என்னடா இது புது ட்விஸ்டா இருக்கு! அஜித் இப்படி ஒரு அறிக்கை வெளியிட டிடிவி.தினகரன் காரணமா?

அஜித் ரசிகர்கள் பொது இடங்களில் 'கடவுளே அஜித்தே' என கோஷமிடுவதை அஜித் கண்டித்துள்ளார். தன்னை அஜித் அல்லது ஏகே என மட்டுமே அழைக்க வேண்டும் என்றும், தனது பெயருடன் வேறு எந்த முன்னொட்டும் சேர்க்க வேண்டாம் என்றும் அவர் கேட்டுக் கொண்டுள்ளார்.

Ajith kumar

தமிழ் சினிமாவின் முன்னணி நடிகர்களில் ஒருவர் அஜித். இவரது ரசிகர்கள் சில சமயங்களில் நடந்து கொள்ளும் விதம் பலருக்கு தொந்தரவை ஏற்படுத்துவதாக அமைந்துள்ளது. அதாவது அஜித் ரசிகர்கள் கூடும் இடங்களில் எல்லாம் கடவுளே அஜித்தே என கோஷமிட்டு வந்தனர். 

Kadavule Ajithey

விழுப்பும் மாவட்டம் விக்கிரவாண்டியில் நடைபெற்ற தமிழக வெற்றிக் கழக மாநாட்டில் லட்சக்கணக்கான மக்கள் பங்கேற்றிருந்தனர். அப்போது தவெக தலைவர் விஜய் மேடையில் பேசிக் கொண்டிருந்த போது, மேடை அருகில் இருந்த ரசிகர்கள் திடீரென "கடவுளே அஜித்தே" என்று முழக்கமிட்டனர். அதுமட்டுமல்லாமல் கடந்த மாதம் கோவையில் தமிழக முதல்வர் ஸ்டாலின் பங்கேற்ற அரசு விழா நிகழ்ச்சியில் கல்லூரி மாணவர்கள் "கடவுளே அஜித்தே" என்ற கோஷத்தை எழுப்பினர். இது அங்கு சலசலப்பை ஏற்படுத்தியது.

TTV Dhinakaran

அதேபோல் திருப்பூரில் தனது பிறந்தநாள் விழாவையொட்டி பெண்ணியத்திற்காக ஓடு என்ற தலைப்பில் மாரத்தான் போட்டி நடைபெற்றது. இதில் வெற்றி பெற்ற மாணவர்களுக்கு பரிசு வழங்க வந்த டிடிவி. தினகரன் மேடையில் பேசிக் கொண்டிருந்தார். அப்போது, பரிசு வாங்க காத்திருந்த மாணவர்களில் ஒரு தரப்பினர்  "கடவுளே அஜித்தே" என கோஷம் எழுப்பினர். இதனால் அதிர்ச்சியடைந்து தனது பேச்சை நிறுத்திய டிடிவி தினகரன், நிர்வாகிகள் மூலம் என்ன சொல்கிறார்கள் என கேட்டு தெரிந்து கொண்டார். இதுபோல அஜித் ரசிகர்கள் பொதுமக்கள் அதிகம் கூடும் இடங்களில் எல்லாம் கடவுளே அஜித்தே என்ற கோஷத்தை எழுப்பி வீடியோ வைரலாக்கி வந்தனர். இதை கண்டித்து அஜித் தரப்பில் அவரது மேலாளர் சுரேஷ் சந்திரா அறிக்கை ஒன்றை வெளியிட்டிருந்தார். 

Actor Ajith

அதில், "சமீபமாக முக்கியமான நிகழ்வுகளில், பொதுவெளியில் அநாகரிமாக தேவையில்லாமல் எழுப்பப்படும் 'க..அஜித்தே "என்ற இந்த கோஷம் என்னை கவலையடையச் செய்திருக்கிறது. எனது பெயரைத் தவிர்த்து என் பெயருடன் வேறு எந்த முன்னொட்டும் சேர்த்து அழைக்கப்படுவதில் நான் நுளியும் உடன்படவில்லை. எனது பெயரில் மட்டுமே நான் அழைக்கப்பட்ட வேண்டும் என விரும்புகிறேன்.

Ajith Statement

எனவே, பொது இடங்களிலும் மக்கள் அதிகம் கூடும் இடங்களிலும் அசௌகரியத்தை ஏற்படுத்தும் இந்த செயலை நிறுத்துவதற்கு உங்கள் ஒத்துழைப்பை நான் அன்புடன் வேண்டுகிறேன். என்னுடைய இந்த கோரிக்கைக்கு உடனடியாக மதிப்பு கொடுப்பீர்கள் என்று நம்புகிறேன்.

Ajith Vs TTV Dhinakaran

யாரையும் புண்படுத்தாமல் கடினமாக உழைத்து, உங்கள் குடும்பத்தை கவனித்துக் கொள்ளுங்கள் மற்றும் சட்டத்தை மதிக்கும் குடிமக்களாக இருங்கள். உங்களுக்கும் உங்கள் குடும்பத்தினருக்கும் அழகான வாழ்க்கை அமைய வாழ்த்துக்கள்! வாழு & வாழ விடு! என்று தெரிவித்துள்ளார். ஏந்கனவே தன்னை தல என்றும் அழைக்க வேண்டாம், அஜித் குமார் அல்லது ஏகே என்று மட்டும் அழைத்தால் போதும் என்று அஜித் கூறியிருந்தது குறிப்பிடத்தக்கது. டிடிவி.தினகரன் பங்கேற்ற கூட்டத்தில் ட  "கடவுளே அஜித்தே" எழுப்பப்பட்ட கோஷங்களுக்கு பிறகே இந்த அறிக்கை வெளியாகியுள்ளது.