என்னைபோல் சொந்தமாக கட்சி ஆரம்பித்து 1% ஓட்டு வாங்க திராணி இருக்கா? ஸ்டாலின், இபிஎஸ்க்கு விஜய் சவால்!

நான் எந்த கட்சியையும் அழிக்க அரவில்லை. நாங்கள் எந்த கட்சி மீதும் வெறுப்பு காட்டவில்லை. எனக்கு அரசியல் அனுபவம் இல்லை என கூறுகிறார்கள் என்று விஜய் தெரிவித்துள்ளார்.

எனக்கு ஏன் அனுமதி மறுக்கப்படுகிறது?

சேலத்தில் தவெக தலைவர் விஜய் கலந்து கொண்ட மக்கள் சந்திப்பு நிகழ்ச்சி நடந்தது. இதில் பேசிய விஜய் , ''உங்களிடம் ஓட்டு கேட்காமல் நீதி கேட்க வந்துள்ளேன். மக்களை சந்திக்க மற்றவர்களுக்கு அனுமதி தரும்போது விஜய்க்கு மட்டும் அனுமதி மறுப்பது ஏன்? 

விஜய் செய்த தவறு தான் என்ன? மக்களுக்காக அரசியலுக்கு வந்த விஜய் செய்த தவறு என்ன? பிறகு ஏன் இப்படி செய்கிறீர்கள்? தமிழ்நாடு தான் எனது வீடு. என்னை சீண்டி பார்ப்பவர்களுக்கு ஒன்று கூறுகிறேன்.

தமிழ்நாடு தான் எனது தாய் வீடு

தமிழ்நாடு தான் எனது தாய் வீடு. தமிழ்நாடு எனக்கு சொந்தம். தமிழ்நாட்டின் முதல் படை வீரன் நான் தான். விஜய் பனையூரை விட்டு வெளியே வா என கூறுபவர்களுக்கு எனது வீடு எங்கே இருக்கிறது என தெரியுமா?' என்று தெரிவித்தார்.

1% ஓட்டு வாங்க திராணி இருக்கா?

தொடர்ந்து தனக்கு அனுபவம் இல்லை என்று கூறிய அதிமுக பொதுச்செயலாளர் எடப்பாடி பழனிசாமி மற்றும் திமுகவுக்கு விஜய் மறைமுகமாக கொடுத்தார். இது தொடர்பாக பேசிய விஜய், ''நான் எந்த கட்சியையும் அழிக்க அரவில்லை. எந்த கட்சிக்கும் நாங்கள் எதிரானவர்கள் இல்லை. எனக்கு அரசியல் அனுபவம் இல்லை என கூறுகிறார்கள். 

மக்களுக்கு நல்லாட்சி வழங்க அனுபவம் தேவையில்லை. மக்களுக்கு நல்லது செய்ய வேண்டும் என்ற மனது இருந்தால் போதும். அடுத்தவர்கள் ஆரம்பித்த கட்சியில் அட்ரசாக உள்ளவர்களுக்கு ஒரு சவால். என்னைப்போல் சொந்தமாக கட்சி ஆரம்பித்து ஒரு சதவீதம் ஓட்டு உங்களால் வாங்க முடியுமா?'' என்று கூறியுள்ளார்.