திருச்சி கிழக்கில் களம் இறக்கப்படும் நடிகை திரிஷா..? விஜய் வீட்டில் தீவிர ஆலோசனை..

தவெக தலைவர் விஜய் தாம் போட்டியிட்ட பெரம்பூர், திருச்சி கிழக்கு என இரு தொகுதிகளிலும் வெற்றி பெறுவது உறுதி செய்யப்பட்டுள்ள நிலையில், திருச்சி கிழக்கு தொகுதியில் விஜய் ராஜினாமா செய்துவிட்டு, திரிஷா போட்டியிட வாய்ப்பு உள்ளதாக சொல்லப்படுகிறது.

வரலாறு படைத்த தமிழக வெற்றி கழகம்

தமிழக சட்டமன்ற தேர்தல் முடிவுகள் தமிழகத்தை மட்டுமல்லாது நாட்டையே அதிர்ச்சியில் ஆழ்த்தி உள்ளது. கிட்டத்தட்ட 50 ஆண்டுகளுக்கும் மேலாக திமுக, அதிமுக ஆகிய திராவிட கட்சிகள் மட்டுமே தமிழகத்தை ஆட்சி செய்து வந்தன. பல்வேறு வழிகளில் முயற்சித்தும் காங்கிரஸ், பாஜக ஆகிய இரு கட்சிகளுக்கும் மக்கள் வாய்ப்பு வழங்கவில்லை. அதே போன்று நடிகர் கமல்ஹாசன், சரத்குமார் உள்ளிட்டோரும் பெரிய அளவில் சோபிக்கவில்லை. ஆனால் கடந்த 2 ஆண்டுகளுக்கு முன்பு கட்சி தொடங்கிய தமிழக வெற்றி கழகத்தின் தலைவர் விஜய் 100க்கும் அதிகமான தொகுதிகளில் முன்னிலையில் உள்ளார்.

இரு தொகுதிகளிலும் கெத்து காட்டும் விஜய்

தமிழக வெற்றி கழகத்தைத் தொடர்ந்து அதிமுக 66 தொகுதிகளிலும், திமுக 63 தொகுதிகளிலும் முன்னிலையில் உள்ளன.

இதில் தவெக தலைவர் விஜய் தாம் போட்டியிட்ட திருச்சி கிழக்கு, பெரம்பூர் ஆகிய இரு தொகுதிகளிலும் வெற்றியின் விழிம்பில் உள்ளார். விஜய் இரு தொகுதிகளிலும் வெற்றி பெறும் பட்சத்தில் ஒரு தொகுதியில் சட்டமன்ற உறுப்பினர் பதவியை ராஜினாமா செய்ய வேண்டும். பெரம்பூர் தொகுதி சென்னையில் அமைந்துள்ளதால் அதனை அவர் ராஜினாமா செய்யமாட்டாரென சொல்லப்படுகிறது.

திருச்சி கிழக்கில் திரிஷா..?

இதனால் திருச்சி கிழக்கு தொகுதியில் விஜய் ராஜினாமா செய்துவிட்டு அந்த தொகுதியில் தமக்கு நிகரான நட்சத்திர வேட்பாளரைக் களம் இறக்க வாய்ப்பு உள்ளது. அப்படி பார்க்கும் பொழுது விஜய்யின் நெருங்கிய தோழியும், நலன் விரும்பியுமான நடிகை திரிஷா திருச்சி கிழக்கு தொகுதியில் களம் இறக்கப்பட வாய்ப்பு இருப்பதாக சொல்லப்படுகிறது.

இன்று தேர்தல் முடிவு வெளியாகும் நிலையில் அதிகாலையிலேயே திருப்பதி கோவிலுக்கு சென்ற திரிஷா சிறப்பு வழிபாடு மேற்கொண்டார். கோவிலில் வழிபாட்டை முடித்துக் கொண்டு சென்னை வந்த திரிஷா நேரடியாக விஜய் வீட்டிற்கு வந்து அவருக்கு வாழ்த்து தெரிவித்து தீவிர ஆலோசனை மேற்கொண்டதாக சொல்லப்படுகிறது.