்ள 5 லட்சம் முதல் 6 லட்சம் வரையில் ரசிகர்கள் பங்கேற்பார்கள் என்று எதிர்பார்க்கப்படுகிறது. இதையெல்லாம் தாண்டி ஒட்டுமொத்த உலகமும் விஜய் என்ன பேச போகிறார், எதைப் பற்றி பேச போகிறார் என்பது தான்.
பொதுவாக தனது படங்களின் இசை வெளியீட்டு விழாவிலேயே அரசியல் பற்றி பேசி ரசிகர்களுக்கு விருந்து கொடுப்பார். இப்போது இது விஜய்யின் முதல் அரசியல் வேறு. சும்மா தாறுமாறாக பேசி ரசிகர்களை வியக்க வைப்பார் என்று எதிர்பார்க்கப்படுகிறது. முதலில் விஜய் தனது அரசியல் கட்சி கொள்கைகள் கோட்பாடுகள், கட்சி கொடியின் ரகசியம் குறித்து பேசுவார் என்றும் மற்ற கட்சிகளை விமர்சிக்க மாட்டார் என்றும் தெரிகிறது.
அதன் பிறகு 2026 ஆம் ஆண்டு சட்டமன்ற தேர்தலுக்கு என்ன செய்ய வேண்டும் என்பது குறித்தும் இந்த மேடையில் பேசுவார் என்று தெரிகிறது. இந்த மாநாட்டில் 2 மணி நேரம் மட்டுமே விஜய்யின் உரை இருக்கும் என்று எதிர்பார்க்கப்படுகிறது.
ஆடியோ லாஞ்ச் டூ மாநாடு..
மூவி கட் அவுட் டூ அரசியல் கட் அவுட்
தளபதி விஜய் டூ தலைவர் விஜய்
என்று எல்லாமே மாறி வரும் நிலையில் விஜய்யின் அரசியல் உரை எப்படி இருக்கும் என்பது தான் அனைவரது எதிர்பார்ப்பு. முக்கியமான அம்சமாக இதுவரையில் எந்த அரசியல் கட்சி மாநாட்டிலும் இடம் பெறாத வீரமங்கை வேலுநாச்சியார், சேரர், சோழர், பாண்டியர், அஞ்சலை அம்மாள் ஆகியோரது கட் அவுட் முதல் முறையாக அரசியல் மாநாட்டில் வைக்கப்பட்டுள்ளது என்பது குறிப்பிடத்தக்கது
சேனலை கிளிக் செய்து பின்தொடரவும்